ខេត្តរតនគិរី ៖ មណ្ឌលសុខភាពវីរៈជ័យ ខេត្តរតនគិរី ដែលបានសាងសង់ និងបំពាក់សម្ភារដោយថវិកាគំរោងកម្ពុជា-ថៃ ក្នុងការប្រយុទ្ធនឹងជំងឺគ្រុនចាញ់ គ្រុនឈាមដែលទ្រទ្រង់ដោយព្រះអង្គម្ចាស់ក្សត្រីមហាចក្រី សិរិនថន នៃព្រះរាជាណាចក្រថៃ បានដាក់សម្ពោធឱ្យប្រើប្រាស់ជាផ្លូវការហើយ កាលពីថ្ងៃទី១៧ កុម្ភៈ ២០១៤ ក្រោមវត្តមានលោកម៉ម ប៊ុនហេង រដ្ឋមន្ត្រីក្រសួងសុខាភិបាល
ខេត្តរតនគិរី ៖ មណ្ឌលសុខភាពវីរៈជ័យ ខេត្តរតនគិរី ដែលបានសាងសង់ និងបំពាក់សម្ភារដោយថវិកាគំរោងកម្ពុជា-ថៃ ក្នុងការប្រយុទ្ធនឹងជំងឺគ្រុនចាញ់ គ្រុនឈាមដែលទ្រទ្រង់ដោយព្រះអង្គម្ចាស់ក្សត្រីមហាចក្រី សិរិនថន នៃព្រះរាជាណាចក្រថៃ បានដាក់សម្ពោធឱ្យប្រើប្រាស់ជាផ្លូវការហើយ កាលពីថ្ងៃទី១៧ កុម្ភៈ ២០១៤ ក្រោមវត្តមានលោកម៉ម ប៊ុនហេង រដ្ឋមន្ត្រីក្រសួងសុខាភិបាល និងលោកផាត់ ឆៃ យុតប៉ាក់ឌី ឯកអគ្គរាជទូតថៃប្រចាំកម្ពុជា ។
លោកម៉ុម សារឿន អភិបាលរងខេត្តរតនគិរី មានប្រសាសន៍ថា ខេត្តរតនគិរី បណ្តុំទៅដោយបងប្អូនជនជាតិដើមភាគតិចរស់នៅប្រមាណជាង៦០% ខណៈដែលប្រជាពលរដ្ឋក្នុងខេត្តប្រកបមុខរបរកសិកម្ម និងទទួលផលអនុផលពីព្រៃឈើ និងការធ្វើទេសចរណ៍ដែលតម្រូវឱ្យពួកគាត់ផ្លាស់ប្តូរទីលំនៅញឹកញាប់ឥតឈប់ឈរ ។ ដូច្នេះហើយទើបពួកគាត់ត្រូវប្រឈមនឹងការគំរាមកំហែង លើបញ្ហាសុខភាព ដូចជា ជំងឺគ្រុនឈាម គ្រុនចាញ់ ពិសេសនោះការគំរាមកំហែងដល់អាយុជីវិតចំពោះមាតា និងទារក ពេលសម្រាលកូន ។
លោកអភិបាលរងខេត្តបញ្ជាក់ថា រហូតមកដល់ពេលនេះ ជំនឿអរូបិយ៍ប្រពៃណីទំនៀមទម្លាប់នៅតែគ្របដណ្តប់លើបងប្អូនជនជាតិដើមភាគតិចនៅឡើយ បើទោះបីជាមានការផ្សព្វផ្សាយអប់រំបន្តបន្ទាប់ក៏ដោយចុះ ។ ដូច្នេះការអភិវឌ្ឍលើវិស័យសុខាភិបាលនៅក្នុងខេត្ត គឺមានសារសំខាន់ខ្លាំងណាស់ ៕
ចែករំលែកព័តមាននេះ