រាជធានីភ្នំពេញ ៖ ថ្មីៗមកនេះតារាសម្តែង និងជាពិធីកររូបសង្ហារដែលកំពុងល្បីឈ្មោះ ទ្រី តារាវុទ្ធ បានបង្ហោះរូបថតនៅក្នុងបណ្តាញសង្គមដែលបង្ហាញរាងកាយស្ទើរអាក្រាតដោយស្លៀកតែខោលីអូតែប៉ុណ្ណោះ ។ គេមិននឹកស្មានថា តារារូបនេះចិត្តស្លុយបែបនេះឡើយ…
រាជធានីភ្នំពេញ ៖ ថ្មីៗមកនេះតារាសម្តែង និងជាពិធីកររូបសង្ហារដែលកំពុងល្បីឈ្មោះ ទ្រី តារាវុទ្ធ បានបង្ហោះរូបថតនៅក្នុងបណ្តាញសង្គមដែលបង្ហាញរាងកាយស្ទើរអាក្រាតដោយស្លៀកតែខោលីអូតែប៉ុណ្ណោះ ។ គេមិននឹកស្មានថា តារារូបនេះចិត្តស្លុយបែបនេះឡើយ ធ្វើឲ្យហ្វេនៗចាប់អារម្មណ៍ខ្លាំង ព្រមទាំងនាំគ្នាស៊ែរបន្តយ៉ាងកក្រើកតែម្តង មិនថាប្រុស-ស្រីជាពិសេសភេទទី៣ ។
ទោះជាយ៉ាងណា សាមីខ្លួនបានអះអាងថា សម្រាប់ការបង្ហាញបែបនេះ គឺក្នុងបំណងមួយឆ្ពោះទៅកាន់ការប្រកួតខ្នាតអន្តរជាតិនាប្រទេសភូមា ។ នៅសល់តែប៉ុន្មានថ្ងៃទៀតប៉ុណ្ណោះ តារាសម្តែង ទ្រី តារាវុទ្ធ នឹងធ្វើដំណើរទៅកាន់ប្រទេសមីយ៉ាន់ម៉ា ដើម្បីចូលរួមក្នុងព្រឹត្តិការណ៍ប្រកួតសម្រស់ផ្នែកបុរស Man Of The Year ។
នេះគឺជាឱកាសថ្មីមួយដែលតារាសម្តែងរូបនេះ ទទួលបានក្រោយពីជោគជ័យលើការងារសម្តែងក្នុងស្រុករយៈពេលប៉ុន្មានឆ្នាំចុងក្រោយនេះ ។ ទ្រី តារាវុទ្ធ បានឱ្យដឹងថា លោកនឹង តំណាងប្រទេសកម្ពុជា ដើម្បីចូលរួមប្រកួតក្នុងកម្មវិធីលំដាប់អន្តរជាតិ Man Of The Year ដែលប្រទេសមីយ៉ាន់ម៉ា គឺជាម្ចាស់ផ្ទះក្នុងឆ្នាំ២០១៩ នេះ ។
ជាមួយគ្នានោះ កំលោះសង្ហារ រូបនេះក៏បានបន្ថែមទៀតថា សម្រាប់កម្មវិធី Man Of The Year នេះនឹងចាប់ផ្តើមប្រកួតពីថ្ងៃទី១២ ដល់២១ ខែកញ្ញា ឆ្នាំ២០១៩ ខាងមុននេះ ដោយលោកសង្ឃឹមថា នឹងមានការគាំទ្រ និងលើកទឹកចិត្តពីសំណាក់បងប្អូនទាំងអស់ផងដែរ ។
ទ្រី តារាវុទ្ធ មានអាយុ២៤ឆ្នាំ គឺជាតារាសម្តែង បង្ហាញម៉ូដ និងពិធីករម្នាក់ដ៏មានប្រជាប្រិយ ភាព ។ លោកគឺជាអតីត Frishie Boy ចំណាត់ថ្នាក់លេខ១ នៅឆ្នាំ២០១៦ ។ តារារូបនេះធ្លាប់សម្តែងក្នុងភាពយន្តជាច្រើនបន្តបន្ទាប់ រហូតទទួលបានការគាំទ្រច្រើនដូចជារឿង «កំណត់ហេតុនាងនាថ», «សរសរកន្លោង», «ភូមិគ្រឹះជំពាក់ស្នេហ៍» និងរឿង «កុំងាកក្រោយ» ៕ (កែសម្រួលដោយ ៖ បុប្ផា)
ចែករំលែកព័តមាននេះ