រាជធានីភ្នំពេញ ៖ យុវជនម្នាក់ក្នុងចំណោម១៩នាក់មានប្រុសមានស្រី ខណៈចេញពីក្លិបហាយស្កាយឌីស្កូ ក៏ត្រូវជនដៃដល់មួយក្រុមធំប្រដាប់ដោយដំបងខ្សែក្រវាត់ និងដាវសាមូរ៉ៃព្រួតវាយ ក្នុងបំណងប្លន់យកម៉ូតូស្មាស់មួយគ្រឿង កាលពីវេលាម៉ោង២ និង១០នាទីរំលងអធ្រាត្រឈានចូលថ្ងៃទី១៨ កុម្ភៈ ២០១៤ ត្រង់ចំណុចមហាវិថីម៉ៅសេទុង ក្នុងសង្កាត់ផ្សារដេប៉ូទី៣ ខណ្ឌទួលគោក
រាជធានីភ្នំពេញ ៖ យុវជនម្នាក់ក្នុងចំណោម១៩នាក់មានប្រុសមានស្រី ខណៈចេញពីក្លិបហាយស្កាយឌីស្កូ ក៏ត្រូវជនដៃដល់មួយក្រុមធំប្រដាប់ដោយដំបងខ្សែក្រវាត់ និងដាវសាមូរ៉ៃព្រួតវាយ ក្នុងបំណងប្លន់យកម៉ូតូស្មាស់មួយគ្រឿង កាលពីវេលាម៉ោង២ និង១០នាទីរំលងអធ្រាត្រឈានចូលថ្ងៃទី១៨ កុម្ភៈ ២០១៤ ត្រង់ចំណុចមហាវិថីម៉ៅសេទុង ក្នុងសង្កាត់ផ្សារដេប៉ូទី៣ ខណ្ឌទួលគោក
ប្រភពបានឱ្យដឹងថា ជនរងគ្រោះត្រូវបានគេស្គាល់ឈ្មោះសុខ ជា ភេទប្រុស អាយុ១៩ឆ្នាំ ជាបុគ្គលិកនៅម៉ាស្ទ័រ ស៊ូគីស៊ុប ស្នាក់នៅសង្កាត់កាកាប ខណ្ឌពោធិ៍សែនជ័យ ។
ប្រភពពីជនរងគ្រោះបានឱ្យដឹងថា កាលពីវេលាយប់នោះ ខ្លួននិងមិត្តភក្តិ១៩នាក់ជិះម៉ូតូជាច្រើន គ្រឿងបាននាំគ្នាទៅចូលក្លិបហាយហ្កាយឌីស្កូ រហូតដល់ម៉ោងកើតហេតុខាងលើ ទើបពួកគេជិះម៉ូតូត្រឡប់ទៅផ្ទះវិញដោយចេញពីក្លិបបានបន្តិច ស្រាប់តែមានជនដៃដល់មួយក្រុមមានគ្នាច្រើននាក់ ជិះម៉ូតូច្រើនគ្រឿងដែរ ប្រដាប់ដោយដំបង ខ្សែក្រវាត់ និងដាវសាមូរ៉ៃមកដល់ដេញកាប់ក្រុមខ្លួនបណ្តាលឲ្យរត់បែកខ្ញែកគ្នាអស់រលីង នៅសល់តែខ្លួនម្នាក់រត់គេចទៅដល់ស្តុបទួលគោកឲ្យសមត្ថកិច្ចជួយអន្តរាគមន៍ ។
ប្រភពបានបន្តថា ជនរងគ្រោះបានអះអាងថា នៅកើតហេតុបន្សល់ទុកម៉ូតូ២គ្រឿង គឺម៉ូតូម៉ាកស្មាស់ ពណ៌ខ្មៅ មួយគ្រឿង និងស្គូពី កូនទា ពណ៌ក្រហមលាយស អត់ស្លាកលេខមួយគ្រឿង ប៉ុន្តែឃើញសល់តែម៉ូតូស្គូពីកូនទាទេ អត់ឃើញម៉ូតូស្មាស់ ទើបសង្ស័យជនដៃដល់ប្លន់យកទៅបាត់ហើយ ។
ចែករំលែកព័តមាននេះ