រាជធានីភ្នំពេញ ៖ ជនសង្ស័យវាយប្លន់យកម៉ូតូម៉ាកឌ្រីមសេ១២៥ ពណ៌ខ្មៅ កាលពីយប់ថ្ងៃអាទិត្យ កន្លងមក នៅចំណុចរង្វង់មូលរូបសំណាកកាំភ្លើងគួចកាណុង (ស្តាតចាស់ខាងលិចស្ពានជ្រោយចង្វា) ស្ថិតក្នុងសង្កាត់ស្រះចក ខណ្ឌដូនពេញ ត្រូវបានកម្លាំងនគរបាលផ្នែកព្រហ្មទណ្ឌខណ្ឌដូនពេញ ដឹកនាំដោយលោកវរសេនីយ៍ត្រី ញ៉ែម សៅណុល អធិការរងទទួលបន្ទុកព្រហ្មទណ្ឌ
រាជធានីភ្នំពេញ ៖ ជនសង្ស័យវាយប្លន់យកម៉ូតូម៉ាកឌ្រីមសេ១២៥ ពណ៌ខ្មៅ កាលពីយប់ថ្ងៃអាទិត្យ កន្លងមក នៅចំណុចរង្វង់មូលរូបសំណាកកាំភ្លើងគួចកាណុង (ស្តាតចាស់ខាងលិចស្ពានជ្រោយចង្វា) ស្ថិតក្នុងសង្កាត់ស្រះចក ខណ្ឌដូនពេញ ត្រូវបានកម្លាំងនគរបាលផ្នែកព្រហ្មទណ្ឌខណ្ឌដូនពេញ ដឹកនាំដោយលោកវរសេនីយ៍ត្រី ញ៉ែម សៅណុល អធិការរងទទួលបន្ទុកព្រហ្មទណ្ឌនៃអធិការដ្ឋាននគរបាលខណ្ឌដូនពេញស្រាវជ្រាវចាប់ឃាត់ខ្លួនជាបន្តបន្ទាប់ បាន០៥នាក់ កាលពីវេលាម៉ោង១២ថ្ងៃត្រង់ ថ្ងៃទី២៤ កុម្ភៈ ឆ្នាំ២០១៤ ខណៈពេលដែលជននោះកំពុងលាក់ខ្លួននៅផ្ទះក្នុងសង្កាត់ទួលសង្កែ ខណ្ឌឫស្សីកែវ។
មន្ដ្រីនគរបាលព្រហ្មទណ្ឌខណ្ឌដូនពេញ បានឱ្យដឹងថា ជនសង្ស័យទាំង០៥នាក់ដែលជាប់ពាក់ព័ន្ធវាយប្លន់យកម៉ូតូ ទី១-ឈ្មោះពង់ គឹមសេង ហៅស្នា អាយុ២៩ឆ្នាំ មុខរបរមិនពិតប្រាកដ ស្នាក់នៅផ្ទះជួល លេខ៣៨៥ ផ្លូវរថភ្លើង ភូមិទួលសង្កែ សង្កាត់ទួលសង្កែ ខណ្ឌឫស្សីកែវ ,ទី២-ឈ្មោះ ជាតិ រដ្ឋា អាយុ៣១ឆ្នាំ មុខរបរកម្មករសំណង់ ស្នាក់នៅផ្ទះលេខ៣៨៥ ផ្លូវរថភ្លើង ភូមិទួលសង្កែ សង្កាត់ទួលសង្កែ ,ទី៣-ឈ្មោះឡុង វណ្ណដា អាយុ២៩ឆ្នាំ មុខរបរកម្មករសំណង់ ស្នាក់នៅការដ្ឋានសំណង់បឹងស្នោ ,ទី៤-ឈ្មោះជា សំណាង អាយុ២៨ឆ្នាំ មុខរបរកម្មករសំណង់ ស្នាក់នៅការដ្ឋានសំណង់ឫស្សីកែវ និងទី៥-ឈ្មោះហៃ ម៉េងហ៊ីង អាយុ២៥ឆ្នាំ មុខរបរធ្វើស្រែ រស់នៅភូមិរកាគយ ឃុំរកាគយ ស្រុកកងមាស ខេត្ដកំពង់ចាម ។ បន្ទាប់ចាប់ឃាត់ខ្លួនជនសង្ស័យទាំង៥នាក់ខាងលើនេះ កម្លាំងសមត្ថកិច្ចបានដកហូតកាំបិតចុងស្រួចចំនួន០២ ដែកចុងស្រួចសម្រាប់កាត់សោម៉ូតូរាងអក្សរតេចំនួន០១ និងកូនសោមួយចង្កោម ។
មន្ត្រីនគរបាលដដែលបានរំលឹកថា ជនសង្ស័យទាំង០៥នាក់បានធ្វើសកម្មភាពព្រួតគ្នា វាយនិងប្លន់យកម៉ូតូមួយគ្រឿងម៉ាកឌ្រីមសេ១២៥ កាលពីវេលាម៉ោង១១និង២០នាទីយប់ថ្ងៃទី២៣ កុម្ភៈ ឆ្នាំ២០១៤ ស្ថិតនៅ រង្វង់មូលរូបសំណាកកាំភ្លើងកួចកាណុង (រង្វង់មូលស្តាតចាស់) ពីជនរងគ្រោះ០២នាក់ ម្នាក់ឈ្មោះសេង ប៊ុនរិទ្ធ អាយុ៣២ឆ្នាំ និងម្នាក់ទៀតជាមិត្ដភក្ដិ ឈ្មោះ ធា អាយុ៣០ឆ្នាំ ពួកគេទាំងពីរនាក់ ស្នាក់នៅសង្កាត់គីឡូម៉ែត្រលេខ៦ ខណ្ឌឫស្សីកែវ។ ជនរងគ្រោះទាំងពីរនាក់ បានជិះម៉ូតូ មកដល់ចំណុចកើតហេតុខាងលើ ក៏លើកទូរស័ព្ទនិយាយ ស្រាប់តែមនុស្សមួយក្រុមចោទថា ជនរងគ្រោះមើលមុខពួកគេ ក៏នាំគ្នាធ្វើ សកម្មភាពវាយសម្រុកប្រវាយប្រតប់ជាមួយ ជនរងគ្រោះ រួចហើយនាំគ្នាលើកម៉ូតូរបស់ជនរងគ្រោះ ជិះទៅបាត់ដោយសុវត្ថិភាព ។
ក្រុមគ្រួសារជនរងគ្រោះបានឲ្យដឹងថា ម៉ូតូរបស់រូបគេមិនទាន់ត្រូវបានសមត្ថកិច្ចរកឃើញនៅឡើយទេរហូតដល់ថ្ងៃអង្គារ៍នេះ។
ចែករំលែកព័តមាននេះ