រាជធានីភ្នំពេញ ៖ ក្នុងន័យអាណិតស្រឡាញ់ដល់អតីតតារាចម្រៀងដែលបានធ្លាក់ខ្លួនក្រលំបាក និងកំពុងតែផ្ទុកមេរោគដ៏កាចសាហាវ អ្នកនាង អ៊ុំ គន្ធា ត្រូវបានស្ត្រីម្នាក់ដែលគេអះអាងថា ជាក្មួយរបស់ថ្នាក់ដឹកនាំឈ្មោះសុភាព ផ្តល់ការលើកទឹកចិត្ត និងជួយផ្តល់ជាថវិកាតាមលទ្ធភាពដើម្បីជួយដល់ក្រុមគ្រួសារអតីតតារាចម្រៀងដ៏អភ័ព្វម្នាក់នេះ ។
រាជធានីភ្នំពេញ ៖ ក្នុងន័យអាណិតស្រឡាញ់ដល់អតីតតារាចម្រៀងដែលបានធ្លាក់ខ្លួនក្រលំបាក និងកំពុងតែផ្ទុកមេរោគដ៏កាចសាហាវ អ្នកនាង អ៊ុំ គន្ធា ត្រូវបានស្ត្រីម្នាក់ដែលគេអះអាងថា ជាក្មួយរបស់ថ្នាក់ដឹកនាំឈ្មោះសុភាព ផ្តល់ការលើកទឹកចិត្ត និងជួយផ្តល់ជាថវិកាតាមលទ្ធភាពដើម្បីជួយដល់ក្រុមគ្រួសារអតីតតារាចម្រៀងដ៏អភ័ព្វម្នាក់នេះ ។
តាមរយៈប្រធានសមាគមសិល្បករខ្មែរ លោកសុះ ម៉ាច បាននាំក្រុមគ្រួសាររបស់អ្នកនាងអ៊ុំ គន្ថា ទៅជួបផ្ទាល់ជាមួយស្ត្រីដែលជាក្មួយថ្នាក់ដឹកនាំរូបនេះនៅក្នុងហាងមួយកន្លែងកាលពីពេលថ្មីៗនេះ ។
លោកសុះ ម៉ាច បានអះអាងប្រាប់កោះសន្តិភាពតាមទូរស័ព្ទនៅថ្ងៃទី១៦ មីនា នេះថា លោកបាននាំអ្នកនាងអ៊ុំ គន្ធា ទៅជួបប្អូនស្រី(សុភាព) ដែលជាកូនក្មួយមន្ត្រីថ្នាក់ដឹកនាំដែលមាននិស្ស័យរាប់អាន អាណិតស្រឡាញ់ដល់តារាចម្រៀងកំសត់ផ្ទុកមេរោគកាចសាហាវនេះ ហើយពយកគេទាំង២បានបង្ហាញពីក្តីស្រឡាញ់ដោយគ្មានរើសអើង ព្រមទាំងសណ្តានចិត្តអាណិតអាសូរឧបត្ថម្ភសម្លៀកបំពាក់ និងថវិកាមួយចំនួនដល់អ្នកនាងអ៊ុំ គន្ធា ផងដែរ និងបានសន្យាជួយចិញ្ចឹមផ្តល់ការងារឱ្យកូនប្រុសទាំង២និងក្រុមគ្រួសាររាល់តម្រូវការទៅតាមលទ្ធភាព ព្រមទាំងជួយផ្តល់កម្លាំងចិត្តឱ្យ អ៊ុំ គន្ធា ចេះតស៊ូដើម្បីជួយជីវិតខ្លួនឯងទន្ទឹមនឹងសុភាពជួយគាំទ្រពីក្រោយ។
លោកសុះ ម៉ាច បញ្ជាក់ថា ក្នុងពេលដែលអ្នកទាំង២បានជួបគ្នានោះទាំងអស់គ្នាបានបង្ហាញនូវការស្រឡាញ់រាប់អានគ្នាយ៉ាងជិតស្និទ្ធ បើទោះបីជាអ្នកទាំង២មិនត្រូវជាអ្វីគ្នាពីមុនមកក៏ដោយ ហើយដោយចិត្តអាណិតអាសូរ និងការក្តុកក្តួលចិត្តនោះអ្នកទាំង២បានបង្ហូរទឹកភ្នែក ខណៈពេលដែលរូបលោកស្ទើរតែទប់ទឹកភ្នែកមិនបានដែរនោះ។
ក្នុងនាមជាប្រធានសមាគមសិល្បករខ្មែរ និងតំណាងឱ្យក្រុមប្រឹក្សា និងសមាជិករបស់សមាគមទាំងមូល លោកសុះ ម៉ាច បានសម្តែងនូវអារម្មណ៍រំភើបរីករាយពេលបានឃើញកាយវិការដ៏គួរឱ្យគោរពកោតសរសើរនេះ។ លោកបញ្ជាក់ថា មិនត្រឹមតែពេលនេះទេ កន្លងមកក្រុមគ្រួសារក៏ដូចជាសាច់ញាតិដទៃទៀតរបស់ថ្នាក់ដឹកនាំរបស់យើងតែងតែជួយដល់ជនក្រីក្រ ជាពិសេសសិល្បករ សិល្បការិនីដែលជួបទុក្ខលំបាក ហើយសកម្មភាពនេះត្រូវបានទទួលការគោរព និងកោតសរសើរដែលមិនអាចមើលរំលងបាន។
តាមការបញ្ជាក់ពីស្ថានភាពអ៊ុំ គន្ធា នាពេលនេះ លោកសុះ ម៉ាច បានបញ្ជាក់ថា កន្លងមកដោយសារតែអតីតតារាចម្រៀងរូបនេះបានញៀនថ្នាំដល់កម្រិតនិយាយលែងដឹងអិនោះ ក្រុមគ្រួសាររបស់នាងបានបញ្ជូននាងមកកាន់មណ្ឌលអប់រំកែប្រែ។ លោកបន្តថា បន្ទាប់ពីស្នាក់នៅក្នុងមណ្ឌលកែប្រែបានមួយរយៈមក ក្រុមគ្រួសាររបស់នាងក៏បាននាំនាងត្រឡប់មកផ្ទះវិញក្រោយពេលដែលអាការៈរបស់នាងហាក់មានការធូរស្បើយបន្តិច។ ប៉ុន្តែបន្ទាប់ពីនាងបានចេញពី មណ្ឌលកែប្រែនោះ អ៊ុំ គន្ធា នៅតែមិនអាចធ្វើចិត្តឱ្យបានល្អឡើយ ដោយសារតែខូចចិត្តនឹងជំងឺផងនោះ នាងតែងតែផឹកស្រា និងរករឿងក្រុមគ្រួសារដដែល។
យ៉ាងណាក៏ដោយនៅពេលដែលបានទៅជួបជាមួយនឹងប្អូនស្រីសុភាព រូបលោក និងប្អូនស្រីបានឱ្យអ្នកនាងអ៊ុំ គន្ធា ធ្វើកិច្ចសន្យាឈប់ប្រព្រឹត្តនូវរឿងមិនល្អទៀត ដោយខិតខំថែរក្សាសុខភាព និងថែរក្សាកូនៗឱ្យបានល្អ ហើយរូបលោក និងប្អូនស្រីសុភាពជាអ្នកគាំទ្រ និងផ្តល់កម្លាំងចិត្តពីក្រោយ៕
ចែករំលែកព័តមាននេះ