ខេត្តព្រះសីហនុ៖ សម្តេចនាយករដ្ឋមន្រ្តី ហ៊ុន សែន បានថ្លែងក្រើនរំលឹកដល់អ្នកដឹកនំា ឬ ញុះញង់ឲ្យមានបាតុកម្ម កូដកម្ម ដែលអាចឈានឲ្យថៅកែសម្រេចបិទរោងចក្រនោះ គឺត្រូវទទួលខុសត្រូវចំពោះកម្មករដែលអត់ការងារធ្វើ ។
ខេត្តព្រះសីហនុ៖ សម្តេចនាយករដ្ឋមន្រ្តី ហ៊ុន សែន បានថ្លែងក្រើនរំលឹកដល់អ្នកដឹកនំា ឬ ញុះញង់ឲ្យមានបាតុកម្ម កូដកម្ម ដែលអាចឈានឲ្យថៅកែសម្រេចបិទរោងចក្រនោះ គឺត្រូវទទួលខុសត្រូវចំពោះកម្មករដែលអត់ការងារធ្វើ ។
ប្រសាសន៏របស់សម្តេចតេជោ ហ៊ុន សែន យ៉ាងដូច្នេះបានកើតឡើងបន្ទាប់ពីមេដឹកនំាសហជីពនិងសមាគមមួយចំនួន បានធ្វើការអំពាវនាវឲ្យកម្មករទំាងអស់ធ្វើពហិការមិនធ្វើការថែមម៉ោងចាប់ពីថ្ងៃទី២៤ កុម្ភៈ ២០១៤ម្សិលមិញ មុនដល់ការធ្វើកូដកម្មមិនចូលធ្វើការនៅថ្ងៃទី១២ មីនា ២០១៤ ប្រយោជន៏ដើម្បីទាមទារឲ្យដោះលែងមនុស្ស២១នាក់ និង ចរចាដំឡើងបា្រក់ខែគោល ១៦០ដុល្លារ ។
ថ្លែងនៅក្នុងពិធីសម្ពោធដាក់ឲ្យប្រើបា្រស់ជាផ្លូវការនូវរោងចក្រអគ្គិសនីដើរដោយធ្យូងថ្មកម្លំាង១០០MW និងខែ្សបណ្តាញបញ្ជូនអគ្គិសនី២០០KW ពីភ្នំពេញទៅកំពង់ចាម នៅក្នុងភូមិ២ ឃុំកំពេញ ស្រុកស្ទឹងហាវ ខេត្តព្រះសីហនុ នាព្រឹកថ្ងៃទី២៥ កុម្ភៈ ២០១៤នេះដែរ សម្តេចតេជោបានលើកឡើងទៀតថា ការទាក់ទាញឲ្យគេមកវិនិយោគនៅកម្ពុជា គឺលំបាកណាស់ ទំារំាតែគេមកដាក់ទុនដូចវារីអគ្គសនី ឬ បើករោងចក្រកាត់ដេរជាដើម ។ ដូច្នេះបើសិនជាធ្វើបាតុកម្ម កូដកម្ម ហើយនំាដល់ការបិទរោងចក្រ នោះត្រូវរករឿងអ្នកដឹកនំា ឬ ញុះញង់ឲ្យមានបាតុកម្ម ។
ដោយឡែក ក្នុងឱកាសនោះដែរសម្តេចអគ្គមហាសេនាបតីតេជោ ហ៊ុន សែន ក៏បានអំពាវនាវដល់អាជ្ញាធរទំាងអស់ត្រូវតែផ្តល់សិទ្ឋិស្មើគ្នាចំពោះបាតុកម្មគំាទ្ររដ្ឋាភិបាល និង ប្រឆាំងរដ្ឋាភិបាល ដែលជាការអនុវត្តសិទ្ឋិស្មើភាពគ្នា លើការប្រើបា្រស់សិទ្ឋិសេរីភាពរបស់ប្រជាពលរដ្ឋក្នុងការជួបជុំធ្វើបាតុកម្ម ហើយអាជ្ញាធរត្រូវត្រៀមការពារប្រជាជនទំាងសង្ខាង។
បើតាមសម្តេចតេជោ ហ៊ុន សែន នៅពេលនេះ ចលនាបាតុកម្មបានប្រែរូបរាងជាពីរ គឺបាតុកម្មរបស់ក្រុមប្រឆាំង និង បាតុកម្មរបស់អ្នកគំាទ្ររដ្ឋាភិបាល ហើយថាបាតុកម្មទំាងពីរនេះ ជាឆន្ទៈរបស់ប្រជាពលរដ្ឋដូចគ្នា និងជាសិទ្ឋិរបស់ក្រុមអ្នកប្រឆាំង រួមទំាងអ្នកគំាទ្ររាជរដ្ឋាភិបាល។
យ៉ាងណាក៏ដោយសម្តេចនាយករដ្ឋមន្រ្តីបានបញ្ជាក់ទៀតថា ក្នុងនាមជានាយករដ្ឋមន្រ្តី សម្តេចមិនអាចជំទាស់មិនឲ្យប្រជាជនប្រើបា្រស់សិទ្ឋិធ្វើបាតុកម្មនោះទេ ហើយសម្តេចក៏មិនគំាទ្រ ឬ ក៏អំពាវនាវឲ្យមានបាតុកម្ម ដូចនៅប្រទេសវេណេស៊ូអេឡា ដែលមេដឹកនំារដ្ឋាភិបាលបានអំពាវនាវឲ្យប្រជាជនធ្វើបាតុកម្មគំាទ្រខ្លួននោះទេ ៕
ចែករំលែកព័តមាននេះ