ខេត្តបន្ទាយមានជ័យ ៖ មនុស្ស ២ក្រុម ដែល ១ក្រុម ជាភាគីខាងស្ត្រីជាម្ដាយក្មេក និង ១ក្រុមទៀត ជាភាគីខាងកូនប្រសារស្រី បានទៅដល់ប៉ុស្តិ៍រដ្ឋបាលនគរបាលសង្កាត់ផ្សារកណ្ដាល កាលពីរសៀលថ្ងៃទី២៦ កុម្ភៈ ២០១៤ ដើម្បប្ដឹង និងចោទប្រកាន់គ្នាទៅវិញទៅមក ក្រោយកើតអំពើហិ.ង្សា កាលពីរសៀលថ្ងៃទី២៥ កុម្ភៈ នៅភូមិប្រជាធម្មលិច សង្កាត់ផ្សារកណ្ដាល ក្រុងប៉ោយប៉ែត។
ខេត្តបន្ទាយមានជ័យ ៖ មនុស្ស ២ក្រុម ដែល ១ក្រុម ជាភាគីខាងស្ត្រីជាម្ដាយក្មេក និង ១ក្រុមទៀត ជាភាគីខាងកូនប្រសារស្រី បានទៅដល់ប៉ុស្តិ៍រដ្ឋបាលនគរបាលសង្កាត់ផ្សារកណ្ដាល កាលពីរសៀលថ្ងៃទី២៦ កុម្ភៈ ២០១៤ ដើម្បប្ដឹង និងចោទប្រកាន់គ្នាទៅវិញទៅមក ក្រោយកើតអំពើហិង្សា កាលពីរសៀលថ្ងៃទី២៥ កុម្ភៈ នៅភូមិប្រជាធម្មលិច សង្កាត់ផ្សារកណ្ដាល ក្រុងប៉ោយប៉ែត។
ស្ត្រីជាម្ដាយក្មេកដែលប្ដឹងកូនប្រសារឈ្មោះ ក្រូច ខឿន អាយុ ៤៨ឆ្នាំ មានទីលំនៅក្នុងភូមិកើតហេតុខាងលើ មានរបួសម្រាមដៃខាងស្ដាំ ចោទថា កូនប្រសារស្រីរបស់គាត់ឈ្មោះ លីដា លីន ហៅហច់ អាយុ ២១ឆ្នាំ បានចាប់មួលម្រាមដៃរបស់គាត់រហូតបាក់ឆ្អឹង ក្នុងជម្លោះរឿងកូនប្រសារបាត់ប្ដី កាលពីរសៀលម៉ោង២ ថ្ងៃទី២៥ កុម្ភៈ ២០១៤។
ស្ត្រីជាម្ដាយក្មេកបាននិយាយថា មុនពេលកើតហេតុកូនប្រសាររបស់គាត់បានធ្វើដំណើរមកពីផ្ទះរបស់គេនៅឯស្រុកមោងឬស្សី ខេត្តបាត់ដំបង ហើយពេលមកដល់ផ្ទះរបស់គាត់ៗ ក៏សួរកូនប្រសារថា ទៅណាហ្នឹងមានកន្ត្រកយួររយីងរយោង និងប្រាប់ថា ប្ដីកូនឯងទៅប្រទេសថៃ បាត់ហើយ។ ស្ត្រីខាងលើបន្តថា ក្រោយគាត់ប្រាប់ចប់ស្រាប់តែកូនប្រសាររបស់គាត់ស្រែកឡូឡាចោទគាត់ថា ស៊ុំគ្រលំម្ដាយកូន និងសុំលេខទូរស័ព្ទប្ដីរបស់គេ។
បន្ទាប់មក ក៏ប្រើហិង្សាចាប់ដៃគាត់មួលរហូតបាក់ម្រាមតែម្ដង។ ទោះជាយ៉ាងណា ភាគីជាកូនប្រសារ ដែលរងការចោទប្រកាន់ថា វាយម្ដាយក្មេកឲ្យរបួសនោះ បានប្រាប់ថា ធាតុពិតខ្លួនមិនបានវាយម្ដាយក្មេកនោះទេ ប៉ុន្តែ ក្នុងហេតុការណ៍សួររកទូរស័ព្ទប្ដី ម្ដាយក្មេកមិនប្រាប់ហើយពេលខ្លួនព្យាយាមសុំ ម្ដាយក្មេកបានធាក់កន្ត្រករបស់ខ្លួនធ្លាក់ពីលើគ្រែ និងយកដៃរុញច្រាននាង ហើយពេលនាងយកដៃគ្រវាសចេញ ក៏ចំដៃស្ត្រីជាម្ដាយក្មេកតែម្ដងទៅ។
មិនតែប៉ុណ្ណោះ នាងបានចោទថា ប្អូនថ្លៃប្រុសរបស់នាងបានវាយធ្វើបាបនាងរហូតជាំដៃខាងស្ដាំ និងរបួសក្រោម.កខាងឆ្វេង ខណៈប្អូនថ្លៃប្រុសឈ្មោះ ថន ក្រិត អាយុ ២២ឆ្នាំ បានបដិសេធថា ជារឿងមិនពិត។ នៅប៉ុស្តិ៍រដ្ឋបាល ភាគីសាច់ញាតិខាងស្ត្រីជាម្ដាយក្មេក និងភាគីសាច់ញាតិខាងស្ត្រីជាកូនប្រសារ បានប្រកែកយកឈ្នះរៀងខ្លួន ដោយចោទគ្នាទៅវិញទៅមកជំនួសភាគីទាំងសងខាង ដែលកំពុងត្រូវសមត្ថកិច្ចសួរនាំនៅក្នុងបន្ទប់។
តាមប៉ូលិសនិយាយថា ក្រោយហេតុការណ៍កើតឡើងនៅរសៀលថ្ងៃទី២៥ ជាថ្ងៃកើតហេតុ នាងជាកូនប្រសារបានទៅប្ដឹងសមត្ថកិច្ចពីម្ដាយក្មេកថា បានព្រួតគ្នាវាយនាង ហើយស្ត្រីជាម្ដាយក្មេកទើបតែមកប្ដឹងកូនប្រសារវិញនៅរសៀលថ្ងៃទី២៦ នេះ ក្រោយពីសមត្ថកិច្ចបានធ្វើលិខិតអញ្ជើញមកកាន់ប៉ុស្តិ៍រដ្ឋបាល ដើម្បីសួរនាំ។ ភាគីទាំង២ ម្ដាយក្មេក និងកូនប្រសារស្រី កំពុងត្រូវបានសមត្ថកិច្ចសួរនាំនៅឡើយ៕
ចែករំលែកព័តមាននេះ