មូសគឺជាសត្វចង្រៃដែលអាចធ្វើឲ្យអ្នកមានជំងឺបាននៅពេលដែលវាខាំត្រូវ ជាពិសេសកុមារ ដូចនេះខាងក្រោមនេះយើងខ្ញុំនឹងប្រាប់អ្នកពីវិធីកំចាត់មូសដោយមិនចាំបាច់ប្រើធូបមូស ឬមុងនោះទេ។ តើមានអ្វីខ្លះទៅ?
វិធីទី១ ៖ អ្នកអាចយកដបទទេរមួយច្រកទឹកស្ករ ឬស្រាបៀរនៅក្នុងនោះ បន្ទាប់មកយកវាទៅដាក់នៅកន្លែងដែលងងឹត នោះមូសនឹងហើរចូលក្នុងដបនោះ ដែលអាចធ្វើឲ្យវាងាប់បានដោយសារតែទឹកស្ករទាំងនោះ។
វិធីទី២ ៖ អ្នកអាចយកទឹកខ្មេះទៅដាំឲ្យពុះ បន្ទាប់មកចាក់ចូលទៅក្នុងចានទាបមួយ រួចយកទៅដាក់ក្នុងបន្ទប់អ្នក នោះមូសនឹងមិនចូលបន្ទប់អ្នកទេទោះបីជាអ្នកមិនបិតទ្វារក៏ដោយ។
វិធីទី៣ ៖ អ្នកអាចយកសំបកក្រូចមកដុតបាន នោះវានឹងជះក្លិនដែលធ្វើឲ្យមូសមិនហ៊ានហើរមកជិតនោះទេ។
វិធីទី៤ ៖ អ្នកអាចបិតបង្ហួច បន្ទាប់មកយកចានដែកមួយដាក់សាប៊ូបោកខោអាវ និងទឹកចូល ហើយដាក់នៅមុខបង្ហួច នោះព្រឹកឡើងអ្នកនឹងឃើញមូសជាច្រើនងាប់នៅក្នុងនោះ។
វិធីទី៥ ៖ អ្នកក៏អាចបើកគម្របប្រេងខ្យល់ដាក់ជិតខ្លួនអ្នកដែរ នោះមូសមិនហ៊ានមកជិតអ្នកឡើយ ដោយសារតែវាខ្លាចក្លិនប្រេងខ្យល់ទាំងនោះ។
វិធីទី៦ ៖ ចំពោះផ្ទះដែលប្រើពាងទឹក ៣ទៅ៥ថ្ងៃគួរតែលាងសម្អាតពាងនោះម្តង ហើយប្តូរទឹកចេញម្តង ទើបគ្មានមូសច្រើន៕ (កែសម្រួលដោយ ៖ បុប្ផា)
ចែករំលែកព័តមាននេះ