ខេត្តកំពង់ស្ពឺ ៖ រថយន្តកែច្នៃបាកុងចំនួន០៣គ្រឿង និងឈើហ៊ុប០២កំណាត់មុខកាត់ធំៗដែលក្រុមឈ្មួញយកមកលាក់ទុកក្នុងព្រៃបន្ទាប់ពីយុទ្ធនាការបង្ក្រាបទូរទាំងប្រទេសយ៉ាងក្តៅកគុករួចមកនោះក៏ប្រទះឃើញកាលពីរសៀលថ្ងៃទី០៣ ខែកញ្ញា ឆ្នាំ២០១៩នៅ ចំណុចក្រោយភូមិដំបងវេញ ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ ។
បើតាមការអោយដឹងពីមន្ត្រីអាវុធហត្ថខេត្តអោយដឹងថា បន្ទាប់ពីធ្វើការរុករក និងស្រាវជ្រាវយ៉ាងយកចិត្តទុកដាក់មកនោះក៏ប្រទះឃើញរថយន្តបាកុង(កែច្នៃដឹកឈើធំៗ)រួចបានរាយការណ៍ទៅថ្នាក់លើហើយលោក វ៉ី សំណាង អភិបាលនៃគណៈអភិបាលខេត្តកំពង់ស្ពឺ និងជាប្រធានគណៈបញ្ជាការឯកភាពខេត្ត បានដឹកនាំកម្លាំងចំរុះ ចុះបង្ក្រាបរថយន្តច្នៃ(ប៉ាកុង)ចំនួន០៣គ្រឿង និងរឹបអូសនូវឈើហ៊ុប២កំណាត់ធំមានមុខកាត់ធំមិនក្រោម១០ម៉ែត្រគូបឡើយ ដែលក្រុមឈ្មួញប្រព្រឹត្តបទល្មើសព្រៃឈើនៅតំបន់ខេត្តក្រចេះបើកយកមកលាក់ទុក នៅភូមិសាស្ត្រ ភូមិដំបងវិញ ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺនេះ ។
បើតាមការអោយដឹងពីសមត្ថកិច្ចថា រថយន្តបាកុងទាំង០៣គ្រឿងខាងលើនេះក្រោយពីមានបទបញ្ជាពីយ៉ាងក្តៅគគុកនាយឩត្តមសេនីយ៍ សៅ សុខា ធ្វើការបង្ក្រាបទូរទាំងប្រទេសដើម្បីទប់ស្កាត់បទល្មើសធនធានធម្មជាតិបំផ្លាញព្រៃឈើជាចំបងនោះ ៕
កែសម្រួលដោយ ៖ សំណាង
ចែករំលែកព័តមាននេះ