ការសិក្សាស្រាវជ្រាវរបស់អ្នកវិទ្យាសាស្ត្រអាមេរិកចុះផ្សាយក្នុងព្រឹត្តិប័ត្រ Obesityដែលបានពិសោធនលើក្មេងអាយុពី៦ទៅ១៩ឆ្នាំប្រមាណជា ៦៨ម៉ឺន១ពាន់នាក់បង្ហាញថា ក្មេងតូចនិងក្មេងវ័យជំទង់ដែលធាត់ដុះពោះលើសទម្ងន់ ប្រឈមខ្ពស់នឹងការកើតជំងឺហឺតធៀបនឹងក្មេងមានទម្ងន់ខ្លួនធម្មតា ។
ការសិក្សាស្រាវជ្រាវរបស់អ្នកវិទ្យាសាស្ត្រអាមេរិកចុះផ្សាយក្នុងព្រឹត្តិប័ត្រ Obesityដែលបានពិសោធនលើក្មេងអាយុពី៦ទៅ១៩ឆ្នាំប្រមាណជា ៦៨ម៉ឺន១ពាន់នាក់បង្ហាញថា ក្មេងតូចនិងក្មេងវ័យជំទង់ដែលធាត់ដុះពោះលើសទម្ងន់ ប្រឈមខ្ពស់នឹងការកើតជំងឺហឺតធៀបនឹងក្មេងមានទម្ងន់ខ្លួនធម្មតា ។
កម្លាំងនៃការជាប់ទាក់ទងគ្នារវាងជំងឺហឺតនិងការធាត់លើសទម្ងន់គឺមានការផ្លាស់ប្តូរទៅតាមពូជអម្បូរ និងជាតិសាសន៍ ។ ការជាប់ទាក់ទងខ្លាំងជាងគេបំផុតរវាងទំហំខ្លួននិងជំងឺហឺតមានក្នុងយុវវ័យអម្បូរអេស្ប៉ាញខណៈក្មេងស្បែកខ្មៅ ការជាប់ទងគ្នាមានតិចទួច ។
អ្នកនិពន្ធអត្ថបទសិក្សា Mary Helen Blackបាននិយាយថា៖«លទ្ធផលនៃការស្រាវជ្រាវនេះបានចូលរួមចំណែកក្នុងនាមជាភស្តុតាងដែលថា ពិតជាមានការជាប់ពាក់ព័ន្ធគ្នារវាងការធាត់លើសទម្ងន់និងជំងឺហឺតលើកុមារនិងក្មេងវ័យជំទង់ ។ លើសពីនេះវាបានបង្ហាញឱ្យយើងដឹងថា ការពាក់ព័ន្ធរបស់វា ក៏អាស្រ័យលើពូជអម្បូរនិងជាតិសាសន៍ផងដែរជាពិសេសអម្បូរអេស្ប៉ាញជាប់ទាក់ទងខ្លាំងជាងគេ»។
គួរកត់សម្គាល់ថា បណ្តាក្មេងដែលធាត់ដុះពោះលើសទម្ងន់ហើយកើតជំងឺហឺតរមែងទៅជួបវេជ្ជបណ្ឌិតជារឿយៗនិងមានពេលខ្លះត្រូវសម្រាកក្នុងបន្ទប់សង្គ្រោះបន្ទាន់ទៀតផង ។ ពួកគេទាំងនេះតែងតែប្រើថ្នាំនិងឧបករណ៍ជំនួយដង្ហើមជានិច្ច ៕
ចែករំលែកព័តមាននេះ