រាជធានីភ្នំពេញ ៖ សមត្ថកិច្ចនគរបាលការិយាល័យប្រឆាំងការជួញដូរមនុស្ស និងការពាអនីតិជនរាជធានីភ្នំពេញ កាលពីវេលាម៉ោង១១និង៤០នាទីថ្ងៃទី០៤ មីនា ២០១៤ បានធ្វើការឃាត់ខ្លួនបុរសជាតិម៉ាឡេស៊ីម្នាក់ ពាក់ពន្ធ័ប្រព្រឹត្តអំពើទិញពេស្យាចារនិងរួមភេទជាមួយអនីតិជន ។
រាជធានីភ្នំពេញ ៖ សមត្ថកិច្ចនគរបាលការិយាល័យប្រឆាំងការជួញដូរមនុស្ស និងការពាអនីតិជនរាជធានីភ្នំពេញ កាលពីវេលាម៉ោង១១និង៤០នាទីថ្ងៃទី០៤ មីនា ២០១៤ បានធ្វើការឃាត់ខ្លួនបុរសជាតិម៉ាឡេស៊ីម្នាក់ ពាក់ពន្ធ័ប្រព្រឹត្តអំពើទិញពេស្យាចារនិងរួមភេទជាមួយអនីតិជន ។
បុរសជនជាតិម៉ាឡេស៊ីដែលរងការចោទប្រកាន់នេះឈ្មោះNG KAY HWA ហៅឡៅហ័ង ភេទប្រុស អាយុ៤០ឆ្នាំ ជាម្ចាស់សិប្បកម្មមួយស្នាក់នៅផ្ទះលេខ៩៩១ ផ្លូវ១០១៩ សង្កាត់ភ្នំំេញថ្មី ខណ្ឌសែនសុខ ។
ប្រភពបានឱ្យដឹងថា ជនរងគ្រោះក្នុងករណីខាងលើមានឈ្មោះអ.ស.ខ ភេទស្រី អាយុ១៤ឆ្នាំ ។ លោកវរសេនីយ៍ត្រី កែវ ធា បានឱ្យដឹងថា ការឃាត់ខ្លួនជនសង្ស័យជនជាតិម៉ាឡេស៊ីរូបនេះ ធ្វើឡើងបន្ទាប់ពីមានពាក្យបណ្តឹងជនជនរងគ្រោះនិងយោងតាមចំណារតំណាងអយ្យការអមសាលាដំបូងរាជធានីភ្នំពេញផងដែរ។ លោកបន្តដឹងថា ជនរងគ្រោះឈ្មោះអ.ស.ខ បានដាក់ពាក្យប្តឹងជនសង្ស័យថា កាលពីចុងឆ្នាំ២០១៣ ឈ្មោះឡៅ ហ័ងបានបបួលនាងទៅផឹកស៊ីនិងច្រៀងខារ៉ាអូខេនៅឌីយ៉ាម៉ង់។ ពេលច្រៀងខារ៉ាអូខេចប់ឈ្មោះឡៅ ហ័ង បានឱ្យប្រាក់នាងចំនួន៥០០ដុល្លារ រួចគេក៏នាំនាងទៅដេករួមភេទនៅផ្ទះសំណាក់ចិន្តាអង្គរស្ថិតនៅសង្កាត់ទឹកថ្លា ខណ្ឌសែនសុខមួយយប់។ តាមពាក្យបណ្តឹងក៏បានបញ្ជាក់ថាក្រោយមកឈ្មោះNG KAY HWA ហៅឡាហ័ងបាននាំនាងទៅរួមភេទនៅផ្ទះសំណាក់២ដងទៀតដែលម្តងៗឱ្យប្រាក់នាង១០០ដុល្លារ។
លោកកែវ ធា ឱ្យដឹងទៀតថា ក្រោយពីទទួលបានពាក្យបណ្តឹងនោះការិយាល័យរបស់លោកបានធ្វើរបាយការណ៏ជូនទៅថ្នាក់លើនិងបានដាក់ជូនទៅស្ថាប័នអយ្យការ ដើម្បីសុំបើកការស៊ើបអង្កេតលើករណីនេះ។ បន្ទាប់ពីបានចំណារ របស់សាលាដំបូងរាជធានីភ្នំពេញមកការិយាល័យរបស់លោកបានធ្វើលិខិតអញ្ជើញជនសង្ស័យ ឡា ហ័ង សួរបំភ្លឺលើករណីចោទប្រកាន់នេះ។ នៅព្រឹកថ្ងៃទី ៤ មីនា ២០១៤ ជនសង្ស័យបានចូលទៅឆ្លើយបំភ្លឺតាមការកំណត់មែន ដែលការបំភ្លឺនោះដូចជាស៊ីសង្វាក់ទៅនឹងពាក្យបណ្តឹងរបស់ជនរងគ្រោះដែរ ហើយការិយាល័យជំនាញកាលណារកឃើញមានធាតុផ្សំបទល្មើសត្រូវរាយការណ៏ជូនស្ថាប័នអយ្យការអមសាលាដំបូងដើម្បីបន្តនីតិវិធី ពេលនោះព្រះរាជអជ្ញារងទទួលសំណុំរឿងនិងអនុញ្ញាតឱ្យសមត្ថកិច្ចការិយាល័យរបស់លោកចាប់ខ្លួនជនសង្ស័យតែម្តង ដោយជនសង្ស័យជាប់ពាក់ពន្ធ័បទល្មើសទិញពេស្យាចារកុមា និងរួមភេទជាមួយអនិតិជនក្រោមអាយុ១៥ឆ្នាំ ។
ប្រភពព័ត៌មានបានឱ្យដឹងថា ជនសង្ស័យឡាហ័ងដែលជាជនជាតិម៉ាឡេស៊ីបានចូលមកក្នុងប្រទសសកម្ពុជាយូរឆ្នាំហើយ ដោយប្រកបរបរសិប្បកម្មតាមផ្ទះនានាច្រើនកន្លែងទទួលក្រណាត់ខោអាវរោងចក្រយកមកដាក់លេវឬកែឆ្នៃម៉ូតផ្សេងៗ។ សមត្ថកិច្ចបានកសាងសំណុំរឿងជនជាតិម៉ាឡេស៊ីបញ្ជូនទៅតុលាការចាត់ការតាមផ្លួវច្បាប់ ។
ចែករំលែកព័តមាននេះ