ក្នុងចំណោមក្រុមហ៊ុនផលិតរថយន្តទាំងអស់ដែលកំពុងប្រឡូកក្នុងវិស័យរថយន្តអគ្គិសនី គ្មានក្រុមហ៊ុនណាមួយដែលគ្រប់គ្នាចង់ឃើញជាងក្រុមហ៊ុន Rolls-Royce នោះទេ។ យីហោនេះត្រូវបានគេស្គាល់ថាជាក្រុមហ៊ុនផលិតរថយន្តម៉ាស៊ីន V12 ដែលមានសម្លេងស្ងាត់មហាសែនស្ងាត់។ ចុះទម្រាំតែប្រើម៉ាស៊ីនអគ្គិសនីទៀតនោះ? វានឹងកាន់តែស្ងាត់ថែមមួយកម្រិតទៀត។ ក្រុមហ៊ុននេះបាននិយាយពីរថយន្តអគ្គិសនីយូរណាស់មកហើយ…
ក្នុងចំណោមក្រុមហ៊ុនផលិតរថយន្តទាំងអស់ដែលកំពុងប្រឡូកក្នុងវិស័យរថយន្តអគ្គិសនី គ្មានក្រុមហ៊ុនណាមួយដែលគ្រប់គ្នាចង់ឃើញជាងក្រុមហ៊ុន Rolls-Royce នោះទេ។ យីហោនេះត្រូវបានគេស្គាល់ថាជាក្រុមហ៊ុនផលិតរថយន្តម៉ាស៊ីន V12 ដែលមានសម្លេងស្ងាត់មហាសែនស្ងាត់។ ចុះទម្រាំតែប្រើម៉ាស៊ីនអគ្គិសនីទៀតនោះ? វានឹងកាន់តែស្ងាត់ថែមមួយកម្រិតទៀត។ ក្រុមហ៊ុននេះបាននិយាយពីរថយន្តអគ្គិសនីយូរណាស់មកហើយ តែយើងនៅមិនទាន់ឃើញមានរថយន្ត Hybrid ចេញពីក្រុមហ៊ុននេះឡើយ។
នាយកប្រតិបត្តិក្រុមហ៊ុន Rolls-Royce លោក Torsten Müller-ötvös មានប្រសាសន៍ទៅកាន់សារព័ត៌មាន Roadshow ក្នុងព្រឹត្តិការណ៍ Pebble Beach Concours d’Elegance ឆ្នាំ ២០១៩ ថា នឹងផលិតរថយន្តអគ្គិសនីពេលដែលឱកាសសមស្របមកដល់។
ការកំណត់ពេលវេលានេះគឺមិនច្បាស់ទេ ពីព្រោះវាមិនទាំងបានផ្តល់នូវប៉ារ៉ាម៉ែត្រណាមួយលើអ្វីដែលក្រុមហ៊ុន Rolls-Royce កំពុងរង់ចាំផលិតនោះទេ។ គេនៅមិនទាន់ដឹងថាពេលណាដែលរថយន្តអគ្គិសនីដំបូងគេរបស់ Rolls-Royce នឹងចេញមុខនោះទេ តែគេដឹងច្បាស់ថាក្រុមហ៊ុននេះនឹងមិនផលិតរថយន្ត Hybrid នោះទេ។
លោក Muller-Ötvös បានមានប្រសាសន៍ថា៖ “យើងត្រូវធ្វើការសម្រេចចិត្តឆ្លាតវៃលើកន្លែងដែលយើងវិនិយោគលុយរបស់យើង។ វាអាចមិនមានបញ្ហាសម្រាប់ក្រុមហ៊ុនធំៗ ដើម្បីចូលទៅក្នុងវិស័យរថយន្ត Hybrid តែយើងត្រូវធ្វើការសម្រេចចិត្តឱ្យជាក់លាក់។ អតិថិជនរបស់យើង ជាពិសេសមនុស្សវ័យក្មេង ចង់បានរថយន្តអគ្គិសនីជាងរថយន្ត Hybrid។”
នៅពេលដែល Rolls-Royce បញ្ចេញមុខរបស់រថយន្តអគ្គិសនីរបស់ខ្លួន គេនឹងមិនប្រើប្រាស់ឈ្មោះម៉ូដែលរបស់រថយន្ត Rolls-Royce ដែលមានស្រាប់នោះទេ។ ខាងសារព័ត៌មានបានសង្កត់ធ្ងន់លើកាលកំណត់ ដែល Rolls-Royce នឹងផលិតរថយន្តអគ្គិសនី។ តែលោក Muller-Ötvös បានឆ្លើយយ៉ាងសាមញ្ញថា៖ “ខ្ញុំមិនប្រាប់អ្នកទេ”៕
ប្រភព ៖ carbuzz , កែសម្រួលដោយ ៖ សំណាង
ចែករំលែកព័តមាននេះ