ខេត្តកំពង់ចាម៖ បុរសម្នាក់ឈ្មោះថេង ធី អាយុ៤៣ឆ្នាំ រស់នៅភូមិបារាយ ឃុំឈូក ស្រុកក្រូចឆ្មារ ត្រូវបានប្រជាពលរដ្ឋប្រទះឃើញដេកស្លា.ប់ផ្កា.ប់មុខ នៅក្នុងចំការស្វាយចន្ទីមួយកន្លែង មានចំងាយប្រហែល១.៥០០ម៉ែត្រពីផ្ទះ កាលពីវេលាម៉ោង ១និង៤០នាទីរសៀលថ្ងៃទី២៣ កុម្ភៈ ២០១៤ ដោយ មានស្នាមកា.ប់ត្រូវកញ្ចឹងក២កន្លែង និងបែកចញ្ចើម
ខេត្តកំពង់ចាម៖ បុរសម្នាក់ឈ្មោះថេង ធី អាយុ៤៣ឆ្នាំ រស់នៅភូមិបារាយ ឃុំឈូក ស្រុកក្រូចឆ្មារ ត្រូវបានប្រជាពលរដ្ឋប្រទះឃើញដេកស្លាប់ផ្កាប់មុខ នៅក្នុងចំការស្វាយចន្ទីមួយកន្លែង មានចំងាយប្រហែល១.៥០០ម៉ែត្រពីផ្ទះ កាលពីវេលាម៉ោង ១និង៤០នាទីរសៀលថ្ងៃទី២៣ កុម្ភៈ ២០១៤ ដោយ មានស្នាមកាប់ត្រូវកញ្ចឹងក២កន្លែង និងបែកចញ្ចើម ព្រមទាំងមានថង់ដាក់គ្រាប់ស្វាយចន្ទី៥គីឡូក្រាម ជំពាមកៅស៊ូ១ គោមពាក់នឹងក្បាល១ ជាអំពើឃាតកម្មសង្ស័យតែបុរសនេះទៅលួចបេះ ផលដំណាំ របស់គេ គ្រាដែលម្ចាស់គេទាន់ ក៏វាយនិងកាប់ក្ស័យសង្ខារតែម្តង ។
តាមលោកគឹម តារា ទទួលផែនសេនាធិការ នគរបាលស្រុកក្រូចឆ្មារបានប្រាប់ឲ្យដឹងថា កាលពីវេលាម៉ោង១០និង៣០នាទីយប់ថ្ងៃទី២២ កុម្ភៈ បុរសរងគ្រោះបានចេញពីផ្ទះរបស់ខ្លួនដោយមានពាក់គោមនឹងក្បាលមួយសំរាប់បំភ្លឺផ្លូវ ជំពាមកៅស៊ូ១ និងថង់១ស្ពាយនឹងខ្នង ដោយប្រាប់ប្រពន្ធថាចេញទៅរកឆ្លុះសត្វនៅក្នុងព្រៃ ។
លោក គឹម តារា ប្រាប់បន្តថា រហូតមកដល់ព្រឹកព្រលឹមថ្ងៃទី២៣ កុម្ភៈ ប្រពន្ធជនរងគ្រោះនិងកូនៗ បាននាំគ្នាចេញទៅតាមរកក្នុងព្រៃ តែមិនឃើញនោះទេ ក៏នាំគ្នាត្រឡប់មកផ្ទះវិញទាំងក្តីកង្វល់ផងដែរ ។ ជាមួយនោះដែរ ដោយមន្ទិលសង្ស័យមិនអស់ចិត្តក្នុងការតាមរកប្តីនោះ ប្រពន្ធជនរងគ្រោះក៏បានពឹងអ្នកភូមិផងរបងជាមួយ មានគ្នាជាច្រើននាក់ចេញទៅតាមរកក្នុងព្រៃម្តងទៀត ដោយបានចេញពីកន្លែងមួយទៅកន្លែងមួយ រហូតដល់វេលាម៉ោង១និង៤០នាទីរសៀល ទើបប្រទះឃើញសពបុរសឈ្មោះ ថេង ធី ដេកផ្កាប់មុខក្នុងចំការស្វាយចន្ទីរបស់អ្នកស្រុកម្នាក់ស្ថិតក្នុងភូមិបារាយ៏ ឃុំឈូក បង្កឲ្យមានការភ្ញាក់ផ្អើលដល់នគរបាលប៉ុស្ត៏រដ្ឋបាលឃុំឈូក ហើយត្រូវបានលោកវរសេនីយ៏ត្រី សាំ ហេង អធិការនគរបាលស្រុកក្រូចឆ្មារ ចាត់ឲ្យកម្លាំងជំនាញបច្ចេកទេសចុះ
ទៅពិនិត្យសពឃើញមានស្នាមកាប់និងស្នាមវាយ ។ បន្ទាប់មកបានប្រគល់សពឲ្យទៅក្រុមសាច់ញាតិដើម្បីរៀបចំធ្វើបុណ្យតាមប្រពៃណី ។
លោកគឹម តារា បានបញ្ជាក់ថា ចំពោះគ្រាប់ស្វាយចន្ទីនៅក្នុងថង់ដែលមានទង្ងន់៥គីឡូក្រាមនោះ អាចបុរសរងគ្រោះលួចបេះរបស់គេ ទំនងជាម្ចាស់ចំការគេមកទាន់ក៏វាយរហូតស្លាប់បែបនេះតែម្តង ៕
ចែករំលែកព័តមាននេះ