ខេត្តព្រះសីហនុ ៖ ដីចំណីព្រែកកំពង់ស្មាច់ ស្ថិតក្នុងឃុំសាមគ្គី ស្រុកព្រៃនប់ ត្រូវបានគេជីកធ្វើជាស្រះចិញ្ចឹមត្រី និងកំពុងមានការឆ្ការព្រៃកោងកាងបន្តទៀត ដើម្បីវាតយកដីចំណីព្រែកទាំងនោះ ។ ការជីកជាស្រះ និងកាប់បំផ្លាញព្រៃកោងកាងនេះ គេនៅពុំទាន់ដឹងច្បាស់នៅឡើយថា ជាទង្វើរបស់បុគ្គលណានៅឡើយទេ ។
ខេត្តព្រះសីហនុ ៖ ដីចំណីព្រែកកំពង់ស្មាច់ ស្ថិតក្នុងឃុំសាមគ្គី ស្រុកព្រៃនប់ ត្រូវបានគេជីកធ្វើជាស្រះចិញ្ចឹមត្រី និងកំពុងមានការឆ្ការព្រៃកោងកាងបន្តទៀត ដើម្បីវាតយកដីចំណីព្រែកទាំងនោះ ។ ការជីកជាស្រះ និងកាប់បំផ្លាញព្រៃកោងកាងនេះ គេនៅពុំទាន់ដឹងច្បាស់នៅឡើយថា ជាទង្វើរបស់បុគ្គលណានៅឡើយទេ ។
ទាក់ទិននឹងបញ្ហានេះ លោក កឹម អាន នាយផ្នែករដ្ឋបាលជលផលព្រៃនប់ បានប្រាប់កោះសន្តិភាពតាមទូរស័ព្ទថា ចំពោះចំណុចខាងលើនេះ លោកទទួលស្គាល់ថា ពិតជាមានការជីកស្រះចិញ្ចឹមត្រីមែន ហើយកន្លែងដែលជីកស្រះនោះគឺជាកន្លែងដែលប្រជាពលរដ្ឋគាត់រស់នៅពីមុនមក ទើបប្រជាពលរដ្ឋហ៊ានសុំច្បាប់ចិញ្ចឹមត្រី ។ ម្យា៉ងវិញទៀត ដីចំណុចនេះគឺជាដីចំណីព្រែកមែន ព្រោះនៅជាប់នឹងព្រែក តែមិនសូវមានព្រៃកោងកាងប៉ុន្មានទេ ទើបខាងលោកអនុញ្ញាតឱ្យជីកចិញ្ចឹមត្រី ហើយចំពោះច្បាប់នោះ ខាងលោកបានត្រឹមតែអនុញ្ញាតឱ្យចិញ្ចឹមត្រីទេ ឯបញ្ហាដីសូមសួរទៅខាងភូមិបាល ។
បើតាមមន្ត្រីជលផលមួយរូបផ្សេងទៀត ដែលប្រចាំការក្នុងស្រុកព្រៃនប់ដូចគ្នា បានប្រាប់អ្នកយកព័ត៌មានថា ការជីកស្រះចិញ្ចឹមត្រីនោះគឺសម្រាប់ពិសោធន៍ចិញ្ចឹមត្រីស្ពុង ដែលយកថវិការដ្ឋមកចំណាយ ។ ការលើកឡើងរបស់មន្ត្រីជំនាញទាំងពីររូបខាងលើ មិនដឹងថាមួយណាត្រឹមត្រូវនោះទេ ។ ទោះបីយ៉ាងណា ទីនោះគឺជាដីចំណីព្រែក ដែលមានព្រៃកោងកាងដុះពីមុនមក ហើយពេលនេះនៅជាប់នឹងកន្លែងជីកស្រះនោះ គេឃើញមានការកាប់ព្រៃកោងកាងបន្តទៀត និងឃើញមានបោះបង្គោលថ្មជាជួរៗធ្វើជាព្រំផងដែរ ។ តើការកាប់ និងបោះបង្គោលនោះខាងណាជាអ្នកធ្វើ ។
សូមបញ្ជាក់ថា តំបន់ដីចំណីព្រែក ក៏ដូចជាតំបន់ព្រៃលិចទឹកដែលដុះអែបមាត់ព្រែកខាងក្រៅទំនប់ (ទំនប់ទឹកប្រៃ) ចាប់ពីជម្ពូខ្មៅរហូតមកដល់ចំណុចខាងលើ កំពុងត្រូវបំផ្លាញដោយបុគ្គលមួយចំនួន និងមិនឃើញមន្ត្រីជំនាញចាត់វិធានការទប់ស្កាត់នៅឡើយទេ៕
ចែករំលែកព័តមាននេះ