សហគ្រិនភាគច្រើនជាមនុស្សដែលមិនភ័យខ្លាចហានិភ័យ និងតែងតែចូលចិត្តជំរុញខ្លួនឯងឲ្យសាកល្បងអ្វីដែលមានលក្ខណៈថ្មីៗ។ យ៉ាងណាក្តីវាមិនងាយស្រួលឡើយក្នុងការចូលប្រឡូកក្នុងវិស័យណាមួយដែលអ្នកមិនមានបទពិសោធន៍ច្រើន ឬស្គាល់វាច្បាស់ ។ ដោយហេតុដូចនេះមុនពេលនឹងចាប់ផ្តើមអាជីវកម្មក្នុងវិស័យដែលអ្នកមិនទាន់យល់ដឹងច្បាស់ អ្នកគួរតែគិតពីចំណុចទាំងបីខាងក្រោមជាមុនសិន ៖ ១-ស្វែងរកមូលហេតុឲ្យបានច្បាស់លាស់ ៖…
សហគ្រិនភាគច្រើនជាមនុស្សដែលមិនភ័យខ្លាចហានិភ័យ និងតែងតែចូលចិត្តជំរុញខ្លួនឯងឲ្យសាកល្បងអ្វីដែលមានលក្ខណៈថ្មីៗ។ យ៉ាងណាក្តីវាមិនងាយស្រួលឡើយក្នុងការចូលប្រឡូកក្នុងវិស័យណាមួយដែលអ្នកមិនមានបទពិសោធន៍ច្រើន ឬស្គាល់វាច្បាស់ ។ ដោយហេតុដូចនេះមុនពេលនឹងចាប់ផ្តើមអាជីវកម្មក្នុងវិស័យដែលអ្នកមិនទាន់យល់ដឹងច្បាស់ អ្នកគួរតែគិតពីចំណុចទាំងបីខាងក្រោមជាមុនសិន ៖
១-ស្វែងរកមូលហេតុឲ្យបានច្បាស់លាស់ ៖ ការចូលប្រឡូកក្នុងវិស័យថ្មីដែលមានសក្តានុពលសម្រាប់ថ្ងៃមុខផ្តល់ភាពរំជើបរំជួលជាខ្លាំង ដល់សហគ្រិនជាច្រើនរូប ប៉ុន្តែវាពិតជាសំខាន់ណាស់ ក្នុងការដឹងពីមូលហេតុដែលជំរុញឲ្យអ្នកចូលទៅក្នុងវិស័យថ្មីនេះ ហើយអ្នកត្រូវតែធានាថា មូលហេតុទាំងនោះពិតជាអាចជួយឲ្យអ្នកសម្រេចគោលដៅរយៈពេលវែងរបស់ខ្លួនពិតមែន ។ ជម្រើសវិស័យភាគច្រើនទទួលរងឥទ្ធិពលពីសក្តានុពល និងទស្សនៈវិស័យដែលសហគ្រិនអាចមើលឃើញពេលដែលចូលក្នុងទីផ្សារ ។
២-ស្ថិតនៅជិតមនុស្សដែលនៅក្នុងវិស័យ និងស្គាល់គេច្រើន ៖ ពេលដែលចូលក្នុងវិស័យ ឬផ្នែកថ្មីណាមួយ សហគ្រិនត្រូវតែនៅជិតមនុស្សត្រឹមត្រូវ ។ ការបង្កើតទំនាក់ទំនង គឺជាភាពចាំបាច់មួយក្នុងការស្វែងរកមនុស្សក្នុងវិស័យដែលមានបទពិសោធន៍ច្រើន ដែលអាចជួយអ្នកសម្រេចគោលដៅអាជីវកម្មបាន ។ លើសពីនេះទៅទៀត ប្រសិនបើអ្នកអាចរកបានអ្នកណែនាំសម្រាប់វិស័យថ្មី នោះឱកាសក្នុងការជោគជ័យរបស់អ្នកក៏កើនឡើងដែរ ។
៣ – រកមនុស្សដែលមានជំនាញគ្រប់គ្រាន់ ដើម្បីបំពេញចំណុចខ្វះខាតអ្នក ៖ អាជីវកម្មដែលជោគជ័យត្រូវការមនុស្សមានជំនាញខុសៗគ្នាជាច្រើន ហើយប្រាកដណាស់អ្នកតែម្នាក់ឯងប្រហែលជាមិនមានជំនាញទាំងអស់នោះឡើយ ។ ជំហានទីមួយដែលសហគ្រិនត្រូវតែដើរ គឺគិតមើលថា ជំនាញផ្ទាល់ខ្លួនដែលអ្នកជឿជាក់លើជាងគេមានអ្វីខ្លះ រួចស្វែងរកមនុស្សដែលមានជំនាញអាចជួយបំពេញចំណុចខ្វះខាតរបស់អ្នកបាន ។ អ្នកមិនអាចធ្វើជាអ្នកជំនាញក្នុងគ្រប់ផ្នែកបានទេ ប៉ុន្តែអ្នកអាចបង្កើតក្រុមការងារមួយដែលមានមនុស្សមានជំនាញគ្រប់ផ្នែក ៕ កែសម្រួលដោយ ៖ សុឃាក់
ចែករំលែកព័តមាននេះ