លោក Elon Must និង Jack Ma ប្រាប់ពីបញ្ហាធំជាងគេដែលពិភពលោកនឹងជួបប្រទះ
បើនិយាយពីអនាគតនៃមនុស្សលោក លោកនាយកប្រតិបត្តិ Elon Musk របស់ក្រុមហ៊ុន Tesla និង លោក Jack Ma…
បើនិយាយពីអនាគតនៃមនុស្សលោក លោកនាយកប្រតិបត្តិ Elon Musk របស់ក្រុមហ៊ុន Tesla និង លោក Jack Ma…
បើនិយាយពីអនាគតនៃមនុស្សលោក លោកនាយកប្រតិបត្តិ Elon Musk របស់ក្រុមហ៊ុន Tesla និង លោក Jack Ma ដែលជាស្ថាបនិក Alibaba គិតថាមនុស្សមិនគួរភ័យខ្លាចបច្ចេកវិទ្យា Artificial Intelligence (AI) ទេ ។
លោក Ma ពិតជាសុទិដ្ឋិនិយមនឹងបច្ចេកវិទ្យានេះណាស់ ប៉ុន្តែអ្នកទាំងពីរបានយល់ស្របគ្នាលើបញ្ហាធំជាងគេដែលពិភពលោកនឹងជួបប្រទះនៅថ្ងៃអនាគត នោះគឺកង្វះប្រជាជន ។ លោក Musk បាននិយាយក្នុងសិក្ខាសាលា World Artificial Intelligence ជាមួយនឹងលោក Ma កាលពីខែមេសាឆ្នាំ២០១៩ កន្លងមកនៅសៀងហៃថា មនុស្សភាគច្រើនគិតថា លើលោកនេះមានមនុស្សច្រើនជ្រុល ប៉ុន្តែវាជាទស្សនៈដែលហួសសម័យកាលហើយ ។ លោកបានបន្តថា បញ្ហាធំជាងគេរបស់ពិភពលោកក្នុងរយៈពេល២០ឆ្នាំខាងមុខ គឺការធ្លាក់ចុះនៃចំនួនប្រជាជន ។
ជាមួយគ្នានេះដែរលោក Ma បានយល់ស្រប និងបានបន្ថែមថា មនុស្ស១.៤ប៊ីលាននាក់ ក្នុងប្រទេសចិនប្រៀបបានជាចំនួនច្រើន ប៉ុន្តែលោកគិតថា ក្នុងរយៈពេល២០ឆ្នាំខាងមុខយើងនឹងមើលឃើញការធ្លាក់ចុះនៃប្រជាជនបង្កជាបញ្ហាធំៗដល់ប្រទេសចិន ហើយល្បឿននៃការធ្លាក់ចុះនឹងកាន់តែលឿនផងដែរ ។ យោងទៅតាមការវិភាគទិន្នន័យដែលបានពីអង្គការសហប្រជាជាតិដោយ Pew Research Center បានឲ្យដឹងថា នៅឆ្នាំ២០៧០ មនុស្សមិនអាចចាប់កំណើតមកគ្រប់គ្រាន់ដើម្បីជំនួសខ្លួនឯងសម្រាប់ជំនាន់ក្រោយឡើយ ។
លើសពីនេះទៅទៀត អត្រាចាប់កំណើតមានភាពខុសគ្នាយ៉ាងខ្លាំងតាមទ្វីបមួយៗ ។ ទ្វីបអាហ្វ្រិក គឺជាទ្វីបតែមួយគត់ដែលនឹងមានការលូតលាស់ចំនួនប្រជាជនខ្ពស់រហូតដល់ឆ្នាំ២១០០ ។ Pew Research បានឲ្យដឹងដែរថា ចំនួនប្រជាជនក្នុងទ្វីបអាស៊ីនឹងកើនឡើងដល់ឆ្នាំ២០៥៥ មុននឹងចាប់ផ្តើមធ្លាក់ចុះវិញ ។
សម្រាប់តំបន់មួយចំនួនជាពិសេសក្នុងប្រទេសក្រីក្រ កំណើនអត្រាចាប់កំណើតអាចបង្កសម្ពាធដល់ប្រព័ន្ធហេដ្ឋារចនាសម្ព័ន្ធសង្គម ប៉ុន្តែសម្រាប់ប្រទេសដទៃដូចជាប្រទេសចិនជាដើម ការធ្លាក់ចុះនៃអត្រានែះនឹងបង្កហានិភ័យធ្ងន់ធ្ងរ ។
ឧទាហរណ៍ដូចជា ព្រោះតែគោលនយោបាយកូនតែមួយដែលត្រូវបានអនុវត្តក្នុងប្រទេសចិនចាប់ពីទសវត្សឆ្នាំ ១៩៧០ដល់ឆ្នាំ២០១៥ ប្រទេសចិនបច្ចុប្បន្ននេះកំពុងតែខ្វះពលករវ័យក្មេងក្នុងការមើលថែប្រជាជនចាស់ៗដែលកំពុងតែកើនឡើង ៕ កែសម្រួលដោយ ៖ សុឃាក់
ចែករំលែកព័តមាននេះ