ខេត្តកំពង់ឆ្នាំង ៖ បុរសម្នាក់ត្រូវក្រុមគ្រួសារបញ្ជូនមកមន្ទីរពេទ្យខេត្តភ្លាមៗ បន្ទាប់ពីបុរសរូបនោះផឹកស្រវឹងខឹងប្រពន្ធមិននៅផ្ទះយកថ្នាំពុលបាញ់កក់មកផឹកប៉ងសម្លាប់ខ្លួន។ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង៧ និង១៥នាទីយប់ ថ្ងៃទី២៤ មីនា ២០១៤ នៅភូមិទ្រាជើង ឃុំស្រែថ្មី ស្រុករលាប្អៀរ។
ខេត្តកំពង់ឆ្នាំង ៖ បុរសម្នាក់ត្រូវក្រុមគ្រួសារបញ្ជូនមកមន្ទីរពេទ្យខេត្តភ្លាមៗ បន្ទាប់ពីបុរសរូបនោះផឹកស្រវឹងខឹងប្រពន្ធមិននៅផ្ទះយកថ្នាំពុលបាញ់កក់មកផឹកប៉ងសម្លាប់ខ្លួន។ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង៧ និង១៥នាទីយប់ ថ្ងៃទី២៤ មីនា ២០១៤ នៅភូមិទ្រាជើង ឃុំស្រែថ្មី ស្រុករលាប្អៀរ។
បុរសប៉ងសម្លាប់ខ្លួននេះឈ្មោះសេង ទិត្យ អាយុ២៦ឆ្នាំ ជាអ្នកប្រមឹកស្រារៀងរាល់ថ្ងៃ។ តាមការរៀបរាប់របស់ស្ត្រីជាប្រពន្ធឈ្មោះហម សុភា អាយុ២៦ឆ្នាំ បានឱ្យដឹងថា ប្តីរបស់នាងជាមនុស្សប្រមឹកស្រវឹងស្រារៀងរាល់ថ្ងៃ ពេលមកដល់ផ្ទះតែងរករឿងវាយធ្វើបាបនាង។
ស្ត្រីជាប្រពន្ធបានឱ្យដឹងទៀតថា មុនពេលកើតហេតុពេលត្រឡប់មកពីផឹកស្រវឹងវិញនៅម៉ោងជាង៤រសៀល នាងខ្លាចប្តីរករឿងវាយតប់ដូចសព្វដងក៏បានគេចខ្លួនទៅផ្ទះម្តាយនៅទល់មុខផ្ទះនាង។ លុះពេលយប់បន្តិចរកនាងមិនឃើញស្រាប់តែប្តីរបស់នាងបានយកថ្នាំបាញ់កក់១កញ្ចប់មកផឹករហូតសន្លប់បែកពពុះមាត់ទើបនាងដឹងក៏ប្រញាប់ប្រញាល់ដឹកមកសង្គ្រោះនៅមន្ទីរពេទ្យតែម្តង៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ