រាជធានីភ្នំពេញ ៖ ស្ថានទូតអាមេរិកប្រចាំកម្ពុជានៅព្រឹកថ្ងៃទី១៣ មីនា នេះបានរៀបចំប្រកាសដំណើរការប្រគំតន្ត្រីរបស់ក្រុមតន្ត្រី The Amigos នៅកម្ពុជាមុនពេលក្រុមតន្ត្រីដ៏ល្បីល្បាញនេះទៅប្រគំនៅប្រទេសចិន ភូមា វៀតណាម និងឡាវ។
រាជធានីភ្នំពេញ ៖ ស្ថានទូតអាមេរិកប្រចាំកម្ពុជានៅព្រឹកថ្ងៃទី១៣ មីនា នេះបានរៀបចំប្រកាសដំណើរការប្រគំតន្ត្រីរបស់ក្រុមតន្ត្រី The Amigos នៅកម្ពុជាមុនពេលក្រុមតន្ត្រីដ៏ល្បីល្បាញនេះទៅប្រគំនៅប្រទេសចិន ភូមា វៀតណាម និងឡាវ។
ពិធីនោះត្រូវបានរៀបចំឡើងនៅសាកលវិទ្យាល័យភូមិន្ទវិចិត្រសិល្បៈ ដោយមានការចូលរួមពីលោក Sean JMcintosh មន្ត្រីផ្នែកកិច្ចការសាធារណៈរបស់ស្ថានទូតអាមេរិកប្រចាំកម្ពុជា លោកយស ចាន់ដារ៉ា ព្រឹទ្ធបុរសមហាវិហារវិទ្យាល័យដូរតន្ត្រីនៃសាកលវិទ្យាល័យភូមិន្ទវិចិត្រសិល្បៈ និងលោករិទ្ធី សាល នាយកប្រតិបត្តិនៃអង្គការអម្រឹតាសិល្បៈ ។
ថ្លែងក្នុងពិធីនោះលោក Sean J-Mcintosh បានបញ្ជាក់ថា ការប្រគំតន្ត្រីរបស់ក្រុម The Amigos នៅកម្ពុជានាពេលនេះគឺជាផ្នែកមួយនៃកម្មវិធីប្រគំតន្ត្រីអាមេរិកនៅក្រៅប្រទេសរបស់ក្រសួងការបរទេសអាមេរិកសហការជាមួយអង្គការសម្លេងអាមេរិក (American Voices)។ លោកបន្តថា បន្ទាប់ពីបញ្ចប់ការប្រគំតន្ត្រីនៅកម្ពុជា ក្រុមនេះនឹងបន្តការប្រគំតន្ត្រីដូចគ្នានៅប្រទេសមួយចំនួនទៀត រួមមាន ចិន ភូមា វៀតណាម និងឡាវ។
លោកSean J-Mcintosh បានឱ្យដឹងថា កម្មវិធីប្រគំតន្ត្រីអាមេរិកនៅបរទេសនេះ គឺជាផ្នែកមួយនៃការផ្លាស់ប្តូរវប្បធម៌គ្នារវាងប្រជាជន និងប្រជាជនដើម្បីផ្សព្វផ្សាយពីការរួមចំណែកផ្នែកតន្ត្រីជាច្រើន និងវប្បធម៌ចម្រុះរបស់អាមេរិកដល់ផ្នែកតន្ត្រីនៅទូទាំងសាកលលោក ។
ចែករំលែកព័តមាននេះ