ខេត្តក្រចេះ ៖ នគរបាលស្រុកសំបូរ កាលពីរសៀលថ្ងៃទី២៥ កុម្ភៈ ២០១៤ បានចាប់ខ្លួនជនសង្ស័យប្រុស ស្រី៣នាក់ពាក់ព័ន្ធនឹងករណីឃាតកម្មសម្លា.ប់បុរសជាក្មួយក្នុងជម្លោះជំពាក់លុយ៥ម៉ឺនរៀល ដែលបានប្រព្រឹត្តកាលពីល្ងាចថ្ងៃទី២៤ កុម្ភៈ ២០១៤ នៅចំណុចភ្នំជី ភូមិយាវ ឃុំកំពង់ចាម ស្រុកសំបូរ។
ខេត្តក្រចេះ ៖ នគរបាលស្រុកសំបូរ កាលពីរសៀលថ្ងៃទី២៥ កុម្ភៈ ២០១៤ បានចាប់ខ្លួនជនសង្ស័យប្រុស ស្រី៣នាក់ពាក់ព័ន្ធនឹងករណីឃាតកម្មសម្លាប់បុរសជាក្មួយក្នុងជម្លោះជំពាក់លុយ៥ម៉ឺនរៀល ដែលបានប្រព្រឹត្តកាលពីល្ងាចថ្ងៃទី២៤ កុម្ភៈ ២០១៤ នៅចំណុចភ្នំជី ភូមិយាវ ឃុំកំពង់ចាម ស្រុកសំបូរ។
ជនរងគ្រោះត្រូវគេស្គាល់ឈ្មោះហ៊ាប យឿន អាយុ៣៧ឆ្នាំ មានទីលំនៅភូមិទឹកម៉ាលាង ឃុំសណ្តាន់ ស្រុកសណ្តាន់ ខេត្តកំពង់ធំ ជាកម្មករធ្វើមាសនៅចំណុចកើតហេតុខាងលើ ចំណែកជនសង្ស័យទាំង៣នាក់ ១-ឈ្មោះមាស រ៉ន អាយុ៦៤ឆ្នាំ ជាជនដៃដល់ និងជាឪពុកមាជនរងគ្រោះ,២-ឈ្មោះទិត្យ គុណ អាយុ៥០ឆ្នាំ ជាប្រពន្ធជនដៃដល់ និង៣-ឈ្មោះស ជ្រុយ អាយុ៤៥ឆ្នាំ ជាអ្នករួមគំនិតជួយសែងសពជនរងគ្រោះយកទៅកប់។
ប្រភពបានឱ្យដឹងថា ជនរងគ្រោះត្រូវជនដៃដល់វាយកាប់នឹងពូថៅចំក្បាលផ្នែកខាងមុខស្លាប់នៅនឹងកន្លែងរួចខ្ចប់ក្នុងអង្រឹងដាក់ឈើស្នែងសែងយកទៅកប់នៅព្រៃខាងក្រោយផ្ទះចម្ងាយជាង៥រយម៉ែត្រ ។ ហេតុការណ៍កាប់សម្លាប់នេះបានកើតឡើង បន្ទាប់ពីបុរសរងគ្រោះបានទៅផ្ទះរបស់ជនសង្ស័យប្តី ប្រពន្ធនេះដើម្បីទារលុយដែលជំពាក់មានចំនួន៥ម៉ឺនរៀលក៏កើតជាជម្លោះរវាងជនរងគ្រោះជាមួយស្រ្តីជាប្រពន្ធ ខណៈដែលបុរសជាប្តីមិននៅផ្ទះ។
ប្រភពបានឲ្យដឹងទៀតថា បន្ទាប់ពីជនដៃដល់បានមកដល់ផ្ទះ ស្រ្តីជាប្រពន្ធបានប្រាប់ប្តីថា ជនរងគ្រោះបានមកទារលុយ និងបម្រុងចាប់រំលោភគាត់ ពេលនោះបុរសជាប្តីបានស្ទុះទៅយកពូថៅ រីឯស្រ្តីជាប្រពន្ធបានយកព្រនង់ មកវាយកាប់លើបុរសរងគ្រោះដែលកំពុងតែដេកក្នុងអង្រឹងក្រោមផ្ទះរហូតស្លាប់ រួចក៏ហៅបុរសម្នាក់ទៀតដែលនៅក្បែរនោះមកជួយសែងសាកសពជនរងគ្រោះនៅក្នុងអង្រឹងយកទៅកប់ចោលក្នុងព្រៃ។ ទោះបីជាយ៉ាងណាបន្ទាប់ពីធ្វើសកម្មភាពវាយសម្លាប់ និងកប់ដីរួចបុរសជាបក្សពួកឈ្មោះស ជ្រុយ បាននាំយករឿងនេះទៅប្រាប់មេភូមិទើបបែកធ្លាយដល់សមត្ថកិច្ចតែម្តង៕
ចែករំលែកព័តមាននេះ