រាជធានីភ្នំពេញ ៖ នៅវេលាម៉ោង៣និង២០នាទីរសៀលថ្ងៃទី២៦ កុម្ភៈ ២០១៤ លោក ម៉ម ប៊ុនហេង រដ្ឋមន្ត្រីក្រសួងសុខាភិបាល បានជួបប្រជុំជាមួយមន្ត្រីរាជការមន្ទីរពេទ្យបង្អែករាជធានី នៅអគារថ្មី ជាន់ទី៤ ខាងក្រោយអគារមន្ទីរពេទ្យចាស់ ។
រាជធានីភ្នំពេញ ៖ នៅវេលាម៉ោង៣និង២០នាទីរសៀលថ្ងៃទី២៦ កុម្ភៈ ២០១៤ លោក ម៉ម ប៊ុនហេង រដ្ឋមន្ត្រីក្រសួងសុខាភិបាល បានជួបប្រជុំជាមួយមន្ត្រីរាជការមន្ទីរពេទ្យបង្អែករាជធានី នៅអគារថ្មី ជាន់ទី៤ ខាងក្រោយអគារមន្ទីរពេទ្យចាស់ ។
បើតាមសេចក្តីរាយការណ៍បានឱ្យដឹងថា ជំនួបប្រជុំនេះធ្វើឡើងដោយបិទទ្វារ និងហាមមិនឱ្យអ្នកកាសែតថតយករូបភាពនោះទេ ហើយលោក សុខ សុគន្ធ ប្រធានមន្ទីរសុខាភិបាលរាជធានីភ្នំពេញ បានដើរដេញអ្នកកាសែតមិនឱ្យចូលយកព័ត៌មានឡើយ ។
ទោះបីយ៉ាងណា គេមិនទាន់ដឹងថា លោករដ្ឋមន្ត្រីក្រសួងសុខាភិបាល ជួបពិភាក្សាជាមួយបុគ្គលិកមន្ទីរពេទ្យបង្អែករាជធានី ពីបញ្ហាអ្វីនោះនៅឡើយទេ ប៉ុន្តែ មន្ត្រីរាជការសុទ្ធសឹងជាបុគ្គលិកបម្រើការងារនៅមន្ទីរពេទ្យ បង្អែករាជធានីភ្នំពេញ ហៅមន្ទីរពេទ្យសម្ភពក្រុង ប្រមាណជាង៣០០នាក់ កាលពីព្រឹកថ្ងៃទី២៥ កុម្ភៈ បាននាំគ្នាតវ៉ាប្រៀបដូចជាការផ្ទុះគ្រាប់បែកទាំងព្រលឹមអុរ ប្រមូលផ្តុំគ្នាប្រដាប់ដោយបដា ឈរត្រៀមត្រានៅមុខមន្ទីរពេទ្យ នៅពេលទទួលដំណឹងថា អគារមន្ទីរពេទ្យដែលកំពុងបម្រើការងាររាល់ថ្ងៃ ស្ងាត់ៗត្រូវគេលួចលក់បាត់ទៅហើយ និងបង្ខំឱ្យរើតោករើហ៊ឹង ទៅនៅអគារថ្មី ស្ថិតនៅខាងក្រោយ ។
ចែករំលែកព័តមាននេះ