តារាកំប្លែង នីឡា បានបង្ហាញអារម្មណ៍ចង់ចូលរោងការឲ្យបានលឿនជាងមុន បន្ទាប់ពីនាងបានមើលឃើញថា នៅឆ្នាំនេះគូស្នេហ៍តារាលេចធ្លោក្នុងពិភពសិល្បៈផ្អើលរៀបការពេញទឹកពេញដី ។ ម្ល៉ោះហើយទើប នីឡា ដែលពីដំបូងចង់រៀបការនៅឆ្នាំ២០២១ ងាកចិត្តមករៀបការឆ្នាំ២០២០វិញឲ្យទាន់គេឯងវិញម្តង ។
កញ្ញា នីឡា បានផ្សារភ្ជាប់នូវចំណងស្នេហ៍ថ្មីដែលមានរូបរាង និងមុខមាត់ស្អាតមិនចាញ់តារាសម្តែងប្រុសមួយចំនួនរហូតមានគេថា នីឡា ពិតជាមានភ្នែកមុតល្អ ។ ថ្មីៗនេះតារាកំប្លែង នីឡា បានបង្ហាញឈុតរៀបការមើលទៅពិតជាស្អាតប្លែកដែលក្នុងនោះផងដែរនាងក៏បានភ្ជាប់សារខ្លីមួយក្នុងហ្វេសប៊ុករបស់នាងថា «ជីវិតគូជួយគ្នាពេលដែលមានបញ្ហាកើតឡើង លួងលោមគ្នាពេលដែលយំ មើលថែគ្នាពេលដែលឈឺថ្កាត់ បន្ថែមកម្លាំងចិត្តឲ្យគ្នាពេលដែលហត់នឿយ សើចសប្បាយជាមួយគ្នាពេលដែលមានក្ដីសុខ ឆ្លងកាត់ក្ដីទុក្ខទៅជាមួយគ្នា ហើយនឹងចាស់ទៅជាមួយគ្នា» ។
យ៉ាងណាមិញ ក្រោយបង្ហោះរូបទាំងនេះមានមហាជនជាច្រើនបានសរសើរ និងថែមទាំងបានជូនពរអ្នកទាំង២ឱ្យមានសេក្តីសុខ និងសុភមង្គលទៀតផង ។ អ្វីដែលគេចាំអ៊ុតមើលបន្តទៀតនោះ គឺថា តើពេលណាទើបចេញជាផ្លូវការនូវកាលបរិច្ឆេទរៀបការ ដើម្បីឲ្យដឹងថា នាងពិតជាបញ្ចប់ជីវិតនៅលីវ ៕ កែសម្រួលដោយ ៖ សុឃាក់
ចែករំលែកព័តមាននេះ