ខេត្តកណ្តាល ៖ គួរអោយអាណិតជាពន់ពេកបុរសម្នាក់បានស្លាប់ក្នុងថ្លុកឈាម ខណៈកំពុងបើកម៉ូតូរអិលដួលត្រូវរថយន្តមកពីក្រោយកិនចំក្បាលតែម្តង ។ ហេតតុការណ៌គ្រោះថ្នាក់ចរាចរណ៌គួរអោយរន្ធត់នេះបានកើតឡើងកាលពីវេលាម៉ោង១២និង០០នាទីរសៀលថ្ងៃទី៣១ ខែសីហា ឆ្នាំ២០១៩ ស្ថិតនៅតាមបណ្តោយផ្លូវជាតិលេខ១ ចន្លោះគីឡូម៉ែត្រ២៨,២៩ ភូមិខ្សុំ ឃុំបន្ទាយដែក ស្រុកកៀន ស្វាយ ខេត្តកណ្តាល។
ជនរងគ្រោះមានឈ្មោះ ធឿន វ៉ាត អាយុ៣៦ឆ្នាំ មុខរបរកម្មករឡត៍ឥដ្ឋ មានស្រុកកំណើតនៅភូមិល្វា.ស ស្រុកល្វាឯម ខេត្តកណ្តាល។
សាក្សីនៅក្បែរកន្លែងកើតហេតុបានអោយដឹងថា មុនពេលកើតហេតុគេឃើញបុរសរងគ្រោះខាងលើជិះម៉ូតូមួយគ្រឿង ម៉ាកហុងដា សេ១២៥ ស៊េរីឆ្នាំ២០១៥ ពណ៌ខ្មៅ ពាក់ផ្លាកលេខ ភ្នំពេញ 1BS-5349 ធ្វើដំណើរចេញពីផ្ទះក្នុងទិសដៅពីលិចទៅកើត គោលបំណងទៅទិញសម្ភារនៅផ្សារគគី ។
ខណៈកំពុងបើកម៉ូតូពាក់កណ្តាលផ្លូវក៏បានដួលម៉ូតូ ស្របពេលនោះក៏មានរថយន្តមួយគ្រឿង មិនចាំម៉ាក បើកបរក្នុងល្បឿនយ៉ាងលឿនបានជ្រុលទៅកិនចំក្បាលបុរសខាងលើនេះស្លាប់ភ្លាមៗនៅនឹងកន្លែងកើតហេតុ ហើយអ្នកបើកបររថយន្តបានព្យាយាមបើករត់យន្តគេចខ្លួនបាត់ដោយសុវត្ថិភាព ។
ក្រោយពេលកើតហេតុសមត្ថកិច្ចបន្ទាយដែក សហការជាមួយនគរបាលចរាចរណ៏ស្រុកកៀន ស្វាយ បានចុះមកវាស់វែង និងជួយសម្រួលចរាចរណ៏នៅកន្លែងកើតហេតុ និងបានប្រគល់សពទៅឲ្យក្រុមគ្រួសារដឹកយកទៅធ្វើបុណ្យតាមប្រពៃណី ៕
កែសម្រួលដោយ ៖ សំណាង
ចែករំលែកព័តមាននេះ