រាជធានីភ្នំពេញ ៖ កម្មកររោងចក្រ យូ ដា អ៊ីដាស ស្ត្រៀល ប្រមាណ២០០នាក់ ក្នុងចំណោម៦០០នាក់ នាំគ្នាធ្វើកូដកម្មបិទផ្លូវបោះតុងនៅខាងមុខរោងចក្រ ស្ថិតក្នុងភូមិក្បាលដំរី សង្កាត់កាកាប ខណ្ឌពោធិ៍សែនជ័យ កាលពីវេលាព្រឹកថ្ងៃទី២៦ កុម្ភៈ ប្រយោជន៍ដើម្បីទាមទារលក្ខខណ្ឌការងារ៩ចំណុច ។
រាជធានីភ្នំពេញ ៖ កម្មកររោងចក្រ យូ ដា ហ្គាមិន អ៊ីនដាស់ស្ទ្រៀល ប្រមាណ២០០នាក់ ក្នុងចំណោម៦០០នាក់ នាំគ្នាធ្វើកូដកម្មបិទផ្លូវបោះតុងនៅខាងមុខរោងចក្រ ស្ថិតក្នុងភូមិក្បាលដំរី សង្កាត់កាកាប ខណ្ឌពោធិ៍សែនជ័យ កាលពីវេលាព្រឹកថ្ងៃទី២៦ កុម្ភៈ ប្រយោជន៍ដើម្បីទាមទារលក្ខខណ្ឌការងារ៩ចំណុច ។
បើតាមសេចក្តីរាយការណ៍ពីអ្នកឆ្លើយឆ្លងព័ត៌មានកោះសន្តិភាពបានឱ្យដឹងថា ក្រុមកម្មករធ្វើកូដកម្ម៥ថ្ងៃមកហើយនៅក្នុងរោងចក្រ តែគ្មានដំណោះស្រាយ ក៏នាំគ្នាចេញមកខាងក្រៅបោះតុងបិទផ្លូវខាងមុខរោងចក្រតែម្តង ប្រយោជន៍ដើម្បីទាមទារលក្ខខណ្ឌការងារ៩ចំណុច ក្នុងនោះចំណុចសំខាន់សូមឱ្យថៅកែរោងចក្របញ្ឈប់ប្រធានផ្នែកវេចខ្ចប់ឈ្មោះ ស៊ីវ ជុង ជនជាតិចិន ដែលប្រើពាក្យសម្តីមិនសមរម្យមកលើកម្មករ ។
សេចក្តីរាយការណ៍បន្តថា អ្វីជាការកត់សម្គាល់ បើតាមកម្មករប្រាប់ឱ្យដឹងថា ពេលពួកគេធ្វើកូដកម្មបិទផ្លូវ ស្រាប់តែមានមន្ត្រីយោធាម្នាក់ ដែលពួកគេឃើញស្លាកឈ្មោះ ស្វាយ រដ្ឋា ជិះរថយន្តម៉ាកស៊ើបមួយគ្រឿង ពណ៌ទឹកប៊ិច ពាក់ស្លាកលេខក្រុងព្រះសីហនុ 2A-0051 បើកពីកើតទៅលិច មកដល់កន្លែងកើតហេតុ បានដកកាំភ្លើងខ្លីសម្លុតគំរាមកំហែង តែត្រូវបានប្រពន្ធជិះក្នុងនោះជាមួយឃាត់ រួចបើករថយន្តទៅបាត់ ៕
ចែករំលែកព័តមាននេះ