វិបត្តិផ្លូវចិត្តអាចកើតមានលើមនុស្សគ្រប់រូបមិនថាក្មេងឬចាស់នោះទេ គ្រាន់តែផលវិបាកផ្លូវចិត្តនោះមានតិចឬច្រើនទៅតាមការវិវឌ្ឍនៃបញ្ហា ។ ចំពោះមនុស្សភេទទីបីវិញមានឥរិយាបថដទៃអំពីមនុស្សធម្មតាគឺមានសម្ពាធខ្លាំងចំពោះបញ្ហាផ្លូវចិត្ត ។
វិបត្តិផ្លូវចិត្តអាចកើតមានលើមនុស្សគ្រប់រូបមិនថាក្មេងឬចាស់នោះទេ គ្រាន់តែផលវិបាកផ្លូវចិត្តនោះមានតិចឬច្រើនទៅតាមការវិវឌ្ឍនៃបញ្ហា ។ ចំពោះមនុស្សភេទទីបីវិញមានឥរិយាបថដទៃអំពីមនុស្សធម្មតាគឺមានសម្ពាធខ្លាំងចំពោះបញ្ហាផ្លូវចិត្ត ។
ទាក់ទិននឹងការកើតមានវិបត្តិផ្លូវចិត្តលោកវេជ្ជបណ្ឌិតយឹម សុបុត្រា ឯកទេសវិកលវិទ្យានៃគ្លីនិកសាន់រ៉ាយ បានប្រាប់កោះសន្ដិភាពថា បច្ចុប្បន្នមានភេទទីបីច្រើនណាស់ដែលបានខិតខំរិះរកគ្រប់មធ្យោបាយដើម្បីបំពេញបំណងប្រាថ្នារបស់គេ ជាពិសេសគឺការកែភេទតែម្ដង ។ ផ្ទុយទៅវិញអ្នកខ្លះបែរជាមានអារម្មណ៍ ធ្លាក់ទឹកចិត្ត ដោយសារតែសង្គមខាងក្រៅនិងកត្ដាក្រុមគ្រួសារនៅមានទស្សនៈបែបអវិជ្ជមានចំពោះពួកគេធ្វើឱ្យមនុស្សភេទទីបី មានអារម្មណ៍តូចចិត្ត និងមានរឿងរ៉ាវជាច្រើននៅក្នុងចិត្តដែលមិនអាចនិយាយបាន មិនអាចធ្វើអ្វីបានទៅតាមចំណង់ ចំណូលចិត្ត ។ បញ្ហានេះនៅពេលដែលកើតមានយូរៗទៅនឹងអាចបង្កឱ្យមនុស្សភេទទីបីក្លាយទៅជាអ្នកមានវិបត្តិផ្លូវចិត្តអស់សង្ឃឹមក្នុងជីវិតរស់នៅ ។ ទឹកចិត្ត និងអារម្មណ៍របស់មនុស្សភេទទីបីគឺមានផលវិបាកជាងបុរសស្ត្រីពិតទៅទៀត ដោយភេទទីបីត្រូវប្រឈមនឹងការរើសអើងពីមជ្ឈដ្ឋាននានា ។ ដើម្បីលើកកម្ពស់ទឹកចិត្តមនុស្សភេទទី៣ឱ្យមានសង្ឃឹមឡើង គួរមិត្តភក្ដិ ពិសេសក្រុមគ្រួសារគឺជាមនុស្សយ៉ាងសំខាន់ក្នុងការស្វែងយល់ពីទឹកចិត្តនិងការវិវឌ្ឍរបស់មនុស្សភេទទីបី ដើម្បីឱ្យសុខភាពផ្លូវចិត្តរបស់គេមានភាពប្រសើរ ។ ត្រូវនាំមកជួបជាមួយគ្រូពេទ្យ បើសិនជាមានការគាំទ្រ លើកទឹកចិត្តពីសង្គមនិងក្រុមគ្រួសារហើយនៅតែមិនមានភាពល្អប្រសើរគឺមានតែមកជួបពិគ្រោះជាមួយគ្រូពេទ្យឯកទេសដើម្បីទទួលបានការណែនាំពីការថែរក្សាសុខភាពផ្លូវចិត្ត និងទទួលថ្នាំយកទៅព្យាបាល ។
ការលើកទឹកចិត្តពីអ្នកដែលនៅជុំវិញខ្លួនគ្រាន់តែជាដំណោះស្រាយមួយផ្នែកចំពោះភេទទីបី តែអ្វីដែលសំខាន់នោះគឺខ្លួនឯង(ភេទទី៣)ត្រូវតែលើកទឹកចិត្តខ្លួនឯងឱ្យកាន់តែខ្លាំងផ្ដល់ក្ដីសង្ឃឹមនិងជឿជាក់រាល់សកម្មភាពនានា ។ ដំណោះស្រាយទាំងនេះជាចំណុចយ៉ាងសំខាន់ចំពោះមនុស្សភេទទីបីថែទាំសុខភាពផ្លូវចិត្តរបស់ខ្លួនកុំឱ្យទទួលរងការវាយប្រហារផ្លូវចិត្តពីអ្នកដទៃបាន ៕
ចែករំលែកព័តមាននេះ