ខេត្តបន្ទាយមានជ័យ ៖ កម្លាំងនគរបាលស្រុកម៉ាឡៃ បានធ្វើការស៊ើបអង្កេតស្រាវជ្រាវចាប់ឃាត់ខ្លួនមុខសញ្ញាជួញដូរគ្រឿងញៀនម្នាក់ រួមទាំងវត្ថុតាងថ្នាំញៀនប្រភេទមេតំហ្វេតាមីនគ្រាប់ ពណ៌ក្រហម ចំនួន១៣០គ្រាប់ និងថ្នាំញៀនប្រភេទម្សៅពណ៌សទឹកកកចំនួន១កូនថង់តូច ។
ខេត្តបន្ទាយមានជ័យ ៖ កម្លាំងនគរបាលស្រុកម៉ាឡៃ បានធ្វើការស៊ើបអង្កេតស្រាវជ្រាវចាប់ឃាត់ខ្លួនមុខសញ្ញាជួញដូរគ្រឿងញៀនម្នាក់ រួមទាំងវត្ថុតាងថ្នាំញៀនប្រភេទមេតំហ្វេតាមីនគ្រាប់ ពណ៌ក្រហម ចំនួន១៣០គ្រាប់ និងថ្នាំញៀនប្រភេទម្សៅពណ៌សទឹកកកចំនួន១កូនថង់តូច ។
ប្រតិបត្តិការនេះ ធ្វើឡើងកាលពីវេលាម៉ោង៤ និង៥៥នាទីរសៀលថ្ងៃទី២៦ កុម្ភៈ ២០១៤ នេះ ស្ថិតនៅចំណុចភូមិបល្ល័ង្គ ឃុំតាគង់ ស្រុកម៉ាឡៃ ខេត្តបន្ទាយមានជ័យ ។
លោកអធិការបញ្ជាក់ថា ជនសង្ស័យត្រូវចាប់ខ្លួនឈ្មោះអាន សាវី ភេទស្រី អាយុ៤៣ឆ្នាំ រស់នៅភូមិបល្ល័ង្គ ឃុំតាគង់ ស្រុកម៉ាឡៃ ខេត្តបន្ទាយមានជ័យ ។ បច្ចុប្បន្នជនសង្ស័យ និងវត្ថុតាង ត្រូវកម្លាំងជំនាញ របស់អធិការដ្ឋាននគរបាលស្រុករៀបចំបញ្ជូនទៅស្នងការដ្ឋាននគរបាលខេត្តបន្ទាយមានជ័យ ដើម្បីចាត់ការបន្តតាមច្បាប់ ។
ចែករំលែកព័តមាននេះ