ខេត្តតាកែវ ៖ ថ្ងៃទី៤ ខែសីហា ឆ្នាំ២០១៩ កន្លងទៅនេះរដ្ឋបាលស្រុកសំរោងបានចាត់វិធានការរដ្ឋបាលយ៉ាងតឹងរឹងបំផុតដោយចុះឃាត់ចាប់រថយន្តលួចចាក់ដីលុបក្បែរគល់ស្ពាននៅភូមិ ទួលទ្រា ឃុំលំចង់ (ចំណុចបឹងក្រចាប់) ហើយក៏បានប្រាប់អោយកាយដីយកចេញវិញ…
ខេត្តតាកែវ ៖ ថ្ងៃទី៤ ខែសីហា ឆ្នាំ២០១៩ កន្លងទៅនេះរដ្ឋបាលស្រុកសំរោងបានចាត់វិធានការរដ្ឋបាលយ៉ាងតឹងរឹងបំផុតដោយចុះឃាត់ចាប់រថយន្តលួចចាក់ដីលុបក្បែរគល់ស្ពាននៅភូមិ ទួលទ្រា ឃុំលំចង់ (ចំណុចបឹងក្រចាប់) ហើយក៏បានប្រាប់អោយកាយដីយកចេញវិញ បើគិតមកដល់ម៉ោង៥និង០០នាទីល្ងាចថ្ងៃដដែលនេះអ្នកចាក់ដីក៏កាយអាចម៍ដីចេញវិញបានប្រមាណជា៧០%ហើយ ។ ឡានដែលធ្វើសកម្មភាពដីរំលោភយកដីសាធារណៈហើយត្រូវកកាយចេញវិញនោះ មានឡានបែនចំនួន២គ្រឿង, អាអ៊ិច១គ្រឿង, អាប៊ុល១គ្រឿង ។
លោក កេត ម៉ៅ អភិបាលស្រុកសំរោងបានអោយ កោះសន្តិភាព យើងដឹងថា ទី១-នៅចំណុចបឹងក្រចាប់លោកបានឲ្យឈ្មួញកាយចេញវិញបាន១០០% ហើយ ។ ករណីទី២គឺម្ចាស់រោងម៉ាស៊ីនផលិតទឹកកកដែលបានលួចចាក់ដីបឹងខាងក្រោយរំលោភយករាប់រយឡាននោះលោកក៏បានអោយសមត្ថកិច្ចចាប់ឡានដឹកដី និងគ្រឿងចក្រ ហើយនៅពេលនេះក្រោមការណែនាំពីលោក ខាន់ សុខា អភិបាលរងខេត្តបានអោយគ្រឿងចក្រនោះកាយអាចម៍ដីចេញពីបឹងវិញអោយអស់ដោយគ្មានការយោគយល់ឡើយ ។
ចំណែកឯនៅរសៀលថ្ងៃទី០៥ ខែសីហា ឆ្នាំ២០១៩ រដ្ឋបាលស្រុកសំរោងបានបន្តចាត់វិធានការរដ្ឋបាលយ៉ាងតឹងរឹងបំផុតមួយទៀត ដោយតម្រូវអោយម្ចាស់គ្រឿងចក្រ និងអ្នកដែលបានចាក់ដីលុបបឹង បត់រកា ក្រោយរោងចក្រទឹកក ស្ថិតនៅក្នុង ភូមិព្រៃទទឹង ឃុំសំរោង ស្រុកសំរោង ដែលទើបលួចចាក់លុបនាពេលថ្មីៗនេះអោយគាត់កាយដីយកចេញវិញ ។ នៅវេលាម៉ោង៤និង៣០នាទីរសៀលនេះទើបកាយចេញបានប្រមាណជា១០% នៃដីដែលទើបនឹងចាក់លុបថ្មីៗនេះ ។
លោកអភិបាលស្រុកសំរោងបានបញ្ជាក់យ៉ាងច្បាស់ថា ឈ្មួញដែលចាក់ដីលប់បឹងបត់រកាដែលទើបនឹងកាយចេញបាន ១០% នេះ គឺឈ្មួញបានចាក់លប់ចូលបឹងប្រមាណជា ១១ ទៅ ១៥ ម៉ែត្រ បន្ទាប់ពីគណៈបញ្ជាការស្រុកធ្វើការឃាត់គ្រឿងចក្រកាលពីពែលថ្មីៗនេះ លោកបានសង្កត់ធ្ងន់ថា បើឈ្មួញកាយអាចម៍ដីមិនគ្រប់ ១៥ ម៉ែត្រ ឬ ១០០% ទេ លោកក៏មិនដោះលែងគ្រឿងចក្រនោះឡើយ ហើយលោកនឹងរៀបចំពាក្យបណ្តឹងដាក់ទៅតុលាការតែម្តង ៕
កែសម្រួលដោយ ៖ សំណាង
ចែករំលែកព័តមាននេះ