Sian មានន័យថាផ្លេកបន្ទោរ នៅក្នុងគ្រាមភាសាអ៊ីតាលីបូឡូនៀ ហើយវាជាឈ្មោះរបស់រថយន្តថ្មីមួយចេញដោយ Lamborghini ។ ជាមួយនឹងពេលសមត្ថភាពជាន់ពី ០ទៅ៦២ម៉ាយក្នុងមួយម៉ោង ដោយប្រើប្រាស់ពេលតិចជាង២.៨វិនាទី និង ល្បឿនអតិបរិមាលើសពី២១៧ម៉ាយក្នុងមួយម៉ោង រថយន្ត Sian នេះគឺជារថយន្តដែលអាចនាំ Lamborghini ទៅកាន់ភាពជារថយន្តប្រណាំងដែលដើរដោយអគ្គិសនីនៅពេលអនាគត ។ វាត្រូវបានដាក់បង្ហាញឱ្យឃើញនៅក្នុងកម្មវិធីបង្ហាញរថយន្ត Frankfurt Motor Show ឆ្នាំ២០១៩ ដែលគេអាចមើលរថយន្តថ្មីៗទាំងអស់ជាមួយនឹងភ្នែកទទេរ ។
ប្រធានឌីហ្សាញ នៅ Lamborghini លោក Mitja Borkert បានមានប្រសាសន៍ថា៖«Lamborghini លឿនបំផុតត្រូវតែជារថយន្តមានរូបរាងគួរឱ្យទាក់ភ្នែក ដែលអាចធ្វើឱ្យមនុស្សធ្វើដំណើរតាមដងផ្លូវចាប់អារម្មណ៍ដល់ម្ចាស់រថយន្ត»។
ការឌីហ្សាញរបស់រថយន្ត Sian គឺមានទៅដូចជាជ្រុងៗបញ្ឆិតៗ ដែលមានភាពលេចធ្លោយ៉ាងខ្លាំង។ ដូចជាអ្វីដែលយើងគ្រប់គ្នាបានរំពឹងទុក គំនិតចង់ផលិតរថយន្តអគ្គិសនីរបស់ Lamborghini គឺមានទំនាក់ទំនងជាមួយនឹងម៉ាស៊ីនសាំង V12 របស់រថយន្ត Lamborghini Aventador SVJ។ គេនឹងមិនផលិតរថយន្តអគ្គិសនីដែលគ្មានសម្លេងលាន់រន្ទឺរនោះទេ។ វាត្រូវតែលាយជាមួយនឹងម៉ាស៊ីនសាំង ដែលយើងអាចហៅបានថាជារថយន្ត Hybrid។
ចំពោះតម្លៃរបស់ Lamborghini Sian គេនៅមិនទាន់ដឹងនៅឡើយទេ តែយើងគ្រាន់តែអាចទាយដឹងទុកមុនទៅហើយថា រថយន្តពី Lamborghini មិនដែលថោកនោះទេ៕
ប្រភព ៖ carbuzz , កែសម្រួលដោយ ៖ សំណាង
ចែករំលែកព័តមាននេះ