រាជធានីភ្នំពេញ ៖ លោកយឹម សុវណ្ណ អ្នកនាំពាក្យគណបក្សសង្គ្រោះជាតិបានឱ្យដឹងនៅថ្ងៃទី២៥ កុម្ភៈ ២០១៤ នេះថា ការកំណត់ជួបចរចាជាថ្មីនិយាយពីការបង្កើត
គណៈកម្មការចម្រុះសម្រាប់កែទម្រង់ការបោះឆ្នោតរវាងក្រុមការងាររបស់គណបក្សប្រជាជនកម្ពុជា និងគណបក្សសង្គ្រោះជាតិនៅថ្ងៃទី២៧ កុម្ភៈខាងមុខនេះ ត្រូវបាន
លុបចោល។
រាជធានីភ្នំពេញ ៖ លោកយឹម សុវណ្ណ អ្នកនាំពាក្យគណបក្សសង្គ្រោះជាតិបានឱ្យដឹងនៅថ្ងៃទី២៥ កុម្ភៈ ២០១៤ នេះថា ការកំណត់ជួបចរចាជាថ្មីនិយាយពីការបង្កើតគណៈកម្មការចម្រុះសម្រាប់កែទម្រង់ការបោះឆ្នោតរវាងក្រុមការងាររបស់គណបក្សប្រជាជនកម្ពុជា និងគណបក្សសង្គ្រោះជាតិនៅថ្ងៃទី២៧ កុម្ភៈខាងមុខនេះ ត្រូវបានលុបចោល។
លោកយឹម សុវណ្ណ បានបញ្ជាក់ថា ការសម្រេចលើកពេលជួបចរចារវាងក្រុមការងារគណបក្សទាំង២ក្នុងនាមគណៈកម្មការចម្រុះសម្រាប់កែទម្រង់ការបោះឆ្នោតនេះមិនមែនមកពីហេតុផលនយោបាយទេ តែដោយសារបញ្ហាបច្ចេកទេសរបស់ក្រុមការងារគណបក្សទាំង២ និងមានការស្នើសុំពន្យាពីភាគីគណបក្សប្រជាជនកម្ពុជា។
ទាក់ទងនឹងការលើកឡើងរបស់អ្នកនាំពាក្យគណបក្សសង្គ្រោះជាតិថាលុបចោល និងពន្យាពេលនៅសប្តាហ៍ក្រោយ កោះសន្តិភាពមិនអាចសុំការបកស្រាយពីលោកព្រុំ សុខា ប្រធានក្រុមការងារបច្ចេកទេសរបស់គណបក្សប្រជាជនកម្ពុជា និងលោកជាម យៀប សមាជិកជាន់ខ្ពស់ និងជាសមាជិកគណៈកម្មការចម្រុះសម្រាប់កែទម្រង់ការបោះឆ្នោត ខាងគណបក្សប្រជាជនកម្ពុជាបានទេ ដោយទូរស័ព្ទចូលគ្មានអ្នកទទួល។
គួររំលឹកថា មន្រ្តីជាន់ខ្ពស់គណបក្សប្រជាជនកម្ពុជា លោក ឈាង វុន បានមានប្រសាសន៏បា្រប់ក្រុមអ្នករាយការណ៏ព័ត៌មាននៅព្រឹកថ្ងៃទី២៥ កុម្ភៈ ២០១៤នេះថា គណបក្សប្រជាជនកម្ពុជាបានយល់ព្រមតាមសំណើរបស់គណបក្សសង្គ្រោះជាតិក្នុងការសុំជួបគ្នាជាថ្មីនៅថ្ងៃទី២៧ កុម្ភៈ ។
ចែករំលែកព័តមាននេះ