រាជធានីភ្នំពេញ ៖ ស្ត្រីរកស៊ីផ្លូវភេទនិងប្រុសស្នេហ៍២នាក់ ត្រូវបានប៉ូលិសប៉ុស្តិ៍ទួលសង្កែឃាត់ខ្លួន បន្ទាប់ពីពួកគេធ្វើសកម្មភាពចាប់ឱបថើបនិងលូកយកកាបូបលុយបុរស២នាក់បងប្អូន កាលពីវេលាម៉ោង១០យប់ថ្ងៃទី២៤ មីនា នៅចំណុចទំនប់៧០ ស្ថិតក្នុងភូមិទួលសង្កែ សង្កាត់ទួលសង្កែ ខណ្ឌប្ញស្សីកែវ ។
រាជធានីភ្នំពេញ ៖ ស្ត្រីរកស៊ីផ្លូវភេទនិងប្រុសស្នេហ៍២នាក់ ត្រូវបានប៉ូលិសប៉ុស្តិ៍ទួលសង្កែឃាត់ខ្លួន បន្ទាប់ពីពួកគេធ្វើសកម្មភាពចាប់ឱបថើបនិងលូកយកកាបូបលុយបុរស២នាក់បងប្អូន កាលពីវេលាម៉ោង១០យប់ថ្ងៃទី២៤ មីនា នៅចំណុចទំនប់៧០ ស្ថិតក្នុងភូមិទួលសង្កែ សង្កាត់ទួលសង្កែ ខណ្ឌប្ញស្សីកែវ ។
ជនសង្ស័យទាំង២នាក់ ម្នាក់ឈ្មោះ កង ណារិទ្ធ ភេទប្រុស អាយុ៣៤ឆ្នាំ និងស្ត្រីជាគូស្នេហ៍ឈ្មោះ ផុន សុជាតិ អាយុ៣០ឆ្នាំ ទាំង២នាក់ស្នាក់នៅផ្ទះជួលតាមផ្លូវរទេះភ្លើង ភូមិទួលគោក សង្កាត់ទួលសង្កែ ចំណែក២នាក់បងប្អូន១-ឈ្មោះ នឹម ចិន្តា ភេទប្រុស អាយុ៣២ឆ្នាំ និង២-ឈ្មោះ នឹម សុផានី ភេទប្រុស អាយុ២៥ឆ្នាំ អ្នកទាំង២ជាជាងឈើ ស្នាក់នៅភូមិទំនប់ សង្កាត់ភ្នំពេញថ្មី ខណ្ឌសែនសុខ ។
បើតាមសេចក្តីរាយការណ៍បានឱ្យដឹងថា មុនពេលកើតហេតុ បុរស២នាក់បងប្អូន និងមិត្តភក្តិ២នាក់ទៀត បានជិះម៉ូតូ២គ្រឿងត្រឡប់មកពីផឹកស៊ី លុះមកដល់ចំណុចកើតហេតុ បុរស២នាក់បងប្អូនបានឈប់ម៉ូតូចាំមិត្តភក្តិ ខណៈនោះស្រាប់តែមានស្ត្រីរកស៊ីផ្លូវភេទ៤នាក់ដែលមានប្រុសស្នេហ៍ឈរកាងជាមួយផង មកដល់ចាប់ឱបថើបរួចលូកយកកាបូបលុយតែម្តង ។
សូមបញ្ជាក់ថា កាបូបលុយរបស់ជនរងគ្រោះដែលក្រុមជនសង្ស័យលូកយកនោះ មួយមានប្រាក់ចំនួន៣០ដុល្លារ និងមួយទៀតមានប្រាក់ចំនួន១៦០ដុល្លារ ។
ចែករំលែកព័តមាននេះ