ខេត្តក្រចេះ ៖ បុរសម្នាក់ជាប់ចោទពីបទរំលោ.ភសេពសន្ថវៈ និងបានរត់គេចខ្លួនអស់រយៈពេលជាងដប់ឆ្នាំមកហើយ តែត្រូវបានប៉ូលិសស្រុកស្នួលធ្វើការស្រាវជ្រាវ ដោយអនុវត្តតាមដីកាចាប់ខ្លួនបាន កាលពីថ្ងៃទី២៨ កុម្ភៈ ២០១៤ ស្ថិតនៅចំណុចភូមិស្រែចារ ឃុំស្រែចារ ស្រុកស្នួល ។
ខេត្តក្រចេះ ៖ បុរសម្នាក់ជាប់ចោទពីបទរំលោភសេពសន្ថវៈ និងបានរត់គេចខ្លួនអស់រយៈពេលជាងដប់ឆ្នាំមកហើយ តែត្រូវបានប៉ូលិសស្រុកស្នួលធ្វើការស្រាវជ្រាវ ដោយអនុវត្តតាមដីកាចាប់ខ្លួនបាន កាលពីថ្ងៃទី២៨ កុម្ភៈ ២០១៤ ស្ថិតនៅចំណុចភូមិស្រែចារ ឃុំស្រែចារ ស្រុកស្នួល ។
ប្រភពបានឱ្យដឹងថា ជនសង្ស័យរូបនោះឈ្មោះឆេង ឈឿន អាយុ៤២ឆ្នាំ បច្ចុប្បន្នបានមកសំងំលាក់ខ្លួន ក្នុងឃុំស្រែចារ ស្រុកស្នួល ។
លោកអនុសេនីយ៍ទោប៊ុត នឿន អធិការរងផ្នែកព្រហ្មទណ្ឌស្រុកស្នួលបានឱ្យដឹងថា ការចាប់ឃាត់ខ្លួនជនម្នាក់នេះ គឺធ្វើឡើងទៅតាមដីកាបង្គាប់ឱ្យចាប់ខ្លួនលេខ១០២ ចុះថ្ងៃទី៧ ធ្នូ ឆ្នាំ២០១១ ចេញដោយលោកគង់ សុខុម ចៅក្រមស៊ើបសួរនៃសាលាដំបូងខេត្ត
ក្រចេះ ។
លោកបានបញ្ជាក់ថា គិតមកទល់នឹងពេលនេះ គឺមានរយៈពេលជាង១០ឆ្នាំ ដែលជនម្នាក់នេះ បានរត់គេចខ្លួនពីការតាមចាប់ខ្លួនរបស់សមត្ថកិច្ច ក្រោយពីរូបគេបានធ្វើសកម្មភាពចាប់រំលោភសេពសន្ថវៈលើនារីរងគ្រោះតាំងពីឆ្នាំ២០០១ នៅភូមិប្រម៉ា ឃុំកំពង់ដំរី ស្រុកឆ្លូង ។
ចែករំលែកព័តមាននេះ