របបអាហារទទួលទានប្រចាំថ្ងៃ ជាពិសេស បន្លែនិងផ្លែឈើគឺពិតជាមានប្រសិទ្ធភាពប្រឆាំងនឹងជំងឺមហារីក ។ ពណ៌គឺជាផ្នែកមួយដែលគេរកឃើញថា ផ្តល់អត្ថប្រយោជន៍ខ្លាំងដល់សុខភាពអ្នកទទួលទាន ។ ការទទួលទានបន្លែនិងផ្លែឈើចម្រុះពណ៌នឹងអាចជួយឱ្យអ្នកជៀសផុតពីជំងឺមហារីកបាន ។ ដូច្នេះ ចូរព្យាយាមទទួលទានបន្លែផ្លែឈើ៥ពណ៌ដូចខាងក្រោមនេះយ៉ាងហោចណាស់ម្តងក្នុងមួយថ្ងៃ ៖
របបអាហារទទួលទានប្រចាំថ្ងៃ ជាពិសេស បន្លែនិងផ្លែឈើគឺពិតជាមានប្រសិទ្ធភាពប្រឆាំងនឹងជំងឺមហារីក ។ ពណ៌គឺជាផ្នែកមួយដែលគេរកឃើញថា ផ្តល់អត្ថប្រយោជន៍ខ្លាំងដល់សុខភាពអ្នកទទួលទាន ។ ការទទួលទានបន្លែនិងផ្លែឈើចម្រុះពណ៌នឹងអាចជួយឱ្យអ្នកជៀសផុតពីជំងឺមហារីកបាន ។ ដូច្នេះ ចូរព្យាយាមទទួលទានបន្លែផ្លែឈើ៥ពណ៌ដូចខាងក្រោមនេះយ៉ាងហោចណាស់ម្តងក្នុងមួយថ្ងៃ ៖
១- ពពួកបន្លែផ្លែឈើពណ៌ក្រហម ៖
ពពួកបន្លែនិងផ្លែឈើទាំងនេះមានប្រសិទ្ធភាពបង្ការជំងឺមហារីកលំពែងនិងអូវែរ ។ ការសិក្សាពិសោធលើស្ត្រី ១៥០០០នាក់បានបង្ហាញថា ប៉េងប៉ោះមានកម្លាំងប្រឆាំងនឹងមហារីកអូវែរ ។ ផឹកទឹកប៉េងប៉ោះចំណុះកន្លះពែង ៤ដងឡើងទៅក្នុងមួយសប្តាហ៍ អាចបន្ថយហានិភ័យពីជំងឺមហារីកអូវែរបាន៥០ភាគរយ ។ ចំណែក ការសិក្សាស្រាវជ្រាវមួយផ្សេងទៀតបានបង្ហាញថា ទទួលទានប៉េងប៉ោះ អាចជួយកាត់បន្ថយហានិភ័យពីជំងឺមហារីកលំពែង ។ ប្រសិទ្ធភាពបែបនេះ ក៏ព្រោះប៉េងប៉ោះផ្ទុកយ៉ាងច្រើននូវសមាសធាតុលីកូប៉ែន ។ ចំណែកផ្លែបឺរីក្រហមនិងម្ទេសទុំក៏ផ្តល់អត្ថប្រយោជន៍ដូចគ្នាផងដែរ ។
២- បន្លែផ្លែឈើពណ៌ទឹកក្រូច ៖
អាហារពណ៌នេះជួយប្រឆាំងមហារីកក្រពះនិងអូវែរ ។ បេតាការ៉ូតែនដែលមានច្រើនក្នុងដំឡូងជ្វា ល្ពៅ ការ៉ុត… មានប្រសិទ្ធភាពប្រឆាំងសមាសធាតុដែលនាំឱ្យកើតមហារីក(មហារីកក្រពះ )តាមរយៈការបំផ្លាញចោលកោសិកាមហារីក ។ ចំណែកអាស៊ីតកាហ្វេអិច ដែលជាសមាសធាតុសរីរាង្គមានក្នុងដំឡូងជ្វានិងការ៉ុតមានកម្លាំងកាត់បន្ថយការលូតលាស់ជំងឺមហារីកដោះ ។ ចូរព្យាយាមទទួលទានអាហារទាំងនេះយ៉ាងហោចណាស់៣ដងក្នុងមួយសប្តាហ៍ ។
៣- ប្រភេទពណ៌លឿង ៖
បន្លែ ផ្លែឈើពណ៌លឿងមានប្រសិទ្ធភាពប្រឆាំងមហារីកបំពង់អាហារនិងក្រពះ ។ អម្បូរក្រូចសម្បកពណ៌លឿងរួមនិងល្ហុងទុំសម្បូរដោយវីតាមីន C ដែលអ្នកវិទ្យាសាស្ត្រអះអាងថា អាចប្រឆាំងនឹងមហារីកបានច្រើនប្រភេទក្នុងនោះមានដូចជា មហារីកមាត់ បំពង់.ក ក្រពះ និងពោះវៀន ។ ពពួកផ្លែឈើទាំងនេះ ក៏សម្បូរច្រើនផងដែរ នូវសមាសធាតុ Flavonoids ដែលមានកម្លាំងទប់ស្កាត់ការលូតកោសិកាដុំសាច់និងបំពុលសារធាតុមិនល្អក្នុងរាងកាយ ។ ចូរទទួលទានផ្លែឈើទាំងនេះយ៉ាងហោចណាស់២ដងក្នុងមួយថ្ងៃ ។
៤- ពពួកបន្លែពណ៌បៃតង ៖
បន្លែទាំងនេះមានកម្លាំងប្រឆាំងនឹងមហារីក សួត មហារីកដោះនិងអូវែរ ។ មានភស្តុតាងច្បាស់លាស់មួយចំនួនបង្ហាញថា ទទួលទានពពួកបន្លែពណ៌បៃតងមានដូចជា ស្ពៃក្តោប ខាត់ណាខៀវ ខាត់ណាធម្មតា ស្ពៃតឿ ស្ពៃសាឡាត់…កាត់បន្ថយហានិភ័យពីជំងឺមហារីក សួត ដោះ អូវែរ ក្រពះនិងមហារីកពោះវៀន ។ បន្លែទាំងនេះសម្បូរទៅដោយ glucosinolates ជាសមាសធាតុប្រឆាំងការលូតលាស់ក៏ដូចជាការអភិវឌ្ឍរបស់មហារីក ។ បន្ថែមពីលើនេះ វាសម្បូរទៅដោយវីតាមីន K ដែលជាតម្រូវការចាំបាច់ជួយបង្ការជំងឺទឹកនោមផ្អែម កាត់បន្ថយបានហានិភ័យពីមហារីកលំពែង ។ ចូរទទួលទានបន្លែទាំងនេះយ៉ាងហោចណស់ម្តងក្នុងមួួយថ្ងៃ ។
៥- បន្លែផ្លែឈើក្រៅពីពណ៌ទាំង៤ខាងលើ ៖
ពពួកបន្លែទាំងនេះអាចប្រឆាំងនឹងមហារីក អូវែរ ក្រពះនិងពោះវៀនធំ ។ ចូរគិតដល់ពពួកផ្សិត ខ្ទឹមស ខ្ទឹមបារាំង និងកាឆាយជាដើម ។ ចូរដាក់បញ្ចូលអាហារទាំងនេះក្នុងរបបអាហារប្រចាំថ្ងៃយ៉ាងហោចណាស់២ដងក្នុងមួយថ្ងៃ ៕
ចែករំលែកព័តមាននេះ