ខេត្តព្រះសីហនុ ៖ បុរសជាប្តីរងរបួសធ្ងន់ ចំណែកស្ត្រីជាប្រពន្ធបានស្លាប់ដោយគ្រោះថ្នាក់ចរាចរណ៍រវាងរថយន្ត និងម៉ូតូ កាលពីម៉ោងជិត១រសៀល ថ្ងៃទី១៧ ខែសីហា ឆ្នាំ២០១៩ នៅភូមិអូរតាសេក ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ លើផ្លូវជាតិលេខ៤ ចន្លោះបង្គោលគីឡូម៉ែត្រលេខ ១៩៩-២០០ ។
យោងតាមរបាយការណ៍បឋមពីសមត្ថកិច្ចបញ្ជាក់ថា ជនរងគ្រោះជាភាគីខាងម៉ូតូ០១គ្រឿង ម៉ាក HONDA-DREAM ពណ៌ខ្មៅ ពាក់ផ្លាកលេខ ព្រះសីហនុ 1B-9802 មានទិសដៅភ្នំពេញ-ព្រះសីហនុ អ្នកបើកបរឈ្មោះ ហេម ហ៊ាន ភេទប្រុស អាយុ៥០ឆ្នាំ ត្រូវជាប្តី និងអ្នករួមដំណើរឈ្មោះឆែម ខុម ភេទស្រី អាយុ៤៩ឆ្នាំ ជាប្រពន្ធមានទីលំនៅភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ ។
ពេលមកដល់ចំណុចកើតហេតុម៉ូតូបានធ្លាក់ជង្ហុកហើយរេចង្កូតមកខាងឆ្វេងដៃ ស្របពេលដែលរថយន្តរថយន្ត០១គ្រឿង ម៉ាក TUNDRA ពណ៌ស ពាក់ផ្លាកលេខ ភ្នំពេញ 2AJ-5008 (ទិសដៅផ្ទុយគ្នា) មកដល់ចំណុចនោះរថយន្ត និងម៉ូតូក៏បុកគ្នាតែម្តង ។
ភាគីខាងរថយន្តបើកបរដោយឈ្មោះ CHEN JUN ភេទប្រុស អាយុ២៩ឆ្នាំ មានទីលំនៅផ្ទះ៧៧៨ ផ្លូវបេតុង សង្កាត់ទឹកថ្លា ខណ្ឌសែនសុខ រាជធានីភ្នំពេញ និងអ្នករួមដំណើរឈ្មោះ Gu HAINAN ភេទប្រុស អាយុ៣៨ឆ្នាំ អ្នកទាំងពីរជាជនជាតិចិន ។ គ្រោះថ្នាក់នេះបណ្តាលអោយឈ្មោះ ហេម ហ៊ា អ្នកបើកបរម៉ូតូរបួសធ្ងន់ និងស្ត្រីជាប្រពន្ធឈ្មោះ ឆែម ខុម អ្នករួមដំណើរជាមួយគ្នាបានស្លាប់នៅនឹងកន្លែង ។
បច្ចុប្បន្នជនរងគ្រោះបានបញ្ជូនទៅសង្គ្រោះនៅគ្លីនិកឯកជន ឃុំអូរឧកញ៉ាហេង រីឯវត្ថុតាងរថយន្ត និងម៉ូតូ យកទៅរក្សាទុកជាបណ្តោះអាសន្ននៅអធិការដ្ឋាននគរបាលស្រុកព្រៃនប់ ។ ដោយឡែកអ្នកបើកបរ និងអ្នករួមដំណើរលើរថយន្តបាននាំខ្លួនមកសាកសួរនៅអធិការដ្ឋាននគរបាលស្រុកព្រៃនប់តាមនីតិវិធី ៕
កែសម្រួលដោយ ៖ សំណាង
ចែករំលែកព័តមាននេះ