រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា អគ្គិភ័យឆាបឆេះចេញជាអណ្តាតភ្លើងសន្ធោសន្ធៅនៅលើបង្គោលភ្លើងផ្តើមចេញពីទុស្សេចរន្តបង្កឲ្យភ្ញាក់ផ្អើល និងភិតភ័យខ្លាចរាលដាលពលរដ្ឋក្បែរខាង ដោយមានប្រដាប់បំពង់ពន្លត់អគ្គិភ័យ មានសមត្ថកិច្ច រួមជាមួយរថយន្តពន្លត់អគ្គិភ័យផងដែរ បញ្ជូនដល់ទីតាំងភ្លើងឆេះ កាលពីវេលាម៉ោង៥និង១៥នាទីទាំងព្រឹកព្រលឹមអុរថ្ងៃទី០៨ ខែកញ្ញានេះ នៅតាមផ្លូវ២៦១ សង្កាត់ទឹកល្អក់២ ខណ្ឌទួលគោក ។
តាមប្រជាពលរដ្ឋបានឲ្យដឹងថា នៅវេលាម៉ោងខាងលើ ឮសូរសម្លេងផ្ទុះ ហើយហុយផ្សែង ចេញជាអណ្តាតភ្លើងនៅលើបង្គោលភ្លើងចំណុចខាងលើដែលសន្និដ្ឋានថា ទុស្សេចរន្តភ្លើង ឆេះខ្សែបង្កឲ្យផ្អើលឆោឡោភ័យខ្លាចភ្លើងឆេះរាលពលរដ្ឋក្បែរខាងប្រដាប់ដោយបំពង់ពន្លត់អគ្គិភ័យជាង២០បំពង់ សមត្ថកិច្ច និងរថយន្តពន្លត់អគ្គិភ័យមួយគ្រឿងចេញទៅជួយអន្តរាគមន៍ ខណៈដែលភ្លើងឆេះសន្ធោសន្ធៅនៅលើបង្គោល ។
ក្រោយពីមានការអន្តរាគមន៍ពីពលរដ្ឋសមត្ថកិច្ច អគ្គិសនីកាត់ផ្តាច់ចរន្ត ដើម្បីបាញ់ពន្លត់ភ្លើងឲ្យរលត់ទៅវិញ ហើយខ្សែភ្លើងជាច្រើនសរសៃត្រូវបានភ្លើងឆេះអស់ តែមិនបង្កឲ្យអ្នកណាម្នាក់រងរបួសឡើយ ។
ពលរដ្ឋបានលើកឡើងថា សព្វថ្ងៃពួកគាត់ក៏មិនយល់ពីបច្ចេកទេសនៃការតម្លើង និងតំណរភ្ជាប់ចរន្តអគ្គិសនីដែរ ទោះជាមានឧបករណ៍ដាក់កាត់ផ្តាច់ចរន្តស្វ័យប្រវត្តិពេលចរន្តមិនប្រក្រតីក៏ដោយ ហារនិភ័យផ្តើមចេញពីទុស្សេចរន្តញឹកញាប់ពេកទៅហើយ ជាក្តីព្រួយបារម្ភ សុវត្តិភាព អាយុជីវិតមនុស្សសម្ភារៈ ទ្រព្យសម្បត្តិ ហើយម្យ៉ាងវិញទៀតនៅលើបង្គោលភ្លើងនីមួយៗបំពាក់ដោយខ្សែភ្លើង ខ្សែកាបអុបទិច ស្អេកស្កះ មិនចាញ់សម្បុកពីងពាង មានទាំងសម្បុកសត្វ ជាការងាយទុស្សេឆេះពេលដែលកកិតខ្សែក្នុងលក្ខខ័ណ្ឌណាមួយ ៕ កែសម្រួលដោយ ៖ សុឃាក់
ចែករំលែកព័តមាននេះ