លោកឧត្តមសេនីយ៍គន់ គីម៖ អគារនេះ នឹងត្រូវតែវាយកម្ទេចទាំងស្រុង
- ភ្នំពេញ
រាជធានីភ្នំពេញ ៖ ជួបផ្ទាល់ជាមួយកោះសន្តិភាព នាព្រឹកថ្ងៃទី២៤ សីហា នេះ លោកនាយឧត្តមសេនីយ៍ គន់ គីម ទេសរដ្ឋមន្ត្រីទទួលបន្ទុកបេសកកម្មពិសេស…
រាជធានីភ្នំពេញ ៖ ជួបផ្ទាល់ជាមួយកោះសន្តិភាព នាព្រឹកថ្ងៃទី២៤ សីហា នេះ លោកនាយឧត្តមសេនីយ៍ គន់ គីម ទេសរដ្ឋមន្ត្រីទទួលបន្ទុកបេសកកម្មពិសេស និងជាអនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ បានមានប្រសាសន៍ឱ្យដឹងថា អគារដែលកំពុងនៅភ្លើងឆេះនេះ នឹងត្រូវធ្វើការវាយកម្ទេចចោលទាំងស្រុងតែម្តង ។
លោកបន្តថា ប៉ុន្តែមុននឹងអាចវាយកម្ទេចអគារនេះ គឺត្រូវរង់ចាំបាញ់ទឹកពន្លត់ឱ្យអស់សិន ទើបអាចប្រើអេស្កាវ៉ាទ័រចូលទៅវាយអគារនេះបាន ។ នាព្រឹកថ្ងៃនេះដែរ គឺមានរថយន្តពន្លត់ចំនួន៤៩គ្រឿងដែលមកពីគ្រប់អង្គភាពក្នុងរាជធានីភ្នំពេញចេញមកបន្តបន្ទាប់ ដែលសរុបគឺយើងប្រើទឹកបាញ់អស់២៥៩ដងហើយ តែភ្លើងនៅមិនអាចរលត់ទាំងស្រុងបាន ។ សូមរំលឹកថា៖ ព្រឹកនេះភ្លើងនៅតែបន្តឆេះ…ឡានទឹកក៏នៅតែបន្តបាញ់
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ