ខេត្តកណ្តាល ៖ បុរសអាងអំណាចម្នាក់រកស៊ីបើកការដ្ឋានខុសច្បាប់ និងបានរំលោ.ភលើសាលដីការក្សាការពាររបស់សាលាដំបូង ខេត្តកណ្តាល ពាក់ព័ន្ធរឿងជំពាក់ប្រាក់គេជាច្រើនមិនទាន់ដោះស្រាយចប់ផង ហ៊ានដាក់គ្រឿងចក្រកាយយកអាចម៏ដីលើការដ្ឋាន ដែលត្រូវបានហាមឃាត់នោះ ទើបនៅថ្ងៃទី១៧ កុម្ភៈ ២០១៤ ត្រូវបានប៉ូលិសស្រុកអង្គឈ្នួលចុះបង្ក្រាបដោយឃាត់គ្រឿងចក្រ និងរថ
ខេត្តកណ្តាល ៖ បុរសអាងអំណាចម្នាក់រកស៊ីបើកការដ្ឋានខុសច្បាប់ និងបានរំលោភលើសាលដីការក្សាការពាររបស់សាលាដំបូង ខេត្តកណ្តាល ពាក់ព័ន្ធរឿងជំពាក់ប្រាក់គេជាច្រើនមិនទាន់ដោះស្រាយចប់ផង ហ៊ានដាក់គ្រឿងចក្រកាយយកអាចម៏ដីលើការដ្ឋាន ដែលត្រូវបានហាមឃាត់នោះ ទើបនៅថ្ងៃទី១៧ កុម្ភៈ ២០១៤ ត្រូវបានប៉ូលិសស្រុកអង្គឈ្នួលចុះបង្ក្រាបដោយឃាត់គ្រឿងចក្រ និងរថយន្តជាលើកទី២ តាមបញ្ជារបស់ព្រះរាជអាជ្ញា និងចៅក្រមតុលាការខេត្តកណ្តាល ស្ថិតក្នុងភូមិព្រៃខ្លា ឃុំក្រាំងម្កាក់ ស្រុកអង្គឈ្នួល ខេត្តកណ្តាល ។
មន្រ្តីប៉ូលិសស្រុកអង្គឈ្នួលបានប្រាប់ថា យោងតាមដីកាសម្រេចលេខ០០១ចុះថ្ងៃទី៩ មករា ២០១៤ របស់លោកចៅក្រមស៊ិន វិរៈ ចៅក្រមនៃសាលាដំបូងខេត្តកណ្តាល បានចេញដីការក្សាហាមឃាត់មិនឲ្យលោកភឿង ប៊ន ធ្វើអាជីវកម្មកាយយកអាចម៍ដីលក់ទៀតឡើយ ព្រមទាំងឱ្យយកគ្រឿងចក្រចេញពីរណ្តៅដី ដែលមានទីតាំងក្នុងភូមិ-ឃុំខាងលើ ដើម្បីធ្វើកំណត់ហេតុ និងកិច្ចសន្យា ប៉ុន្តែភ្លាមៗនោះ លោកភឿង ប៊ន ដែលអាងអំណាចបានចេញមុខតវ៉ាយ៉ាងខ្លាំង ។ ទោះជាមានការតវ៉ាយ៉ាងណាពីលោកភឿង ប៊ន ក៏សមត្ថកិច្ចនៅតែអនុវត្តដដែល ។
ប្រភពបន្តថា ក្រោយពីឃាត់គ្រឿងចក្រ ព្រមទាំងរថយន្តតាមអំណាចដីការបស់តុលាការសម្រេចរក្សាការពារ ហើយអាជ្ញាធរ និងសមត្ថកិច្ចចុះហាមឃាត់នោះ បន្ទាប់មកលោកភឿង ប៊ន បានប្តឹងជំទាស់ដីការសម្រេចក្សាការពារលេខ០០១ ចុះថ្ងៃទី០៩ មករា ២០១៤ របស់តុលាកាខេត្តកណ្តាល ទើបតុលាកាចេញដីកាលេខ០២ ចុះថ្ងៃទី២២ មករា ឆ្នាំ២០១៤ សម្រេចដោះលែងគ្រឿងចក្រប្រភេទអេស្កាវ៉ាទ័រ២គ្រឿង និងរថយន្តបែនចំនួន៦គ្រឿង ដែលឃាត់កាលពីថ្ងៃទី៩ មករា ប្រគល់ទៅឱ្យម្ចាស់ដើម ដែលលោកភឿង ប៊ន បានជួលយកប្រើប្រាស់ ប៉ុន្តែដីកាប្តឹងទាស់នោះ តុលាការមិនបានអនុញ្ញាតឱ្យធ្វើអាជីវកម្មកាយយកអាចម៍ដីក្នុងទីតាំងខាងលើនោះទេ រហូតផុតបណ្តឹងជំទាស់របស់ចុងចម្លើយនៃបណ្តឹងរក្សាការពារ ។
ចែករំលែកព័តមាននេះ