រាជធានីភ្នំពេញ ៖ ជនជាតិចិនម្នាក់រងរបួសបែកក្បាលជាច្រើនកន្លែងសង្ស័យជាករណីហិង្សា បង្កអោយមានការភ្ញាក់ផ្អើលកាលពីវេលាម៉ោង៩និង៣០នាទីយប់ ថ្ងៃទី១៥ ខែសីហា ឆ្នាំ២០១៩ នៅតាមបណ្ដោយផ្លូវបេតុងលេខ48K ភូមិព្រៃសាលា សង្កាត់កាកាបទី២ ខណ្ឌពោធិ៍សែនជ័យ ។
តាមប្រភពព័ត៌មានពីប្រជាពលរដ្ឋនៅកន្លែងកើតហេតុបាននិយាយប្រាប់ថា នៅមុនពេលកើតហេតុមានជនជាតិចិន២នាក់មិនស្គាល់ឈ្មោះបានអង្គុយជិតគ្នានៅជិតកន្លែងកើតហេតុមួយសន្ទុះក្រោយមកស្រាប់តែឃើញជនរងគ្រោះជនជាតិចិនខាងលើមានរបួសបែកក្បាលរយះចិញ្ចើមជាច្រើនកន្លែងឈាមហូរស្រោចជោកខ្លួនដោយមិនដឹងថាបណ្តាលមកពីករណីអ្វី ។
ក្រោយមកជនរងគ្រោះបានដើរសំដៅទៅប្រជាពលរដ្ឋនៅជិតកន្លែងកើតហេតុឱ្យជួយ ប្រជាពលរដ្ឋក៏បានហៅរថយន្តសង្គ្រោះឯកជនមកដឹកយកទៅព្យាបាលតែសមត្ថកិច្ចឃើញស្ថានភាពរបួសធ្ងន់ធ្ងរបានបញ្ជូនទៅព្យាបាលនៅមន្ទីរពេទ្យព្រះកុសុមៈតែម្តង ៕
កែសម្រួលដោយ ៖ សំណាង
ចែករំលែកព័តមាននេះ