ខេត្តបន្ទាយមានជ័យ ៖ ប្រជាពលរដ្ឋដែលរស់នៅជិតប៉ាណូចាស់ធំមានការព្រួយបារម្ភនៅការពុកផុយអាចបង្កគ្រោះថ្នាក់គ្រប់ពេល បានសុំឱ្យអាជ្ញាធររុះរើចេញផងការពារគ្រោះថ្នាក់នៅក្បាលស្ពានសែសិនខាងលិច ស្ថិតភូមិសែសិន សង្កាត់អូរអំបិល ក្រុងសិរីសោភ័ណ ។ ប្រជាពលរដ្ឋបានប្រាប់អ្នកយកព័ត៌មានកាលពីរសៀលថ្ងៃទី០៤ ខែកញ្ញា…
ខេត្តបន្ទាយមានជ័យ ៖ ប្រជាពលរដ្ឋដែលរស់នៅជិតប៉ាណូចាស់ធំមានការព្រួយបារម្ភនៅការពុកផុយអាចបង្កគ្រោះថ្នាក់គ្រប់ពេល បានសុំឱ្យអាជ្ញាធររុះរើចេញផងការពារគ្រោះថ្នាក់នៅក្បាលស្ពានសែសិនខាងលិច ស្ថិតភូមិសែសិន សង្កាត់អូរអំបិល ក្រុងសិរីសោភ័ណ ។
ប្រជាពលរដ្ឋបានប្រាប់អ្នកយកព័ត៌មានកាលពីរសៀលថ្ងៃទី០៤ ខែកញ្ញា ឆ្នាំ២០១៩ ថាជាការព្រួយបារម្ភរបស់ប្រជាពលរដ្ឋដែលរស់នៅក្បែរប៉ាណូកញ្ចាស់ធំដែលទុកចោលហើយពុកផុយនៅពេលថ្ងៃណាមួយអាចគ្រោះថ្នាក់បានគ្រប់ពេលនៅពេលដែលឃើញមេឃខ្យល់មានការភ័យខ្លាចបាក់សង្កត់ប្រជាពលរដ្ឋដែលរស់នៅក្បែរអាចគ្រោះថ្នាក់ប្រឈមគ្រប់ពេល ។
ប្រជាពលរដ្ឋបានបញ្ជាក់ថា ប៉ាណូកញ្ចាស់នេះទុកចោលហើយគ្មានពាណិជ្ជកម្មឡើយ បណ្តាលឱ្យពុកផុយច្រេះហើយសុំឱ្យអាជ្ញាធរខេត្ត និងក្រុងសិរីសោភ័ណ ក៏ដូចជាមន្ទីរជំនាញពាក់ព័ន្ធលោកជួយមើល និងរុះរើចេញដើម្បីការពារសុវត្ថិភាពប្រជាពលរដ្ឋរស់ក្បែរហើយឃើញប៉ាណូកញ្ចាស់ទុកចោលដែលច្រេះពុកផុយប្រមាណ២ទៅ៣កន្លែង ។
លោក ហ៊ឹល រ៉ាយ៉ា អភិបាលក្រុងសិរីសោភ័ណបានប្រាប់នៅរសៀលថា ប៉ាណូដែលចាស់ហើយច្រេះចាប់បណ្តាលឱ្យមានការពុកផុយដែលប្រឈមគ្រោះនោះគឺលោកឆ្លងយោបល់អភិបាលខេត្តបន្ទាយមានជ័យ ហើយសុំគោលការរុះរើចេញដើម្បីការពារសុវត្ថិភាពប្រជាពលរដ្ឋធ្វើដំណើរ និងរស់នៅក្បែរ ។
លោកបានបញ្ជាក់ថា ព្រោះប៉ាណូដែលដាក់នៅក្នុងក្រុងសិរីសោភ័ណនេះគឺគេសុំទៅអភិបាលខេត្ត បើប៉ាណូចាស់ហើយប្រឈមគ្រោះថ្នាក់គ្រប់ពេលដល់អ្នកដំណើរ និងប្រជាពលរដ្ឋរស់នៅក្បែរក្រោយពេលសុំគោលការហើយ និងរុះរើចេញមិនទុកឱ្យគ្រោះថ្នាក់ដល់ប្រជាពលរដ្ឋឡើយ ៕
កែសម្រួលដោយ ៖ សំណាង
ចែករំលែកព័តមាននេះ