ខេត្តកណ្ដាល ៖ អតិថិជនដែលប្រើប្រាស់ចរន្ដអគ្គិសនីទូទាំងស្រុកកៀនស្វាយ បានរិះគន់ទៅលើអ្នកគ្រប់គ្រងអគ្គិសនីថា បានកេងប្រវ័ញ្ចថាមពលភ្លើងអគ្គិសនីពីពួកគាត់ ។ ការលើកឡើងបែបនេះ គឺដោយសារតែកុងទ័រប្រើប្រាស់មានភាពមិនប្រក្រតី«ដើរលឿន» មិនសមនឹងតុល្យភាពនៃការប្រើប្រាស់សោះ ។ អតិថិជនដែលប្រើប្រាស់ចរន្ដអគ្គិសនីនេះបានលើកឡើងដូចៗគ្នាថា ផ្ទះរបស់ពួកគាត់
ខេត្តកណ្ដាល ៖ អតិថិជនដែលប្រើប្រាស់ចរន្ដអគ្គិសនីទូទាំងស្រុកកៀនស្វាយ បានរិះគន់ទៅលើអ្នកគ្រប់គ្រងអគ្គិសនីថា បានកេងប្រវ័ញ្ចថាមពលភ្លើងអគ្គិសនីពីពួកគាត់ ។ ការលើកឡើងបែបនេះ គឺដោយសារតែកុងទ័រប្រើប្រាស់មានភាពមិនប្រក្រតី«ដើរលឿន» មិនសមនឹងតុល្យភាពនៃការប្រើប្រាស់សោះ ។ អតិថិជនដែលប្រើប្រាស់ចរន្ដអគ្គិសនីនេះបានលើកឡើងដូចៗគ្នាថា ផ្ទះរបស់ពួកគាត់ខ្លះប្រើប្រាស់ត្រឹមតែទូរទស្សន៍១គ្រឿង កង្ហា១ អំពូលភ្លើង១ ឬ២ អស់ថាមពលភ្លើង៣៥-៤៧ ឬ៥៧ទៅ៦០គីឡូវ៉ាត់ម៉ោងក្នុង១ខែ ហើយខ្លះទៀតគាត់បានផ្ដាច់ចោលអត់ប្រើប្រាស់ក៏កុងទ័រនោះនៅតែដើរដដែល ។
ពួកគាត់សន្និដ្ឋានថា កុងទ័រភ្លើងដែលខាងអគ្គិសនីដាក់ឱ្យពួកគាត់នោះដើរលឿនខុសប្រក្រតី ។ អតិថិជនបានលើកឡើងទៀតថា កុងទ័រភ្លើងដែលពួកគាត់ប្រើប្រាស់សព្វថ្ងៃនេះ ចេញដោយអគ្គិសនីកៀនស្វាយទាំងអស់ ។ ប្រសិនបើពួកគាត់ណាម្នាក់ទិញកុងទ័រភ្លើងខ្លួនឯង រួចយកទៅឱ្យខាង EDC ក្បែរវត្ដភ្នំ វាស់ថ្លឹងបិទតែមត្រឹមត្រូវយ៉ាងណាក៏ដោយ ក៏ខាងក្រុមហ៊ុនអគ្គិសនីកៀនស្វាយអត់ទទួលយកជាដាច់ខាត ។ លុះត្រាតែទិញកុងទ័រភ្លើងពីពួកគេ ទើបអនុញ្ញាតឱ្យតភ្ជាប់ចរន្ដអគ្គិសនីប្រើប្រាស់បាន ។
ចំណែកតម្លៃភ្លើងក្នុង១គីឡូវ៉ាត់ម៉ោង១.១០០រៀលទៅ១.២០០រៀល ។ ក្នុងតម្លៃភ្លើងខ្ពស់បែបនេះ ក៏គួរតែចុះនៅត្រឹមក្រោម១.០០០រៀលផងដែរ។ ក្នុងករណីនេះ អតិថិជនដែលប្រើប្រាស់អគ្គិសនីកៀនស្វាយ ទាមទារនិងសំណូមពរឱ្យលោកអគ្គនាយកអគ្គិសនីកម្ពុជា មេត្ដាចាត់បញ្ជូនមន្ដ្រីជំនាញក្រោមឱវាទចុះមកពិនិត្យមើលកាន់តែឆាប់កាន់តែល្អ កុំឱ្យនាយកក្រុមហ៊ុនអគ្គិសនីកៀនស្វាយជញ្ជក់ឈាមរាស្រ្ដ តាមរយៈការលួចចរន្ដអគ្គិសនីនេះទៀត វាងាប់រាស្រ្ដក្រីក្រអស់ហើយ ។
ពាក់ព័ន្ធនឹងការរិះគន់ ចោទប្រកាន់របស់អតិថិជនដែលប្រើប្រាស់ចរន្ដអគ្គិសនីខាងលើនេះ កោះសន្ដិភាពមិនអាចទាក់ទងសុំការបំភ្លឺពីនាយកក្រុមហ៊ុនអគ្គិសនីកៀនស្វាយបានទេ តែនឹងព្យាយាមដើម្បីស្វែងរកការបំភ្លឺទាក់ទងនឹងការចោទប្រកាន់របស់អតិថិជនអ្នកប្រើប្រាស់អគ្គិសនីដែលមានមន្ទិលសង្ស័យដូចខាងលើ ៕
ចែករំលែកព័តមាននេះ