ខេត្តព្រះសីហនុ ៖ សំណុំរឿងកប៉ាល់អូសសាឡង់បើកបុកទូកនេសាទ បណ្តាលឱ្យលិចស្លា.ប់កូនដៃទូក រហូតដល់ទៅ៣នាក់ នៅសមុទ្រខេត្តព្រះសីហនុ តាំងពីថ្ងៃទី២៣ មករា ២០១៤ មកនោះ រហូតមកទល់ពេលនេះ នៅមិនទាន់បានទទួលយុត្តិធម៌ណាមួយពីតុលាការខេត្តកោះកុងនៅឡើយទេ។ សំណុំរឿងក្តីនេះ ទំនងជាបានទទួលលាបសក្ការអ្វីមួយពីភាគីម្ខាងទៀត ។
ខេត្តព្រះសីហនុ ៖ សំណុំរឿងកប៉ាល់អូសសាឡង់បើកបុកទូកនេសាទ បណ្តាលឱ្យលិចស្លាប់កូនដៃទូក រហូតដល់ទៅ៣នាក់ នៅសមុទ្រខេត្តព្រះសីហនុ តាំងពីថ្ងៃទី២៣ មករា ២០១៤ មកនោះ រហូតមកទល់ពេលនេះ នៅមិនទាន់បានទទួលយុត្តិធម៌ណាមួយពីតុលាការខេត្តកោះកុងនៅឡើយទេ។ សំណុំរឿងក្តីនេះ ទំនងជាបានទទួលលាបសក្ការអ្វីមួយពីភាគីម្ខាងទៀត ។
លោកជួន ម៉េង ម្ចាស់ទូកយន្តរងគ្រោះបាននិយាយត្អូញត្អែរថា តុលាការខេត្តកោះកុងនៅមិនទាន់ផ្តល់ភាពកក់ក្តៅលើសំណងមកដល់ជនរងគ្រោះនៅឡើយទេ បើគិតចាប់ពីថ្ងៃកើតហេតុមកទល់ពេលនេះ មានរយៈពេល១ខែទៅហើយ ប៉ុន្តែកាលពីថ្ងៃទី១៩ កុម្ភៈ ២០១៤ ចៅក្រមកាន់សំណុំរឿងក្តីនេះ បានកោះហៅទៅសាកសួរម្តងដែរ ហើយក៏ស្ងាត់ឈឹងតែម្តង ។
លោកជួន ម៉េង បានបន្តថា អ្វីដែលគួរឱ្យមានការភ្ញាក់ផ្អើលនោះ គឺមានករណីមិនប្រក្រតីមួយ ទើបនឹងកើតឡើងនៅក្នុងសំណុំរឿងក្តីនេះដែរ រឿងនោះគាត់បានដឹងថា ភាគីខាងក្រុមហ៊ុនថៃដឹកជញ្ជូនផ្លូវទឹក បានរត់ការទៅបញ្ចុះបញ្ចូលឱ្យគ្រួសារសព(កូនដៃទូក) ចំនួន៣នាក់នោះ ទទួលយកប្រាក់ក្នុងម្នាក់ៗ២៣០០ដុល្លារអាមេរិក បន្ទាប់មក គេបានធ្វើលិខិតស្នើសុំដកពាក្យបណ្តឹង និងស្នើសុំឱ្យតៃកុងកប៉ាល់ជាជនជាតិថៃម្នាក់ ដែលកំពុងឃុំខ្លួនក្នុងពន្ធនាគារខេត្តកោះកុងបានចេញក្រៅឃុំបណ្តោះអាសន្ននេះថែមទៀត ។ ការបែកធ្លាយរឿងនេះ គឺលោកចៅក្រម (ច) មីន មករា ជាអ្នកកាន់ក្តីបានយកមកបង្ហាញដោយផ្ទាល់ កាលពីពេលកោះហៅរូបគាត់ឱ្យចូលបំភ្លឺ (១៩ កុម្ភៈ ២០១៤)។
លោកជួន ម៉េង បានបញ្ជាក់បន្ថែមទៀតថា គាត់ជាអ្នកមើលការខុសត្រូវលើទូករងគ្រោះ និងជាអ្នកមើលការខុសត្រូវលើសពកូនដៃទូកចំនួន៣នាក់ និង២នាក់ទៀតដែលនៅរស់ សរុបជនរងគ្រោះទាំងអស់មានគ្នា៦នាក់ បានដាក់ពាក្យពឹងពាក់មេធាវី តាំងពីថ្ងៃទី៥ កុម្ភៈ ២០១៤ មកម្ល៉េះ ។ ដូចនេះការបញ្ចុះបញ្ចូល គ្រួសារសពឱ្យទទួលប្រាក់ចំនួន២៣០០ដុល្លារអាមេរិក ក្នុងម្នាក់ៗនោះ គឺជាល្បិចកលដ៏គំរក់មួយ ដើម្បីបំបែកសំណុំរឿងក្តីនេះ ពីធំឱ្យមកតូច ក្នុងគោលបំណងដោះលែងជនសង្សយ័តៃកុងថៃម្នាក់ នៅក្នុងពន្ធនាគារ
ខេត្តកោះកុងឱ្យនៅក្រៅឃុំ ជាថ្នូរនឹងអំពើពុករលួយមួយគួរឲ្យភ្ញាក់ផ្អើល។
លោកមេធាវី អ៊ី ចំរើន ក៏បានឲ្យដឹងដែរថា សម្រាប់រូបលោកជាមេធាវីការពារក្តីដោយអាណត្តិគាត់មិនខ្វល់រឿងទៅបញ្ចុះបញ្ចូលកូនក្តីរបស់គាត់អ្វីនោះទេ ព្រោះកូនក្តីរបស់គាត់មិនបានជូនដំណឹងណាមួយជូនដល់លោកនោះទេ ដូចនេះដំណើររឿងក្តីនៅដដែល ។
លោកមេធាវីរូបនោះបានបញ្ជាក់ថា ក្នុងសំណុំរឿងនេះ កូនក្តីបានដាក់ពាក្យពឹងពាក់រូបលោកជាមេធាវី មានចំនួន៦នាក់ ក្នុងនោះអាណាព្យាបាលសពចំនួន៣នាក់, កូនដៃទូក និងតៃកុងដែលនៅរស់ចំនួន២នាក់ និងម្ចាស់ទូកម្នាក់ទៀតផងដែរ ។ លោកមីន មករា ចៅក្រម (ច) នៃសាលាដំបូងខេត្តកោះកុង កោះសន្តិភាពមិនអាចទំនាក់ទំនងសុំការបំភ្លឺបានទេ នៅថ្ងៃទី២៦ កុម្ភៈ ២០១៤ ព្រោះគ្មានលេខទូរស័ព្ទ តែទោះជាយ៉ាងនេះក្តី មន្ត្រីអ្នកច្បាប់ម្នាក់នៅសាលាដំបូងខេត្តកោះកុងបានបង្ហើបថា សំណុំរឿងនេះមិនមានអ្វីពិបាកនោះទេ ព្រោះភាគីខាងជនរងគ្រោះត្រូវការតែសំណងសមរម្យមួយដែលអាចទទួលយកបានតែប៉ុណ្ណោះ មិនមានអ្វីចង់ឈ្នះចាញ់នោះទេ ។ ដូចនេះស៊ីសងលើចៅក្រមអ្នកកាន់សំណុំរឿងក្តីនេះ បើមានសុឆ្ឆន្ទ ដោះស្រាយប្រកបដោយយុត្តិធម៌ វាស្រេចទៅហើយ ។ប៉ុន្តែបើចៅក្រមកាន់ក្តីនោះ បក្សពួកនិយមពុករលួយព្យាយាមបំបែកសំណុំរឿងពីធំមកតូច ក្នុងគោលបំណងអ្វីមួយនោះ ជនរងគ្រោះពិតជាវេទនាហើយ ។
ចែករំលែកព័តមាននេះ