ខេត្តកណ្តាល ៖ កម្លាំងនាយផ្នែករដ្ឋបាលព្រៃឈើកណ្តាល និងសង្កាត់រដ្ឋបាលព្រៃឈើកៀនស្វាយ សហការជាមួយកម្លាំងនគរបាលប្រឆាំងបទល្មើសសេដ្ឋកិច្ចខេត្តកណ្តាល ចុះបង្ក្រាបឈើគ្រញូងបាន១៦២ដុំ ស្មើនឹង១៩៩០គីឡូក្រាម ដែលក្រុមឈ្មួញយកទៅលាក់ទុកក្នុងដីឡូត៍មួយកន្លែង និងមួយកន្លែងទៀត នៅក្នុងរណ្តៅដីត្រង់ច្រាំងទន្លេមេគង្គ
ខេត្តកណ្តាល ៖ កម្លាំងនាយផ្នែករដ្ឋបាលព្រៃឈើកណ្តាល និងសង្កាត់រដ្ឋបាលព្រៃឈើកៀនស្វាយ សហការជាមួយកម្លាំងនគរបាលប្រឆាំងបទល្មើសសេដ្ឋកិច្ចខេត្តកណ្តាល ចុះបង្ក្រាបឈើគ្រញូងបាន១៦២ដុំ ស្មើនឹង១៩៩០គីឡូក្រាម ដែលក្រុមឈ្មួញយកទៅលាក់ទុកក្នុងដីឡូត៍មួយកន្លែង និងមួយកន្លែងទៀត នៅក្នុងរណ្តៅដីត្រង់ច្រាំងទន្លេមេគង្គ ដោយយកស្បៃនិងសំរាមគ្របពីលើ ដើម្បីបំភ័ន្តភ្នែកសមត្ថកិច្ច លោតឆត្រ័ឆ្លងដែនយកទៅលក់នៅប្រទេសវៀតណាម តាមច្រកក្អមសំណរ តែត្រូវកម្លាំងចម្រុះចុះទប់ស្កាត់ទាន់ពេលវេលា ។
ប្រតិបត្តិការនេះ ធ្វើឡើងកាលពីវេលាម៉ោង៩និង៣០នាទីព្រឹកថ្ងៃទី១៧ កុម្ភៈ ២០១៤ ត្រង់ចំណុចមាត់ច្រាំងទន្លេមេគង្គ ស្ថិតក្នុងភូមិព្រែកបាក់ ឃុំព្រែកទន្លាប់ ស្រុកលើកដែក ។
ឈើគ្រញូងដែលក្រុមឈ្មួញយកទៅលាក់ទុកមានពីរកន្លែងគឺ មួយកន្លែងនៅក្នុងរណ្តៅមាត់ទន្លេមេគង្គ និងមួយកន្លែងទៀត លាក់ទុកក្នុងទ្រូងជ្រូកចាស់ដែលគេទុកចោលក្នុងដីឡូត៍មួយគ្មានមនុស្សនៅ ចម្ងាយពីគ្នាប្រមាណជិត១០ម៉ែត្រប៉ុណ្ណោះ ៕
ចែករំលែកព័តមាននេះ