ខេត្តឧត្តរមានជ័យ ៖ បើតាមសេចក្តីរាយការណ៍បឋមបានឱ្យដឹងថា ខណៈប្រជាពលរដ្ឋកំពុងតែធ្វើស្រែចំការ ស្រាប់តែប្រទះឃើញគ្រាប់មិនទាន់ផ្ទុះ១គ្រាប់នៅកណ្តាលដីចំការស្រែរបស់គាត់តែម្តង បង្កឱ្យមានការភ្ញាក់ផ្អើលកាលពីម៉ោង៨ព្រឹក ថ្ងៃទី១២ ខែកញ្ញា ឆ្នាំ២០១៩ នៅចម្ងាយពីភូមិ៣គីឡូម៉ែត្រ…
ខេត្តឧត្តរមានជ័យ ៖ បើតាមសេចក្តីរាយការណ៍បឋមបានឱ្យដឹងថា ខណៈប្រជាពលរដ្ឋកំពុងតែធ្វើស្រែចំការ ស្រាប់តែប្រទះឃើញគ្រាប់មិនទាន់ផ្ទុះ១គ្រាប់នៅកណ្តាលដីចំការស្រែរបស់គាត់តែម្តង បង្កឱ្យមានការភ្ញាក់ផ្អើលកាលពីម៉ោង៨ព្រឹក ថ្ងៃទី១២ ខែកញ្ញា ឆ្នាំ២០១៩ នៅចម្ងាយពីភូមិ៣គីឡូម៉ែត្រ ក្នុងឃុំចុងកាល់ ស្រុកចុងកាល់។
បើតាមប្រជាពលរដ្ឋប្រទះឃើញគ្រាប់មីនខាងលើឈ្មោះ ខា សុខឃឿន ភេទប្រុស អាយុ៣៥ឆ្នាំ រស់នៅភូមិឈក់ ឃុំចុងកាល់ ស្រុកកាល់ បានឲ្យដឹងថា មុនពេលប្រទះឃើញគ្រាប់មីន រូបខ្លួនបានទៅដាក់ជី និងបាញ់ថ្នាំស្រូវ នៅចំណុចវាលស្រែតាពិច ចម្ងាយពីភូមិបាត់ថ្កៅ ប្រហែល៣គីឡូម៉ែត្រ ក៏ស្រាប់តែប្រទះឃើញគ្រាប់មិនទាន់ផ្ទុះនោះតែម្តង រួចក៏រាយការណ៍ដល់សមត្ថកិច្ចឱ្យជួយពិនិត្យមើល។
បើតាមប៉ូលិសប៉ុស្តិ៍រដ្ឋបាល ឃុំចុងកាល់ បានឲ្យដឹងថា គ្រាប់មីន១គ្រាប់ខាងលើនេះ ម៉ាក T.៧២.A ជាប្រភេទមីនខ្យល់ដែលផលិតនៅប្រទេសចិន ហើយលោកបានបោះបង្គោលដាក់សញ្ញាដោយហ៊ុមព័ទ្ធខ្សែហាមប៉ះពាល់ រួចរាយការណ៍ដំណឹងជូនខាងក្រុមហេឡូត្រាស ដើម្បីមកយកទៅកំទេចចោល។ (កែសម្រួលដោយ ៖ បុប្ផា)
ចែករំលែកព័តមាននេះ