ខេត្តបន្ទាយមានជ័យ ៖ ប្រជាពលរដ្ឋនៅភូមិគោកអំបិល បានបង្កើតសមាគមថ្មីគ្រប់គ្រងដី ១ហិកតា ដែលបានរំលាយសមាគមចាស់ មានបំណងយកដីចែកគ្នា និងបានឲ្យលោកមេឃុំចុះហត្ថលេខារួចហើយ តែស្មៀនមិនព្រមបោះត្រា ទើបធ្វើឲ្យប្រជាពលរដ្ឋមានប្រតិកម្ម។
ខេត្តបន្ទាយមានជ័យ ៖ ប្រជាពលរដ្ឋនៅភូមិគោកអំបិល បានបង្កើតសមាគមថ្មីគ្រប់គ្រងដី ១ហិកតា ដែលបានរំលាយសមាគមចាស់ មានបំណងយកដីចែកគ្នា និងបានឲ្យលោកមេឃុំចុះហត្ថលេខារួចហើយ តែស្មៀនមិនព្រមបោះត្រា ទើបធ្វើឲ្យប្រជាពលរដ្ឋមានប្រតិកម្ម។
តំណាងសមាគមភូមិគោកអំពិល ចំនួន ១០នាក់ ដែលមាន លោក កើត សំរិទ្ធ និង លោក កើត ណុប បានប្រាប់ថា ក្រោយពេលមន្ត្រីវាស់វែងដីធ្លីបានចុះអនុវត្តន៍ធ្វើប្លង់គោលហើយ ស្រាប់តែមានបុគ្គល ២នាក់ នៅក្នុងរង្វង់អាជ្ញាធរភូមិគោកអំពិល បានបោះបង្គោលព្រំ មានបំណងយកដីសមាគមន៍ភូមិចំនួន ១ហិកតា ដែលមានតម្លៃរាប់ម៉ឺនដុល្លារ ដើម្បីចែកគ្នាជាពីរចំណែក។
លោកបានបន្តថា ក្រោយពេលដែលប្រជាពលរដ្ឋក្នុងភូមិបានដឹងត្រូវបានដកបង្គោលព្រំចោល ហើយប្រាប់ទៅមន្ត្រីជំនាញវាស់វែងដីធ្លីនេះថា ជាដីសមាគមភូមិគោគអំពិល មិនត្រូវឲ្យបុគ្គល ២នាក់ នោះ ចែកគ្នាទេ។ ទើបនៅថ្ងៃទី២១ កុម្ភៈ ២០១៤ កន្លងទៅនេះ បានបើកកិច្ចប្រជុំមួយដែលមានប្រជាពលរដ្ឋក្នុងភូមិគោកអំបិល ចូលរួមជាច្រើន ហើយសម្រេចបោះឆ្នោតជាថ្មី ដើម្បីជ្រើសយកប្រធានសមាគមគ្រប់គ្រងដីសមាគមថ្មី និងត្រូវរំលាយសមាគមចាស់ចោល។
នៅក្នុងពិធីបង្កើតសមាគមថ្មី គឺមានការចូលរួមពី លោក ខាវ វ៉ារិន មេឃុំអូរប្រាសាទ និងបានចុះហត្ថលេខាលើកំណត់ហេតុដែលបានទទួលស្គាល់សមាគមថ្មី ដើម្បីរក្សាទុកសាលារៀនសម្រាប់កូនចៅជំនាន់ក្រោយៗ ដែលត្រូវការចាំបាច់។
លោក កើត សំរិទ្ធ និង លោក កើត ណុប បានបន្តថា ក្រោយពេលដែលបង្កើតសមាគមថ្មីបានហើយ គឺបានឲ្យ លោក ខាវ វ៉ារិន មេឃុំអូរប្រាសាទ ចុះហត្ថលេខាលើកំណត់សំគាល់ ហើយយកទៅលោកស្មៀនឃុំអូរប្រាសាទ បោះត្រា តែបានប្រាប់វិញថា ឯកសារនេះ ទុកឲ្យឃុំពិចារណា ៣ថ្ងៃ សិនដោយលើកឡើងថា ជាដីដែលមានបញ្ហា ទើបប្រជាពលរដ្ឋសមាគមភូមិគោកអំពិល ជិត ១០នាក់ ទៅសួរនាំ លោក ខាវ វ៉ារិន មេឃុំអូរប្រាសាទ នៅល្ងាចថ្ងៃទី២៦ កុម្ភៈ ២០១៤។
លោក ខាវ វ៉ារិន មេឃុំអូរប្រាសាទ បានប្រាប់ថា ឯកសារបង្កើតសមាគមភូមិគោគអំពិលថ្មីសម្រាប់គ្រប់គ្រងដី ១ហិកតា នេះ គឺលោកបានចុះហត្ថលេខាលើកកំណត់ហេតុហើយ តែដោយស្មៀនមិនទាន់បោះត្រា គឺទុកពិចារណាសិន ព្រោះជាដីទំនាស់ដែលសមាគមចាស់មាន ២នាក់ គ្រោងចែកគ្នា។ ចំណែករឿងនេះ រង់ចាំលោកឆ្លងយោបល់លោកអភិបាលស្រុក នៅថ្ងៃទី២៧ កុម្ភៈ ២០១៤ ចាំឲ្យបោះត្រាប្រគល់ជូន ក៏មិនទាន់ផុតពេលនៅឡើយ។
លោក អ៊ិន សវិចិត្រ អភិបាលស្រុកមង្គលបូរី បានប្រាប់ថា ចំពោះដីសមាគមភូមិគោកអំពិល គឺកាលពីសមាគមចាស់គ្រោងចែកគ្នាម្តងរួចទៅហើយ តែបញ្ហាបង្កើតសមាគមថ្មី លោកដូចមិនទាន់បានដឹងនៅឡើយទេ បើបង្កើតសមាគមថ្មីបានហើយដែលមានលោកមេឃុំចូលរួម និងប្រជាពលរដ្ឋមានការយល់ព្រមជ្រើសរើសថ្មី គឺជាការត្រឹមត្រូវ។ បើលោកមេឃុំបានចុះហត្ថលេខា តែស្មៀនមិនព្រមបោះត្រានោះ គឺឲ្យតំណាងសមាគមថ្មីទៅសាកសួរដោយខ្លួនឯង តើមូលហេតុអ្វី។ បើដោះស្រាយមិនបានរង់ចាំលោកនឹងទៅដោះស្រាយជូន។
មន្ត្រីវាស់វែងដីធ្លីបានបញ្ជាក់ប្រាប់ថា នៅភូមិគោកអំពិល នឹងត្រូវបានបញ្ចប់ការងារធ្វើប្លង់រយៈពេល ១សប្ថាហ៍ ខាងមុខនេះ ទើបឲ្យបញ្ចប់ទំនាស់នៅលើដីសមាគមភូមិដោយបង្កើតបានហើយ គួរប្រញាប់ប្រញាល់មកដាក់ពាក្យ ដើម្បីធ្វើប្លង់ដីសមាគមភូមិដែលជាដីរួម៕
ចែករំលែកព័តមាននេះ