រាជធានីភ្នំពេញ ៖ ព្រះកាយច័ន្ទ បានការងារថ្មីមួយទៀតហើយ គឺពិធីការិនីក្នុងកម្មវិធីមួយនៅទូរទស្សន៍អាសុីអាគ្នេយ៍ ។ កម្មវិធីមួយនោះពីមុនផ្សាយនៅទូរទស្សន៍អប្សរា តែពេលប្តូរទៅផ្សាយនៅទូរទស្សន៍អាស៊ីអាគ្នេយ៍វិញ ក៏ប្តូរពិធីករ-ពិធីការិនីដែរ ហើយតំណែងពិធីការិនីបានធ្លាក់លើដៃតារាថ្មីវ័យក្មេងព្រះកាយច័ន្ទ ។ តើព្រះកាយច័ន្ទ ប៉ែងជើងគេ ដើម្បីខ្លួនឯងបានតំណែងថ្មីនោះ ឬ ?
រាជធានីភ្នំពេញ ៖ ព្រះកាយច័ន្ទ បានការងារថ្មីមួយទៀតហើយ គឺពិធីការិនីក្នុងកម្មវិធីមួយនៅទូរទស្សន៍អាសុីអាគ្នេយ៍ ។ កម្មវិធីមួយនោះពីមុនផ្សាយនៅទូរទស្សន៍អប្សរា តែពេលប្តូរទៅផ្សាយនៅទូរទស្សន៍អាស៊ីអាគ្នេយ៍វិញ ក៏ប្តូរពិធីករ-ពិធីការិនីដែរ ហើយតំណែងពិធីការិនីបានធ្លាក់លើដៃតារាថ្មីវ័យក្មេងព្រះកាយច័ន្ទ ។ តើព្រះកាយច័ន្ទ ប៉ែងជើងគេ ដើម្បីខ្លួនឯងបានតំណែងថ្មីនោះ ឬ ?
នាងព្រះកាយច័ន្ទ ត្រូវអ្នករៀបចំកម្មវិធីនៅទូរទស្សន៍អាស៊ីអាគ្នេយ៍ ចាត់ចែងឱ្យទទួលការងារថ្មីក្នុងកម្មវិធី «អ្នកដឹងខ្ញុំដឹង» ដែលចាក់ផ្សាយរៀងរាល់ថ្ងៃចន្ទ ដល់ថ្ងៃសុក្រ វេលាម៉ោង១១ ដល់១១ និង៣០នាទីព្រឹក ។ កម្មវិធីនេះពីមុនគេឃើញចាក់ផ្សាយនៅស្ថានីយទូរទស្សន៍អប្សរា ដោយមានលោកកក្កដា នាងលីលី និងគង់ វិច្ឆិកា ជាពិធីករ ។ កម្មវិធី «អ្នកដឹងខ្ញុំដឹង» មានការចាប់អារម្មណ៍ច្រើន ដោយបង្ហាញពីប្រវត្តិរបស់តារាមានកេរ្តិ៍ឈ្មោះល្បី ។ មហាជនដែលនិយមតាមដាននាទីនោះ មានការភ្ញាក់ផ្អើលនៅពេលដឹងថា អ្នករៀបចំកម្មវិធីប្តូរទៅផ្សាយនៅទូរទស្សន៍អាសុីអាគ្នេយ៍ និងប្តូរពិធីករទៀត។
នាងព្រះកាយច័ន្ទ ដែលកាន់តួនាទីថ្មីនៅទូរទស្សន៍អាស៊ីអាគ្នេយ៍នោះ អាចឡើងប្រជាប្រិយភាពជាងមុន ។ អ្នកសិល្បៈមើលឃើញថា ព្រះកាយច័ន្ទ កាន់តែមានការរីកដុះដាលក្នុងអាជីព បើមិនដូច្នេះទេនាងមិនឆក់បានការងារថ្មីទេ ។ នាពេលខាងមុខ ព្រះកាយច័ន្ទ អាចនឹងល្បីដូចពិធីការិនី ចាស់ៗមិនខាន។
តារាសម្តែងរាងស្រឡូនកាន់តែចែងចាំងក្នុងសួនសិល្បៈនាងព្រះកាយច័ន្ទ ឱ្យដឹងកាលពីពេល ថ្មីៗនេះថា នាងមិនមានបំណងប៉ែងជើងអ្នកកាន់កម្មវិធីនោះពីមុនដើម្បីខ្លួនឯងទេ ។ អ្នករៀបចំកម្មវិធីជាអ្នកផ្តល់ឱកាសឱ្យនាងនៅក្នុងកម្មវិធី «អ្នកដឹងខ្ញុំដឹង» ។ កម្មវិធីថ្មី «អ្នកដឹងខ្ញុំដឹង» នឹងចាក់ផ្សាយក្នុងខែមីនា ដោយនាងសហការចាប់ដៃគូជាមួយលោករតនៈ ពិសិដ្ឋ ។ នាងបានត្រៀមខ្លួនរួចរាល់សម្រាប់កិច្ចការថ្មីនេះ គឺរៀបចំការអត្ថាធិប្បាយធ្វើយ៉ាងណាឱ្យទាក់ទាញ និងសមជាមួយកម្មវិធីថ្មី នៅកន្លែងថ្មី ក្នុងពេលអ្នករៀបចំបានកែលម្អកម្មវិធី ខ្លះៗនោះ ។
ដោយធ្លាប់មានបទពិសោធន៍ជាមួយអាជីពជាពិធីការិនីយូរដែរ នាងចាប់ដៃគូជាមួយលោកពិសិដ្ឋ ប្រាកដជាទទួលបានការចាប់អារម្មណ៍ពីទស្សនិកជន ព្រោះពីមុនធ្លាប់តែចាប់ដៃគូច្រៀងជាមួយគ្នា ។ ព្រះកាយច័ន្ទ ទទួលស្គាល់ថា នាងទទួលបានការងារជាពិធីការិនីនេះ តែនាងយល់ថា ខ្លួនឯងនៅមិនទាន់អាចធ្វើបានល្អដូចរៀមច្បងទេ ។ នាងនៅតែចាត់ទុករៀមច្បងជាគ្រូ ជាអ្នកត្រួសត្រាយផ្លូវឱ្យនាងបានទទួលចំណេះដឹង ។ កាន់តែជោគជ័យព្រះកាយច័ន្ទ និយាយថា នាងកាន់តែខិតខំបង្កើនសមត្ថភាពឱ្យកាន់តែប្រសើរឡើង មិនមែនពើងទ្រូងអួតអាងទេ ៕
ចែករំលែកព័តមាននេះ