ការសិក្សាធ្វើឡើងដោយអ្នកវិទ្យាសាស្ត្រអេស្ប៉ាញបានបង្ហាញថា ទទួលទានរបបអាហារសម្បូរដោយប្រូតេអុីនច្រើនលើសលប់អាចបង្កើនគ្រោះហានិភ័យកើតក្រួសក្នុងតម្រងនោម ។ ក្រុមអ្នកវិទ្យាសាស្ត្រជឿថា របបអាហារ តួយ៉ាងដូចជា Dukan Diets (របបអាហារពីសម័យបុរាណផ្ទុកដោយប្រូតេអុីនច្រើនលើសលប់ដែលគេរៀបចំសម្រាប់ស្តេច)របស់បារាំង អាចបង្កើនហានិភ័យជំងឺតម្រង
ការសិក្សាធ្វើឡើងដោយអ្នកវិទ្យាសាស្ត្រអេស្ប៉ាញបានបង្ហាញថា ទទួលទានរបបអាហារសម្បូរដោយប្រូតេអុីនច្រើនលើសលប់អាចបង្កើនគ្រោះហានិភ័យកើតក្រួសក្នុងតម្រងនោម ។ ក្រុមអ្នកវិទ្យាសាស្ត្រជឿថា របបអាហារ តួយ៉ាងដូចជា Dukan Diets (របបអាហារពីសម័យបុរាណផ្ទុកដោយប្រូតេអុីនច្រើនលើសលប់ដែលគេរៀបចំសម្រាប់ស្តេច)របស់បារាំង អាចបង្កើនហានិភ័យជំងឺតម្រងនោមរយៈពេលវែង ។ នេះក៏ព្រោះ ប្រូតេអុីនបានកាត់បន្ថយកម្រិតស៊ីត្រាតក្នុងទឹកនោម(ស៊ីត្រាតមាននាទីទប់ស្កាត់ការបង្កើតជាដុំអំបិលកាល់ស្យូមសថ្លា )របស់រាងកាយ ។ កាល់ស្យូមគឺជាធាតុសំខាន់នៃក្រួសក្នុងតម្រងនោម ។ បន្ថែមពីលើនេះទៀត ប្រូតេអុីនច្រើនលើសលប់ក៏បានធ្វើឱ្យថយចុះអាស៊ីតក្នុងទឹកនោម ប៉ុន្តែធ្វើឱ្យកើនកម្រិតកាល់ស្យូមទៅវិញ ។
នៅក្នុងការពិសោធទៅលើសត្វកណ្តុររយៈពេល១២សប្តាហ៍ ក្រុមអ្នកវិទ្យាសាស្ត្រសាកលវិទ្យាល័យ University of Granadaបានរកឃើញថា កណ្តុរដែលស៊ីចំណីមានប្រូតេអុីនច្រើនចុះទម្ងន់ខ្លួន១០ភាគរយ ។ ប៉ុន្តែ កម្រិតកូឡេស្តេរ៉ូលឬបរិមាណខ្លាញ់ក្នុងឈាមរបស់ពួកវាមិនបានថយចុះទេ ។ មួយវិញទៀត ពួកវា ៨៨ភាគរយគឺថយចុះកម្រិតស៊ីត្រាតក្នុងទឹកនោម តែកើនកម្រិតអាស៊ីត១៥ភាគរយបន្ថែមទៀត ។ នេះមានន័យថា ពួកវា(កណ្តុរ)ប្រឈមខ្ពស់បំផុតនឹងជំងឺក្រួសក្នុងតម្រងនោម ។
យោងតាមលទ្ធផលពិសោធន៍នេះ នាំឱ្យក្រុមអ្នកវិទ្យាសាស្ត្របានស្នើឡើងថា បណ្តាជនដែលកំពុងទទួលទានរបបអាហារសម្បូរដោយប្រូតេអុីនច្រើនលើសលប់គួរធ្វើការពិនិត្យសុខភាពរបស់ខ្លួនទៀងទាត់ជាប្រចាំនិងដោយយកចិត្តទុកដាក់ ។ លោកស្រីវេជ្ជបណ្ឌិត Virginia Aparicioបានថ្លែងថា បញ្ហាសុខភាពមួយចំនួនបង្កដោយអាហារមានប្រូតេអុីនខ្ពស់អាចទូទាត់គ្នាបានតាមរយៈការទទួលទានបន្លែនិងផ្លែឈើឱ្យបានច្រើន ។ លោកស្ត្រីបានបន្ថែមថា ៖«ទទួលទានបន្លែនិងផ្លែក្នុងចំនួនច្រើនអាចជួយកាត់បន្ថយហានិភ័យនៃការកកើតក្រួសក្នុងតម្រងនោម ។ ប្រសិទ្ធភាពបែបនេះ ប្រហែលជាដោយសារបន្លែនិងផ្លែឈើផ្ទុករ៉ែប៉ូតាស្យូមនិងម៉ាញេស្យូមកម្រិតខ្ពស់ »៕
ចែករំលែកព័តមាននេះ