លិង្គមិនអាចងើបរឹងអំឡុងពេលសកម្មភាព រួមភេទគឺជាបញ្ហាទូទៅមួយដែលតែងកើតមានចំពោះបុរសមានវ័យចាប់ពី៤០ឆ្នាំឡើងទៅ ។ ប៉ុន្តែនៅរយៈពេលចុងក្រោយនេះ បញ្ហាលិង្គមិនងើបក៏បានកើតមានលើបណ្តាបុរសវ័យក្មេងផង ដែរ ។ យោងតាមអ្នកជំនាញ បញ្ហាទាំងនេះអាចបណ្តាលមកពីបុព្វហេតុមួយចំនួនក្នុងនោះ ៖
១- ការផ្គត់ផ្គង់ឈាមមិនបានគ្រប់គ្រាន់ ៖
នេះគឺជាបុព្វហេតុចម្បងទី១ ដែលនាំឱ្យលិង្គមិនងើបរឹង ។ ការងើបរឹងកើតឡើងនៅពេលដែលលិង្គត្រូវបានផ្គត់ផ្គង់ដោយឈាមគ្រប់គ្រាន់ ។ បញ្ហាមួយចំនួនដែលបង្អាក់ដល់ដំណើរឈាមរត់ មានដូចជា សម្ពាធឈាមឡើងខ្ពស់ កូឡេស្តេរ៉ូលនិងកំណកដុំខ្លាញ់ ។
២- បញ្ហាអ័រម៉ូន ៖
ការផលិតអ័រម៉ូន testosterone មិនគ្រប់គ្រាន់នៅក្នុងពងស្វាសក៏អាចបណ្តាលឱ្យលិង្គមិនអាចងើបរឹងបានផងដែរ ។ ការផលិតអ័រម៉ូន testosterone ធ្លាក់ចុះគឺអាចបណ្តាលមកពីការបំពេញមុខងារក្រពេញ pituitary មិនបានត្រឹមត្រូវឬក៏ប្រព័ន្ធប្រសាទមានភាពច្របូកច្របល់ ។
៣-ធ្វើលំហាត់ប្រាណជិះកង់ច្រើនហួសហេតុ ៖
ហាត់ប្រាណដោយជិះកង់ច្រើនហួសហេតុអាចនាំឱ្យលិង្គមិនងើបរឹង ពីព្រោះ ការអង្គុយលើកែបកង់រយៈពេលយូរ អាចធ្វើឱ្យមានសម្ពាធសង្កត់លើសរសៃប្រសាទលិង្គ ។
៤- មានអារម្មណ៍អន្ទះសាខ្លាំង ៖
បណ្តាបុរសដែលអន្ទះសាខ្លាំងពីសកម្មភាពលើគ្រែ ឬទំហំលិង្គរបស់ខ្លួនក៏អាចក្លាយជាជនរងគ្រោះនៃអ្នកជំងឺលិង្គងាប់ផងដែរ ដ្បិតការអន្ទះ សានឹងនាំឱ្យកើតមានប្រតិកម្មសរសៃប្រសាទដែលអាចទប់ស្កាត់ការឡើងរឹងរបស់លិង្គ ហើយបង្កើតនូវស្ថានការណ៍អាក្រក់បំផុត ។
៥- ការវះកាត់ឬវះកាត់កែសម្ផស្ស ៖
ការវះកាត់ប្រភេទណាមួយធ្វើឡើងនៅក្បែរបរិវេណលិង្គនឹងអាចធ្វើឱ្យដាច់ឬខូចបណ្តាសរសៃ ប្រសាទ ជាពិសេសគឺសរសៃផ្គត់ផ្គង់ឈាមទៅកាន់លិង្គ។
៦-ការបាក់ទឹកចិត្តឬភាពស្មុគស្មាញក្នុងចិត្ត ៖
សេចក្តីទុក្ខព្រួយឬភាពស្មុគស្មាញជាបន្តបន្ទាប់មានផលប៉ះពាល់អវិជ្ជមានទៅលើសមត្ថភាពផ្លូវភេទរបស់បុរសគ្រប់វ័យ ។
៧-ការញៀនគ្រឿងស្រវឹង ៖
ការប្រើប្រាស់គ្រឿងស្រវឹងច្រើនហួសនិងជាប្រចាំ អាចបណ្តាលឱ្យលិង្គងាប់បន្តិចម្តងៗ ។
៨- ការជក់បារី ៖
ការជក់បារីអាចរំខានដល់សរសៃឈាម កាត់បន្ថយលំហូរឈាមទៅកាន់លិង្គ ហើយទីបំផុតបណ្តាលឱ្យកើតមានជំងឺងាប់លិង្គ ។
៩- ផលប៉ះពាល់ពីការប្រើប្រាស់ថ្នាំពេទ្យ ៖
ការប្រើប្រាស់ថ្នាំគ្រាប់ណាមួយជាប្រចាំក៏អាចបណ្តាលឱ្យលិង្គមិនងើបរឹងផងដែរ ។ ថ្នាំ ទាំងនោះមានដូចជា ថ្នាំរម្ងាប់អារម្មណ៍ និងពពួកថ្នាំកាត់បន្ថយការលើសឈាម និងថ្នាំបេះដូងជាដើម ។
១០- ការរបួស ៖
ការរបួសឆ្អឹងខ្នងឬត្រគាកអាចធ្វើឱ្យខូច សរសៃប្រសាទដែលជំរុញឱ្យលិង្គងើបរឹង ៕
ចែករំលែកព័តមាននេះ