ខេត្តព្រះសីហនុ ៖ តាមប្រភពពីសមត្ថកិច្ចបានអោយដឹងថា គិតចាប់ពីវេលាម៉ោង៧និង៣០នាទីដល់វេលាម៉ោង៩ព្រឹកថ្ងៃទី៣០ សីហា ឆ្នាំ២០១៩ កម្ពស់ទឹកនៅចំណុចស្ពានស្ទឹងសំរោង ស្ថិតនៅភូមិ ស្ទឹងសំរោង ឃុំអូរបាក់រទេះ ស្រុកកំពង់សីលា ខេត្តព្រះសីហនុ គិតពីបាតស្ទឹងទឹកមានកម្ពស់៥ម៉ែត គឺកើនឡើងមួយតឹក។
ខណៈបច្ចុប្បន្នមេឃនៅតែបន្តធ្លាក់ភ្លៀងខ្លាំង ជាមួយគ្នានោះដែរ កម្លាំងសមត្ថកិច្ចកំពុងប្រចាំការតាមដានស្ថានភាពកម្ពស់ទឹកជាបន្តទៀត ស្របពេលដែលចរាចរណ៍នៅតែដំណើរការជាធម្មតា។
គិតមកត្រឹមវេលាម៉ោង២និង៤០នាទីរសៀលថ្ងៃទី៣០ ខែសីហា ឆ្នាំ២០១៩ ស្ថានភាពកំពស់ទឹកនៅចំណុចស្ពានស្ទឹងសំរោង ទឹកពីបាតស្ទឹងមានកំពស់៥,៧០ម៉ែត្រ ហូរកាត់លើថ្នល់ជាតិខាងកើតស្ពានមានប្រវែងប្រហែល២៥ម៉ែត្រ រីឯអាកាសធាតុមេឃកំពុងភ្លៀងស្រិចៗផងដែរ ។ បើតាមការសន្និដ្ឋានទឹកឡើងដល់កំរិតកំពស់៥,៩០ម៉ែត្រ នឹងត្រូវប្រកាសអាសន្ន ។ បច្ចុប្បន្នចរាចរណ៍ធ្វើដំណើរទៅមកជាធម្មតា ។
ស្ថានភាពកម្ពស់ទឹកស្ទឹងសំរោងនឹងប្រែប្រួលបែបណាទៀត កោះសន្តិភាពនឹងធ្វើការផ្សាយជាបន្តទៀតនៅពេលក្រោយ ៕ (កែសម្រួលដោយ ៖ ធីតា)
ចែករំលែកព័តមាននេះ