ខេត្តកំពង់ធំ ៖ វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត លើកទី២ បានរៀបចំឡើងនៅក្នុងបរិវេណសាលាស្រុកបារាយណ៍ ខេត្តកំពង់ធំ កាលពីព្រឹកថ្ងៃទី១៨ កុម្ភៈ ២០១៤ ក្រោមអធិបតីភាព ឯកឧត្តម ណាំ ទុំ ប្រធានក្រុមប្រឹក្សាខេត្ត និង ឯកឧត្តម សុខ លូ អភិបាលរង នៃគណៈអភិបាលខេត្ត ដោយមានការចូលរួមពីសមាជិកចំនួន ១៤២នាក់ ស្រី ២៦នាក់។
ខេត្តកំពង់ធំ ៖ វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត លើកទី២ បានរៀបចំឡើងនៅក្នុងបរិវេណសាលាស្រុកបារាយណ៍ ខេត្តកំពង់ធំ កាលពីព្រឹកថ្ងៃទី១៨ កុម្ភៈ ២០១៤ ក្រោមអធិបតីភាព ឯកឧត្តម ណាំ ទុំ ប្រធានក្រុមប្រឹក្សាខេត្ត និង ឯកឧត្តម សុខ លូ អភិបាលរង នៃគណៈអភិបាលខេត្ត ដោយមានការចូលរួមពីសមាជិកចំនួន ១៤២នាក់ ស្រី ២៦នាក់។
លោក ម៉ាក់ ប៊ុនហុង នាយករងរដ្ឋបាលសាលាខេត្ត បានឡើងអានរបាយការណ៍សង្ខេប ស្តីអំពីវេទិកាសាធារណៈនាព្រឹកនេះ មានគោលបំណង ១. ផ្តល់ព័ត៌មានដល់ប្រជាពលរដ្ឋ ស្តីអំពីសមិទ្ឋិផលនានា ដែលក្រុមប្រឹក្សាខេត្តសម្រេចបានកន្លងមក និងបញ្ហាប្រឈមនានា ២. ផ្តល់ព័ត៌មានដល់ប្រជាពលរដ្ឋអំពីអាទិភាព នៃការអភិវឌ្ឍន៍របស់ក្រុមប្រឹក្សាសម្រាប់ឆ្នាំខាងមុខ ៣. ផ្តល់ឱកាសដល់ប្រជាពលរដ្ឋមានសិទ្ឋិចូលរួមបញ្ចេញយោបល់ និងអាចលើកឡើងនូវសំណួរពាក់ព័ន្ឋជាបញ្ហានានា ក្នុងមូលដ្ឋានរបស់ខ្លួន ៤. ធានាថា ក្រុមប្រឹក្សាឆ្លើយតបបានតាមតម្រូវការចាំបាច់របស់ប្រជាពលរដ្ឋ ទាំងបុរស និងស្ត្រី បានស្មើៗគ្នា។ល។
បន្ទាប់មក សមាជិកក្រុមប្រឹក្សាឃុំនានា បានសួរសំណួរ ដើម្បីបញ្ចេញអារម្មណ៍តានតឹង ដែលប៉ះទង្គិចផ្លូវចិត្តដែលបានជួបប្រទះកន្លងមក មានដូចជា បញ្ហាដីធ្លី ការកាប់ឈើ ការនេសាទខុសច្បាប់ បរិស្ថាន ប្រព័ន្ឋស្រោចស្រព ការធ្វើទ្វារទឹកបន្ថែម ការយកគ្រឿងចក្រឈូសឆាយប៉ះពាល់ដីប្រជាពលរដ្ន និងការជំរិតទារប្រាក់ពីប្រជាពលរដ្ឋដឹកឈើយកមកធ្វើផ្ទះជាដើម ដើម្បីឲ្យស្ថាប័ន មន្ទីរ ដែលពាក់ព័ន្ធធ្វើការដោះស្រាយឆ្លើយបំភ្លឺនូវរាល់បញ្ហា ដែលប្រជាពលរដ្ឋជួបប្រទះ។
ឯកឧត្តម ណាំ ទុំ បានអញ្ជើញមានប្រសាសន៍ថា ក្នុងនាមក្រុមប្រឹក្សាខេត្ត និងអាជ្ញាធរខេត្ត សូមជម្រាបជូនអង្គវេទិកាថា យើងទាំងអស់គ្នាចង់បាននូវសេវាសាធារណៈយ៉ាងត្រឹមត្រូវ ស្តីអំពីតម្លៃសេវាត្រូវសរសេរដាក់តាំងជាសាធារណៈពីរដ្ឋបាលខេត្ត ក្រុង ស្រុក ឃុំ សង្កាត់ ហាមយកលើសតម្លៃកំណត់ ធ្វើឲ្យមានការប្រសើរឡើង។
ដូច្នេះ រាល់បញ្ហាអាទិភាព និងការផ្ដល់មតិយោបល់ទាំងអស់ខាងលើនេះ រដ្ឋបាលខេត្ត នឹងពិចារណាដាក់បញ្ចូលទៅក្នុងផែនការអភិវឧ្ឍន៍កម្មវិធីវិនិយោគរបស់ខេត្ត ដើម្បីលើកស្ទួយជីវភាពរស់នៅរបស់បងប្អូនប្រជាពលរដ្ឋនៅក្នុងខេត្តកំពង់ធំ យើងឲ្យកាន់តែប្រសើរឡើង កាត់បន្ថយភាពក្រីក្រក្នុងមូលដ្ឋាន តាមរយៈវេទិកាសាធារណៈនាព្រឹកនេះ៕
ចែករំលែកព័តមាននេះ