ប្រភពពីបរទេសនាពេលថ្មីៗនេះ បានបង្ហាញនូវភាពភ្ញាក់ផ្អើលមួយ ខណៈដែលមាននារីម្នាក់ឈ្មោះ Manju Dharra អាយុ២៥ឆ្នាំជាអ្នករស់នៅក្នុងទីក្រុង Sonipat នៃប្រទេសឥណ្ឌា ជានារីចម្លែកម្នាក់ ពោលគឺនាងមិនដែលទទួលទានអាហារតាំងពីនាងមានអាយុ២ឆ្នាំម៉េ្លះ ។
អ្នកស្រី Dharra ដែលត្រូវជាម្តាយរបស់នាង Manju បាននិយាយរៀបរាប់ថា «កូនស្រីគាត់មានអការៈមិនព្រមទទួលទានអាហារតាំងពីនាងមានអាយុ២ឆ្នាំ ពោលគឺនៅពេលនោះគាត់បានព្យាយាមបញ្ចុកបាយ និងនំប៉័ងដល់នាង Manju តែកូនស្រីរបស់គាត់ខំប្រឹងបិទមាត់ និងរត់គេច ហើយយំរហូតដល់ឈឺថែមទៀតផង ។ ដោយឃើញអាការៈរបស់កូនបែបនេះ គាត់ក៏ផ្អាកមិនបញ្ចុកអាហារអ្វីដល់កូនទៀតទេ គឺឱ្យនាងផឹកតែទឹកដោះគោតែប៉ុណ្ណោះ ។ ក្រោយមក គាត់សាកល្បងឱ្យកូនឈប់ផឹកទឹកដោះគោ ដើម្បីធ្វើយ៉ាងណាឱ្យកូនព្រមទទួលទានអាហារជំនួសវិញម្តង ក៏ប៉ុន្តែទោះបីជាគាត់មិនឱ្យទឹកដោះគោនាងផឹក ក៏នាងនៅតែមិនព្រមទទួលទានអាហារដដែល ។ ដូច្នេះហើយ ទើបគាត់ឱ្យកូនផឹកទឹកដោះគោចាប់តាំងពីពេលនោះរហូតមកដល់បច្ចុប្បន្ននេះ ។ អ្នកស្រី Dharra បាននិយាយបន្តទៀតថា ថ្វីដ្បិតកូនស្រីគាត់មិនព្រមទទួលអ្វីក្រៅពីទឹកដោះគោ និងទឹក ហើយនាងមានរូបរាងស្គម តែនាងមិនដែលមានជំងឺធ្ងន់ធ្ងរអ្វីទេ ។ តែទោះបីជាយ៉ាងណាក៏ដោយ ក៏គាត់នៅតែមានការព្រួយបារម្ភចំពោះសុខភាពរបស់នាងថ្ងៃអនាគត ខ្លាចក្រែងកើតមានជំងឺណាមួយដែលធ្វើឱ្យមានគ្រោះថ្នាក់ រហូតដល់បាត់បង់ជីវិតទាំងវ័យក្មេងបែបនេះ»៕
ចែករំលែកព័តមាននេះ