ទទួលទានអាហារប្រៃខ្លាំងអាចបណ្តាលឱ្យឆាប់ចាស់មុនអាយុ
ការសិក្សាថ្មីមួយបានបង្ហាញថា បណ្តាក្មេងវ័យជំទង់មានរាងកាយធាត់ខ្លាំងដែលចូលចិត្តទទួលទានអាហារប្រៃៗក្នុងបរិមាណច្រើនប្រឈមនឹងការឆាប់ចាស់មុនអាយុ ។
ការសិក្សាថ្មីមួយបានបង្ហាញថា បណ្តាក្មេងវ័យជំទង់មានរាងកាយធាត់ខ្លាំងដែលចូលចិត្តទទួលទានអាហារប្រៃៗក្នុងបរិមាណច្រើនប្រឈមនឹងការឆាប់ចាស់មុនអាយុ ។
ការសិក្សាថ្មីមួយបានបង្ហាញថា បណ្តាក្មេងវ័យជំទង់មានរាងកាយធាត់ខ្លាំងដែលចូលចិត្តទទួលទានអាហារប្រៃៗក្នុងបរិមាណច្រើនប្រឈមនឹងការឆាប់ចាស់មុនអាយុ ។
ក្រុមអ្នកវិទ្យាសាស្ត្របានរកឃើញភស្តុតាងដែលបង្ហាញថា បណ្តាកោសិការបស់ពួកគេបានរងនូវដំណើរការភាពចាស់ទៅតាមអាយុលឿនជាងកោសិកាក្មេងៗដែលទទួលទានអាហារប្រៃល្មមឬក្មេងមានរាងកាយធម្មតា ។
អ្នកដឹកនាំការសិក្សា បណ្ឌិត Haidong Zhuមកពីសាកលវិទ្យាល័យ Georgia Regents University សហរដ្ឋអាមេរិកបានថ្លែងថា ៖«បន្ថយការទទួលទានសូដ្យូម(អំបិល) ជាពិសេសសម្រាប់អ្នកដែលរាងកាយលើសទម្ងន់ឬធាត់ខ្លាំង អាចជួយកាត់បន្ថយភាពឆាប់ចាស់ទៅតាមអាយុរបស់កោសិកាដែលជាដើមហេតុនៃការកើតមានជំងឺបេះដូង »។
នៅក្នុងការពិសោធដោយផ្អែកលើមូលដ្ឋាននៃការសិក្សាលើ telomeres(មួកការពារនៅចុងទាំងសងខាងរបស់ក្រូម៉ូសូម) អ្នកវិទ្យាសាស្ត្របានបែងចែកក្មេងវ័យជំទង់ចំនួន ៧៦៦នាក់ជា២ក្រុម ដោយក្រុមទី១ ប្រើអំបិលប្រហែលជា២ក្រាមក្នុងថ្ងៃ ខណៈក្រុមទី២ប្រើច្រើនជាង៤ក្រាម ។ ជាលទ្ធផល ពួកគេបានរកឃើញថា telomeresរបស់ក្រុមទី២គឺរួចខ្លីជាងtelomeresក្រុមទី១ដែលទទួលទានអំបិលតិច ។
telomeresប្រៀបដូចជាចុងទាំងសងខាងនៃខ្សែចងស្បែកជើង(ស្បែកជើងកីឡា) ។ ប្រវែងរបស់វាអាចទស្សន៍ទាយបានពីអាយុរបស់កោសិការាងកាយ ។ នៅពេលដែលវាមានប្រវែងខ្លីខ្លាំងពេក បណ្តាកោសិកានឹងអាយុខ្លី គ្មានសកម្មភាពនិងឆាប់ងាប់ ។ ល្បឿននៃការរួញរបស់telomeres មានភាពខុសគ្នារវាងមនុស្សម្នាក់ទៅពីមនុស្សម្នាក់ ។
បណ្ឌិត Haidong Zhuបានបន្តថា ៖«កាត់បន្ថយការទទួលទានសូដ្យូមគឺជាជំហានទី១ដែលងាយស្រួលជាងការបញ្ចុះទម្ងន់សម្រាប់បណ្តាក្មេងវ័យជំទង់ដែលចង់កាត់បន្ថយហានិភ័យពីជំងឺបេះដូង ។ មួយភាគធំនៃសូដ្យូមនៅក្នុងរបបអាហារប្រចាំថ្ងៃគឺមកពីអាហារកែឆ្នៃ ។ ដូច្នេះ ចំណុចនេះ ឪពុកម្តាយទាំងឡាយអាចជួយកូនៗរបស់ពួកគេបានដោយការចម្អិនអាហារស្រស់ៗឱ្យពួកគេផ្ទាល់ដៃ » ៕
ចែករំលែកព័តមាននេះ