អស់រយៈពេលពីរឆ្នាំហើយ ដែលក្រុមហ៊ុនផលិតរថយន្តមានប្រភពនៅទីក្រុងញូវយ៉កចាប់ផ្តើមផលិតរថយន្តចាប់តាំងពីការចាប់ផ្តើមផលិតរថយន្តអគ្គិសនីប្រភេទ Off-Road។ ម៉ូដែល Bollinger B1 SUV និង B2 ប្រភេទភីកអាប់ មានរាងដូចប្រអប់យ៉ាងសាមញ្ញ ដែលអាចទាក់ទាញអ្នកគាំទ្ររថយន្តជំនាន់មុន។ ជាមួយនឹងរូបរាងដូចរថយន្តសេរ៊ីចាស់ តែមានម៉ាស៊ីនអគ្គិសនីទំនើប គឹពិតជាមានភាពទាក់ទាញមែនទែន។
ក្រុមហ៊ុនរថយន្ត Rivian នៅតែបន្តធ្វើឱ្យគ្រប់គ្នាមានភាពភ្ញាក់ផ្អើលនឹងរថយន្ត Off-Road ម៉ាស៊ីនអគ្គិសនីរបស់ខ្លួន ។ ក្រុមហ៊ុន Ford បានធ្វើការវិនិយោគធំទៅលើក្រុមហ៊ុន Rivian ហើយក៏កំពុងតែអភិវឌ្ឍរថយន្ត F-150 ដើរដោយអគ្គិសនីផងដែរ។ គេដឹងថា រថយន្តម៉ូដែល Bollinger នឹងចេញម៉ូដរថយន្ត SUV និង រថយន្តដឹកទំនិញដើរដោយអគ្គិសនី ដែលមានរាងមិនសមជារថយន្តមិនប្រើសាំងសោះ។ គេនឹងផលិតវាដំបូងនៅថ្ងៃទី២៦ ខែកញ្ញាតទៅ។
ក្នុងពេលនេះអតិថិជនដែលមានចំណាប់អារម្មណ៍ ត្រូវបានគេអញ្ជើញឱ្យកក់ B1 ឬ B2 ដោយមិនចាំបាច់ប្រើលុយ។ ទោះបីជាវាមិនបានបញ្ជាក់ពីតម្លៃតែពិតមែន តែគេដឹងថា វានឹងមិនថោកនោះទេ។
តាមខ្សែវីដេអូរបស់ក្រុមហ៊ុនបានឱ្យឃើញថា ក្រុមការងាររបស់ Bollinger កំពុងតែផលិតរថយន្តគម្រូ Prototype ដោយដៃ ដែលវានឹងពិបាកនៅពេលត្រូវផលិតជាទ្រង់ទ្រាយធំ។ តើគេអាចនឹងសាងសង់រោងចក្រថ្មីមួយសម្រាប់ផលិតដែរឬទេ? តើគេអាចនឹងមានការចូលវិនិយោគពីក្រុមហ៊ុនធំៗដូចជា GM និង FCA ដែរឬទេ? យើងនៅមិនទាន់ដឹងនៅឡើយទេ រហូតទាល់តែខែក្រោយ៕
ប្រភព ៖ carbuzz , កែសម្រួលដោយ ៖ សំណាង
ចែករំលែកព័តមាននេះ